Metiu 24:24 - Madak

²⁴ Mila buaang nedi limixin babala diba lok do nedi mo lavanarong at ne Moroa la lavaeme vapaase alii ren; diba lok tempanga sangsangu kusu diba sar asoogong lavaanat soxolik at ne Moroa, mo do di epovo.

Metiu 24:24 Iomraidhean Croise

Metiu 22:14

La ne Iesu ga lok bok, “Limixin diba lok kuren mila ne Moroa i toro rinedi buaang limixin, ketla lentaba mene atdi di epovo kusu ne Moroa na soxolik ka di.”

Metiu 24:11

la buaang lavaeme vapaase alii xaxarang dinaba vot la diba sar asoogong buaang limixin.

Metiu 24:22

La mo levenaleng ti mo levenmumuat do ne Moroa noxo lox atmur i, kopmen teta naba roo suu; ketla ne Moroa naba lox asuusu labalamu ren ti mo limixin neni gara soxolik ka vam di, la ni naba lox atmut mo levenaleng.

Metiu 24:25

Mina ronga avukar i na. A tong alii avot ta i rinimi.

Metiu 24:31

La lubung angelo diba ronga lerengteng at luru la nia aba riki di uto at lengkot axap kusu dina lam kaka lavaanat soxolik at ne Moroa boro at lavanuet laramesuluk at lavanuet laramera manman at na lavatbung menemen.”

Metiu 24:5

mila buaang luvuttadi diba rupot mi laasen tarak la diba lok, ‘Nenia Lanarong!’ La diba sar asoogong buaang limixin mi laxalinga xaxarang atdi.

Metiu 7:15

La ne Iesu ga lok bok, “Mina lok tatao nemi mumu loklok atnedi lavaeme vapaase alii xaxarang; di vosiga nimi mi levelinga xaxarang la diba tong i do nedi luvuttadi at ne Moroa. Ketla di lok ngan lempatman atat, di siga lempanga singsiga diga lox i mi lengkabinim at levesipsip kusu dina xarang limixin.

Lagale Lavavang At Ne Iesu Karisito Mak Ga Malagan I 13:22

mila buaang nedi limixin babala diba lok do nedi mo lavanarong at ne Moroa la lavaeme vapaase alii ren; diba lok tempanga sangsangu xusu diba sar asoogong lavaanat soksoxolik at ne Moroa, mo do di epovo.

Lagale Lavavang At Ne Iesu Karisito Luk Ga Malagan i 18:7

La kereva, ne Moroa? Neni naba ronga linga at limixin axa ren, mo di ngising amisik tin kusu ri loklok tooro at lengkangking la at lengkanimin. La neni noxo lok sila bok kusu ri lok tooro di.

Lagale Lavavang At Ne Iesu Karisito Jon Ga Malagan I 4:48

Iesu ga lok tin, “Kopmen tara atnimi noxo nuunu se do mina ven lempanga sangsangu.”

Lagale Lavavang At Ne Iesu Karisito Jon Ga Malagan I 6:37

Nedi axap ne Tamak i raba ia midi, dinaba vosiga ia. La do tara na vosiga ia, nenia noxo sok tixirixes i.

Lagale Lavavang At Ne Iesu Karisito Jon Ga Malagan I 6:39

Lavavara ap mo lara ga riki ia, i lok keretna; nenia noxo ke asoogong tegesara atdi limixin neni ga raba vam ia midi, la anaba lox aroo xat di at laaleng ete;

Leven Gugu 20:16

Pol ga doxoma i do ni naba sen polo go Epesas, kusu ni noxo nemen abao ro at loxot Asia. Ni gak lok soso xusu ni naba rupot to Jerusalem, edompo mi laaleng ti lok katling la Pentikos.

Lovoang At Ne Pol Ti Limixin Nunu to Rom 12:18

Mina lok lempanga avukat i epovo atnimi, kusu minabak lok at lenmila eburu mi limixin axap.

Galesia 4:15

Lomomo ga umsu atnemi, ketla ana nga, ira on ta ua? Do nemi gita epovo xuren, la nemi ro migita lik gogo su vam mi levengkatli atnemi la mi gita raba ia min.

2 Timoti 2:19

Ketla levelinga at ne Moroa i tu lolos la kopmen tara i epovo na ba gili i. Diga lox amuat levelinga ren keretna, “Leeme Silok ikleklen nedi ateren axa,” Kex 16:5 la “Nedi di tong asu i do nedi limixin at Leeme Silok, dina lok kepe laxakapmek at lorooro atdi.” Ais 28:16

1 Pita 1:5

La ne Moroa ik lok li i rinemi limixin mi ruuna lunuunu la neni ik lok tatao nemi mi lololos teren kusu ri loklox arooro, mo ne Moroa naba lox asuvos i at laxavaxap at na lavatbung menemen.

2 Pita 3:17

Larapen tangas orong tarak, miraklen pam i do lavaeme loklox ase xaxarang mo naba vot. Kuren la mina lok tatao avukat nimi, kusu mi noxo mu asu laxapmek at limixin dixo mumu asu levelinga at ne Moroa la mina subu bilong basinge lengkot avukat nemi mi tu ren.

1 Jon 2:18

Luvutnuruk orong. Levenaleng kavaxap at na lavatbung menemen ira rupot pam. Gano nemi miga ronga levelinga do laradi munepen ba rupot, la buaang atdi dira rupot pam. Kuren la nedik diraklen i do levenaleng kavaxap i rupot pam.

1 Jon 2:22

Nege neni laradi vapaase xaxarang? Ni laradi i paase keretna, “Iesu neni kopmen Lanarong at ne Moroa.” Ni na laradi ik sok tixirixes kepe ne Temen dik eburu mi ne Nitna; kuren la neni laradi munepen at ne Moroa.

1 Jon 5:18

Nedik takleklen i do mo tara i ruuna ka vam livipisik amaxat at lorooro ren keneng at ne Moroa, neni noxo lok bok ba laxakapmek. La ne Nitna ne Moroa i lok tatao i kusu laradi kapmek ne Satan noxo lok kapmex i.

Lisilimet 19:20

La nedi diga ranga alis lavatpanga sio eburu mi leeme vapaase alii xaxarang, mo gak lok lempanga sangsangu ri sar asoogong limixin kusu dina lox asilok laasen at lavatpanga sio. Ni ga lok mo lempanga sangsangu xusu na bala arup buaang nedi limixin la diga ruuna ka loklok katling at lavatpanga sio la diga lotu parap lavatpoovo vanga ren. La diga lu arup mi lavatpanga sio la leeme vapaase alii xaxarang, move duga rooro, ro at lemet kao, mo i tos amisik mi lasalpa.