Metiu 27:2 - Madak

² Diga xoxo alis lukngen la diga sat ka i uto at ne Paelat, ni laradi gomgo boro Rom.

Metiu 27:2 Iomraidhean Croise

Metiu 20:19

La diba song araba ia ri limixin esep boro Rom kusu dina lok sese kapmex ia la dibak pixis ia la diba vaxarem ia at laxaba. Melemu at laaleng sepsev avantun nenia anaba roo xat amlong.”

Metiu 28:14

Dola laradi gomgo, ne Paelat na ronga i na, nema maba vaase arepukus lodoxoma ren dola nemi mixo lok taxapmek at nai, la nemi guta doxoma mu solo i nom.”

Lagale Lavavang At Ne Iesu Karisito Luk Ga Malagan i 13:1

Ap mo mun loxonaleng lentaba luvuttadi mo diga nemen go, diga vaase ri ne Iesu mumu lentaba luvuttadi boro Galili ne Paelat ga sev amet di at loxonaleng digaplavang saparap ne Moroa.

Lagale Lavavang At Ne Iesu Karisito Luk Ga Malagan i 20:20

Diga ngangais ti toxonaleng petpes kusu ri ranga alis i. Diga un ka lentaba luvuttadi xusu diba lok ngan luvuttadi vapaase ruturun, la diga riki nedi xusu dina bala arup ne Iesu mi lususue, kusu diba ranga ka i la dina lok li i at lavapaase ro melamgo at laradi gomgo.

Lagale Lavavang At Ne Iesu Karisito Luk Ga Malagan i 23:1

Luvuttadi amgomgo axap diga xatu kaxat la diga lam kaka ne Iesu uto melamgo at ne Paelat.

Lagale Lavavang At Ne Iesu Karisito Luk Ga Malagan i 23:12

Ap mo mun laaleng Erodes mi ne Paelat duga etangas; duga munepen avot mun be at nai.

Lagale Lavavang At Ne Iesu Karisito Luk Ga Malagan i 3:1

At lamaares lasangaun mi lavalimo at lixitkis migomgo at ne Kaisar Taibirias; Pontias Paelat ga nemen ngan laradi gomgo to Judaia, la ne Erodes gam gomgo at lenep silok Galili, la neton, laasen teren ne Pilip gam gomgo at lunep silok Ituria la Tarakanitis; Lasinias gam gomgo at lenep silok Abilini.

Lagale Lavavang At Ne Iesu Karisito Jon Ga Malagan I 18:12

Luvuttadi esep eburu mi laradi gomgo atdi la lavaeme silok me Judaia diga ranga alis ne Iesu, la diga xoxo i.

Lagale Lavavang At Ne Iesu Karisito Jon Ga Malagan I 18:24

La ne Anas ga riki aonon i uto at ne Kaiapas, mi laxanoos move at lukngen. Kaiapas neni lamaasa gomgo.

Lagale Lavavang At Ne Iesu Karisito Jon Ga Malagan I 18:28

Ga maxantamak suubu at labarakoxot lavamaasa silok diga lok ka ne Iesu boro at loogu at ne Kaiapas la uto at loogu nunuan at laradi gomgo boro Rom; limixin me Judaia di goxo vubeles go xeneng at loogu nunuan mila diga xopara i xusu dina lox abilinga lorooro atdi at lemeren ne Moroa, la di noxo epovo do dina anan at leluxa at Lovovolo Pe.

Leven Gugu 12:6

At laxanimin avot ap mo laaleng kusu ne Erodes na lok li ne Pita at lavapaase ro melamgo at limixin, Pita ga unga xantubu at luradi rutu mu. Ni goxo epovo na sixiro mila diga xoxo i mi luvaroos sen, la luvuttadi rutu mu mo digak lok at lumusaragu ap mo loogu xokoxo.

Leven Gugu 21:33

Leeme gomgo ga vas saparap ne Pol, la ga ranga alis i, la ga tong i ri limixin esep do dina xoxo i mi luvaroos sen. La ni ga sue, “Nege i na laradi, la lavanga salai mo ni i lox i?”

Leven Gugu 22:25

Se diga xoxo ka i do dinak pixis i, Pol ga lok ti laasesep mo ga tu go, “Kereva, ik mokso at leventaangas atnimi do minap sep lanat boro Rom, no xopmen di goxo ronga levelinga ren at lavapaase?”

Leven Gugu 22:29

La soso mun mo limixin esep diga lok do dina sue i mi levesusue, digasko bilong basinge i; la mo leeme gomgo ga marat mila ni gaklen ba i do ne Pol neni lanat boro Rom, la ni ga lok li gar i at loxokoxo.

Leven Gugu 24:27

Melemu at legepu maares gara volo, Pokias Pestas ga lok ka loxot at ne Pelik ngan laradi gomgo ap mo lenep silok. Pelik ga vara i do na lox atdan lodoxoma at leme Judaia, kuren la ni ga ke xepe ne Pol to at loogu xokoxo.

Leven Gugu 28:20

Kuren la aga sing kusu ana ven nimi la ana epaase eburu minimi; nia a nemen at loxokoxo mila a nuunu at Lanarong, mo nedik limixin me Judaia ta nemen tangais i.”

Leven Gugu 3:13

Moroa at ne Abaram, Aisak, la ne Jakop, Moroa at lavalabat atdik, neni ga lox asilok laasen at ne Iesu, lasaxaruki ren. Nemi miga song araba limixin kapmek min kusu dina sev amer i; la miga sok tixirixes i ro melamgo at ne Paelat, ap mo loxonaleng ne Paelat ga lok do na soxomus asu i.

Leven Gugu 4:27

Kerepmo ne Erodes mi ne Pontias Paelat diga rupot eburu at na lemenemen silok eburu minedi limixin me Judaia la limixin kopmen di me Judaia; kusu dina lox abulubun kepe ne Iesu, neni lasaxaruki dadat taram, mo nu ga lok li i do Lanarong.

Leven Gugu 9:2

la ga sue i do ni na lok ka lavapaase axasep ti lox ase nedi limixin me Judaia diga nemen to Damasko. Neni ga vara i xusu na vuse ka nedi diga mumu asu langas at Leeme Silok go, la ni naba ranga alis di, lavatlok eburu mi lavakin la na sat ka di uto Jerusalem.

1 Timoti 6:13

At lemeren ne Moroa, neni im taba lorooro ri levempanga axap, la at lemeren ne Iesu Karisito, mo ga vaase mi luruturun to melamgo at ne Pontias Paelat; a sing lolos u do

2 Timoti 2:9

La nenia a ekip tangarang mi levesongsongot atla nia a vavang mi Lagale Lavavang, la di xoxo alis ia ngan laradi xapmek mi lavaroos; ketla levelinga at ne Moroa xopmen na nemen at lavaroos.

Ibru 13:3

Mina lox asuusu labalamu atnimi rinedi limixin nuunu di nemen at loxokoxo, i lok ngan ta do nemi bok mik lox eburu midi at loxokoxo; la mina lok tooro limixin nuunu mo dip kip losongsongot mumu lunuunu atdi, mila nemi bok migap kip levenmumuat kerepmo.