Metiu 24:7 - Madak

⁷ Limixin at levennep silok diba esep eburu mi limixin at levennep silok petpes; lavaorong silok at levennep diba esep mi lavaorong silok at levennep petpes. Lean kangking la levenangne naba vot at tengkot.

Metiu 24:7 Iomraidhean Croise

Lagale Lavavang At Ne Iesu Karisito Luk Ga Malagan i 21:11

La langsangan levenangne naba vot at tengkot eburu mi leean kangking la levenanmeres silok, la leven angsangan lempanga loklox amarat naba vot eburu mi teveloklok katling boro vana at laxalibet.

Leven Gugu 11:28

Lara atnedi ne Agabas ga xatu upana la at lololos at Loroonan Kaala ga vaase alii do lean kangking naba rupot at lavatbung menemen axap. Ga vot ap mo levenaleng ne Kolodias gam gomgo ri limixin me Rom.

Leven Gugu 2:19

Anaba lok tempanga loklok katling to vana at laxalibet la tempanga sangsangu ro xopok at lavatkangka. Lada, laxao la lakbus at lusuxa naba rupot;

Ibru 12:27

Na levelinga do “gesara bok,” i lox asuusu i do ne Moroa naba sele utut kepe axap levempanga neni ga rudum li di at na lavatbung menemen la laxalibet bok, kusu mo levempanga neni i vara i do nak lok, naba nemen amisik.

Lisilimet 6:12

La aga ven Lanasip ga ba kaxat kepe manga levelumlut sepsev avanna. La langne silok ga vot, la laxangking gak maxat ngan lavanga singsiga limixin di lox i mi laxabinim bibi at lavatme; la lagaaling axap kopmen goxo soosoo axasep bok ba, ketla ga soosoo memeles ngan ta lada.

Lisilimet 6:5

La melemu Lanasip ga ba kaxat kepe manga levelumlut sepsev avantun, la aga ronga lavanga rooro sepsev avantun ga lok ti lara, “Ude u!” La aga ven lara lavaros ga bibi aleng, la mo laradi gat kis teren gam tebeng lisikel to at lekngen.

Lisilimet 6:6

La aga ronga lavanga ga lok ngan laxaka linga boro xantubu ap mo lavanuet levempanga rooro, ga lok, “I epovo do una lox aurut luunun at lempanga anan; kuren la legesa buxom piao ni luunun lixilik ti laradi i gugu at leges aleng, la lavantun buxom balirais ni luunun lixilik ti laradi i gugu at leges aleng, ketla nemen uta lok kapmek ladan momonok la laxadan vaen.”

Lisilimet 6:8

La nia aga milik kaxat, la aga ven lara lavaros ga ngangan la mo laradi gat kis teren, laasen teren ne Lanmet; la lara ga mumu ro melemu, laasen teren ne Edesa. La duga lok ka lololos mavana at lenep i sepsev avanuet at limixin axap at na lavatbung menemen, kusu duna sev amet di keneng at levenesep silok; la loroxo la levenanmeres silok la levempanga mi lavanuet kangkedek atdi diba sev amet bok limixin.