Metiu 24:43 - Madak

⁴³ Ketla mina xasep at na lavapaase poovo. Mo do laradi at loogu iklen i do at ua loxonaleng laradi xipkip pilo ba vot teren, neni ba kuxut avukat la laradi xipkip pilo noxo das beles at loogu ren.

Metiu 24:43 Iomraidhean Croise

Metiu 14:25

Kantubu at lavantun mi lavanna konaleng at laxanimin, Iesu ga vas posiga luvuttadi loklok ka anasa ren to kantubu at lavatdan kis, neni gat pas mun to mavana at lavatdan kis.

Metiu 20:11

Diga lok ka mo lempilas la diga ru ka i xusu dina paase mukmusak ti ne temen mo laraamang.

Metiu 24:42

Kuren la mina lok tatao avukat nimi mila kopmen minaklen i do at ua laaleng nenia, Leeme Silok atnimi, anabamlong teren.

Metiu 24:44

Kuren la mina gagas avukat mila nenia, Laradi Mevana, anaba vot ap mo laaleng limixin di doxoma i do nenia a noxo vot teren.

Metiu 25:10

La lovosono rangtangku digat pas kusu ri un kaka tengkondan soksox antos babao; la ise diga onon, laradi ga gagas ti epot ga vot, la nedi lavalimo lovosono leklen diga vubeles eburu min ukeneng at leluxa at loklox aepot, la lumusaragu ga repe nga.

Metiu 25:13

La ne Iesu ga lok tidi, “Mina gagas avukat, mila mi xoklen laaleng kopla loxonatat aleng at lovotpot tarak, Leeme Silok atnimi.”

Lagale Lavavang At Ne Iesu Karisito Mak Ga Malagan I 13:35

La nemi mi lok ngan nom lasaxaruki ga lok tatao lumusaragu. Mina reven avukat amisik mila mixoklen mo laaleng Leeme Silok nabamlong teren. I epovo na rupot ukantinao kopla at laxanimin tubu kopla at nom loxonaleng lengkaxak ing teng kaxat teren, kopla at loxonaleng laxangking it losu ren.

Lagale Lavavang At Ne Iesu Karisito Mak Ga Malagan I 6:48

La ne Iesu ga ven digatlatla lolos mila lamanman gat mas lolos tangarang di. Kantubu at lavantun konaleng la lavanna konaleng at laxanimin ne Iesu ga vas kaxat to mavana mun at lavatdan kis. La ni ga rupot saparap di la ga doma i do na vas polo di.

Lagale Lavavang At Ne Iesu Karisito Luk Ga Malagan i 12:38

Naba lox avukat tinedi luvuttadi gugu mo do leeme silok atnedi i long lenget ka di, di gagas, mo do neni gi rupot at laxanimin tubu kopla at lerengteng kaxak!

Lagale Lavavang At Ne Iesu Karisito Luk Ga Malagan i 12:39

La mina xasep at nai! Mo do laradi at loogu iklen loxonaleng laradi xipkip pilo naba vot, neni noxo ke nom laradi xipkip pilo na das beles uto xeneng at loogu ren.

Lagale Lavavang At Ne Iesu Karisito Luk Ga Malagan i 21:36

Mina reven avukat ti na lempanga xapmek la mina ngising amisik kusu miba ruuna lololos la mi noxo subu ap mo levenmumuat naba vot, la kusu miba epovo do mina ru ro melamgo rak, Laradi Mevana.”

Lisilimet 16:15

La ne Iesu ga lok keretna, “Nia aba vot ngan laradi xipkip pilo. Luvukat ti mo lara i gagas amisik la ik lok gagas nunuan lisingsigaara ren kusu neni noxo lok beleben la noxo lok mamangan.”

Lisilimet 3:3

Mina doxoma bilong ti mo levenanasa miga ronga ka vam i, la mina mu asu i. La mina leeng tinotno basinge mo leveloklok kakapmek atnimi. Mo do mi noxo xatu kaxat basinge mo lanmet, aba vot pasa nimi ngan laradi xipkip pilo, la nemi xa mi noxoklen loxonaleng potpot tarak.