Metiu 24:29 - Madak

²⁹ La ne Iesu ga lok bok, “La soso mun melemu at levenmumuat ap mo levenmaares, leveloklok katling naba vot; ‘Losoosoo at laxangking naba xap, la lagaaling noxo soosoo. Larapenti naba subu si boro vana at laxalibet eburu mi lempanga axap meve diba sixit ekarakat la kopmen di noxo sixit mu larangas atdi.’ Ais 13:10, 34:4

Metiu 24:29 Iomraidhean Croise

Metiu 24:21

Levenmumuat ap mo levenaleng naba lok kapmek aleng tinotno. Ga ru ka i at lurutu kaxat at na lavatbung menemen ise nga na lingina, kovisi taaleng kerepmo ga vot, la kopmen bok tara tumumuat kerepmo naba vot melemu.

Metiu 24:8

Ana axav i naba ru katling lavakpaxaru kaxat ap mo levenmaares lolos.

2 Pita 3:10

Ketla laaleng at Leeme Silok naba vot ngan laradi xipkip pilo. Ap mo laaleng, laxalibet naba sonao eburu mi leretepaavat lolos, la levempanga axap to vana at lamavangkap naba an la na lok kapmek axap; la lavatkangka eburu mi levempanga dik lok keneng teren naba sonao axap at laxao.

Lisilimet 8:12

La laangelo sepsev avanuet ga mas luru ren la laxangking la lagaaling la larapenti, lara ga sep di la lenep sepsev avantun at laxangking ga buxumin, la lenep sepsev avantun bok at lagaaling ga buxumin, la lenep sepsev avantun at larapenti goxo soosoo. Lenep sepsev avantun at levenaleng kangking, laxangking kopmen goxo soosoo; la lenep sepsev avantun at levenaleng kanimin, lagaaling kopmen goxo soosoo bok.