Metiu 25:1 - Madak

¹ La ne Iesu ga tong bok lavapaase poovo. Ni ga lok keretna, “At laaleng at lovotpot tarak, Linintoo no vana at laxalibet ba lok ngan lasangaun lovosono maxat diga lok ka levenbabao atdi la digat pas kusu dina ekip tangarang mi laradi ga gagas kusu na epot.

Metiu 25:1 Iomraidhean Croise

Sam 45:14

Ni i sigaraa mi lisingsiga gigiliton teren, la di lam kaka i uto at loorong; ni i emu eburu mi lavakin pentangas teren, la di lam kaka bok di uto at loorong.

Metiu 13:24

Iesu ga tong bok lara lavapaase poovo ridi, ni ga lok, “Linintoo no vana at laxalibet i lok ngan laradi gatlotlo levenit piao avukat to at laraamang teren.

Metiu 13:31

Iesu ga vaase bok tidi mi lara lavapaase poovo xeretna, “Linintoo no vana at laxalibet i lok ngan lara laradi ga lok ka levenit mastet la gatlotlo i ro xataamang teren.

Metiu 13:38

Nom laraamang i ru katling na lavatbung menemen; levenit piao avukat, ni limixin dinaba vubeles ti Linintoo; la lempivilis kapmek, ni limixin di mumu asu ne Satan.

Metiu 13:47

La ne Iesu ga lok bok tidi, “Linintoo no vana at laxalibet i lok ngan laxatkat; limixin sepsep mat di loloa min to at laras la dira sao ka laxanasen mat solo min.

Metiu 20:1

La ne Iesu ga lok bok ti luvuttadi loklok ka anasa ren, “Linintoo no vana at laxalibet i lok keretna. Lara laradi mo ga suubu suu maxantamak, kusu na lok ka tuvuttadi kusu dina gugu ro at laraamang vaen teren.

Metiu 22:2

“Linintoo no vana at laxalibet i lok ngan loorong silok ga gagas li leluxa ri loklox epot at lamdak teren.

Metiu 25:7

La nedi lasangaun lovosono maxat diga aus kaxat la diga lox agagas levenbabao atdi.

Metiu 3:2

Neni ga vavang keretna, “Mina leeng basinge leveloklok kakapmek atnimi, mila langas ti Linintoo no vana at laxalibet mo nga ira auret!”

Metiu 5:16

La kerepmo bok laxasep atnemi na soso ro melamgo at limixin, kusu diba reven leveloklok nunuan mik lox i, la diba emi asu mi ne Moroa ne Temen nimi boro vana at laxalibet.”

Metiu 9:15

Iesu ga vorang i ridi mi lavapaase poovo xeretna, “At loklox anarong at leepot, lentaba at laradi epot di noxo bulu mila laradi epot move ik lox eburu midi. Ketla laaleng mo naba rupot la limixin petpes diba lam ka laradi epot basinge lentaba ren, la dina mun anan ba ap mo levenaleng.”

Lagale Lavavang At Ne Iesu Karisito Jon Ga Malagan I 18:3

Lavamaasa silok mi lubung Parisi diga riki luvuttadi gugu atdi xusu dina emu mi ne Judas. Leventaba luvuttadi esep bok mo. La ne Judas gamgo nga di uto at laraamang. Digap kip levenapti mi lenbabao, la levempanga esep atdi.

Lagale Lavavang At Ne Iesu Karisito Jon Ga Malagan I 3:29

At loklox epot laradi i lok ka latkin tin, ketla lentangas teren i tu saparav i la ing tonga i; i lok momo xusu ri ronga levelinga ap mo laradi. La kerepmo nia a lok momo la lomomo rak i silok.

Leven Gugu 20:8

Buaang levenbabao ga nemen to vana ap mo loogu nema magak lok teren.

1 Korin 11:2

Nenia a emi asu minimi mila mi doxoma amisix ia la mi mumu asu levenanasa, agara anasa vam nimi min.

2 Korin 11:2

A suma i do lodoxoma rak iplivi aleng mumu nimi mi mo liplivi at ne Moroa xa, mila aga ora ka nimi do ri ne Karisito xusu ana raba nimi ngan loono dadat ti leges atlok teren.

2 Timoti 4:8

Lavatbungorong tia i ngan luunun ti luvuttadi mokmokso mo i nemen tangais ia. Leeme Silok ni laradi rongtonga linga la loklok teren ik mokmokso, ni naba raba ia mi nom luunun ap mo laaleng neni nabamlong teren. La kopmen tia xusuk ketla tinedi bok di ngangais mi lodoxoma liplivi ri lomlong teren.

Taitas 2:13

La kerepmo atam tebeng loklox avukat ap mo levenaleng atat kis tangais ti mo langsangan laaleng avukat, la lovotpot nunuan at ne Iesu Karisito, neni ne Moroa silok atdik la neni Leeme Loklox Arooro atdik; neni naba rupot mi lisisixam silok at ne Temen.

Lisilimet 14:4

Nedi mun na limixin di goxo lok taxakapmek maxamang at lixitkis epot, mila diga tu asepsu basinge loklok ti elong ka. Nedi na limixin di mumu amisik Lanasip; Moroa ga un ka amlong di xantubu at limixin la diga lok ngan levempipisik avot ti ne Moroa la Lanasip.

Lisilimet 19:7

Ata momo la ata sosoro la ata emi asu min, mila laaleng loklox epot at Lanasip mo ia vot ta la loono rin mo nga ira gagas li vam i.

Lisilimet 21:2

La aga ven lemenemen melemelengan, ni lemenemen maxat Jerusalem, ga si boro vana at laxalibet boro at ne Moroa, ni ga nganang ngan latkin i gagas kusu na epot maxat at latlok teren.

Lisilimet 21:9

La lara at nom lavanuti lubungangelo mo gam tebeng lavanuti lempattingtigon ga umsu mi lavanuti levesongsongot, ni ga lok tia, “Ude u, la ana lox ase u mi mo loono maxat, neni latkin ti Lanasip.”

Lisilimet 4:5

Boro at nom loxonin orong, langangao at lavanga i mam ga ravasu; aga ronga leretepaavat ga on. La to melamgo at nom loxonin lavanuti levenbabao mo ga babao; nedi lavanuti leventoonan at ne Moroa.

Lisilimet 8:10

La laangelo sepsev avantun ga mas luru ren la langsangan lavatpenti ga subu si boro vana at laxalibet ga ngangao lolos ngan loxonaros kao silok, la ga subu at lenep sepsev avantun at laratadan.