Metiu 23:8 - Madak

⁸ La ne Iesu ga lok bok tidi, “Ixo lox avukat do tara na soxot nimi do Rabai, mila mi ruuna leges ‘Eme Silok’ la nemi mina epovo ngan mun loxoeton.

Metiu 23:8 Iomraidhean Croise

Metiu 10:25

I epovo do lamdak loklox ase na ngan mun leeme loklox ase ren; la lasaxaruki na ngan mun laradi gomgo ren. Mo do limixin dina so asen laamgomgo at lixitkis koetemen mi ne Belsebul, diba so asen gilipu levenasen atdi axap di nemen keneng ap mo loogu mi levenasen kapmek!”

Metiu 17:5

Pita move ga paase la lusugao gamgames ga ravasi la ga vaa di; la diga ronga laxaka at lara boro at lusugao ga lok, “Ana ne Nuruk, mo a balamu i la a lok momo aleng min. Mina mumu asu levelinga ren.”

Metiu 23:10

La nemen gat limixin dina so asen nimi do ‘luvuttadi amgomgo’ mila legesa radi gomgo atnimi la neni Lanarong.

Metiu 23:7

La di vavara aleng box i do limixin dibak lok ngangao atdi ro at lengkot etang, la dinap kup tidi do ‘Rabai.”

Metiu 26:25

La ne Judas, mo ga gagas kusu na song araba i, ga lok, “Rabai. Kopmen nenia, do?” La ne Iesu ga vorang i, “Nenu vam.”

Metiu 26:49

La soso mun ne Judas ga vas saparap ne Iesu la ga lok, “Laxanimin avukat, Rabai.” La ni ga nes i.

Lagale Lavavang At Ne Iesu Karisito Mak Ga Malagan I 10:51

La ne Iesu ga sue i xeretna, “U vara i do nenia na lok lavanga salai ru?” La nom laradi ga vorang i xeretna, “Rabai. A vara i do luxatli rak na xasep.”

Lagale Lavavang At Ne Iesu Karisito Mak Ga Malagan I 11:21

La ne Pita ga doma su at levelinga at ne Iesu la ga lok tin keretna, “Leeme Silok, una ven be nom luuna. Uta paase lolos tin itinongo la na i mang axap pam.”

Lagale Lavavang At Ne Iesu Karisito Mak Ga Malagan I 14:45

La soso mun ne Judas ga vot pasa ne Iesu la ga lok tin, “Rabai.” La neni ga nes ne Iesu.

Lagale Lavavang At Ne Iesu Karisito Mak Ga Malagan I 9:5

La ne Pita ga lok ti ne Iesu xeretna, “Rabai, i lox avukat tinotno do mak lok de; ata lok tavantun taraugu xukuxut, tara ru, tara ri ne Moses la tara ri ne Elaisa.”

Lagale Lavavang At Ne Iesu Karisito Luk Ga Malagan i 22:32

Ketla ara sing pam tu, ne Simon, kusu lunuunu ram noxo subu. La do una leeng basinge laxakapmek taram, una lox alolos luvutnetam.”

Lagale Lavavang At Ne Iesu Karisito Jon Ga Malagan I 1:38

Iesu ga rem gili la ga ven du, duga mumu asu i, la ga sue du, “Kereva mo?” Duga vorang i rin keretna, “Rabai. Loogu ram ua?” (Lavasuun at loxolinga Rabai do, leeme loklox ase.)

Lagale Lavavang At Ne Iesu Karisito Jon Ga Malagan I 1:49

Natanael ga lok, “Rabai. Nenu ne Nitna ne Moroa. Nenu loorong silok mede Israel.”

Lagale Lavavang At Ne Iesu Karisito Jon Ga Malagan I 11:8

Ketla diga lok tin, “Rabai. Ga merena luvuttadi amgomgo diga lok do dina lu var u, tila u lok do unamlong?”

Lagale Lavavang At Ne Iesu Karisito Jon Ga Malagan I 20:16

Iesu ga lok tin, “Maria.” La ne Maria ga rem gili la ga vaase mi lavapaase Ibru, “Raboni.” Lavasuun teren keretna, leeme loklox ase.

Lagale Lavavang At Ne Iesu Karisito Jon Ga Malagan I 3:2

At lara laxanimin neni ga mu bung ti ne Iesu la ga lok tin, “Rabai. Maklen i do nenu laradi loklox ase, la ne Moroa ga riki u; kopmen tara na epovo xusu na lok nom lempanga sangsangu, mo do ne Moroa noxo lok tooro i.”

Lagale Lavavang At Ne Iesu Karisito Jon Ga Malagan I 3:26

Kuren la diga vot pasa ne Jon la diga tong mo levelinga rin la diga lok tin keretna, “Rabai. Nenu una doma bilong ti mo laradi ga nemen eburu minu ro auret ladan sen Joridan, laradi nenu ga paase mumu i. Neni mo ip sep susu limixin, la limixin axap mo di mumu asu i.”

Lagale Lavavang At Ne Iesu Karisito Jon Ga Malagan I 4:31

Ap mo mun loxonaleng luvuttadi loklok ka anasa at ne Iesu, diga lok tin, “Rabai, una anan be.”

Lagale Lavavang At Ne Iesu Karisito Jon Ga Malagan I 6:25

Se limixin diga long lenget ne Iesu to Kaprenaum, diga lok tin, “Leeme loklox ase, u vot de lingisa?”

Lagale Lavavang At Ne Iesu Karisito Jon Ga Malagan I 9:2

La luvuttadi loklok ka anasa at ne Iesu diga sue i, “Rabai, laxakapmek atnege ga lox i la luxatli ren ga main? Ateren kopla at nenen mi ne temen?”

2 Korin 1:24

Ma xopara i do mana pu soso nimi ri levelinga salai miba nuunu ren, mila mi tu lolos pam at lunuunu atnimi. Ketla ma gugu xantubu atnimi xusu miba ruuna ka lomomo.

2 Korin 4:5

Nema maxo vavang minama xa, ketla ma vavang asu mi ne Iesu Karisito ngan Leeme Silok; la nema ma lok ngan lavasaxaruki atnimi mumu lugugu at ne Iesu.

Epesas 3:15

Neni i so asen limixin teren mi laasen loklox avolo ren, nedi boro vana at laxalibet la nedi bok at na lavatbung menemen, nedik axap di lok ngan legesa bungmixin.

Pilimon 1:16

Neni noxopmen lasaxaruki mene nga, neni naba lok ngan netam orong la ba lok lempanga avukat tu. Neni ik lok tooro aleng ia ketla neni naba lok tooro aleng tinotno u ngan lasaxaruki la neni netam tinotno at Leeme Silok.

Jems 3:1

Luvutnetak mi luvurinuk. Kopmen na lox avukat do buaang atnimi na lok ka lugugu ngan luvuttadi loklox ase at levelinga at ne Moroa, mila ne Moroa naba ila mumu aleng lugugu at luvuttadi loklox ase. Mira xasep pam at na.

1 Pita 5:3

Nemen gat miguta ru polo nedi dik lok maxopok at loklok tatao atnemi, ketla minap tuvuk ase nedi.

Lisilimet 1:9

Nenia ne Jon, neton nemi limixin mi nuunu at ne Iesu. La nenia na ap kip levesongsongot eburu minimi, la nedik eburu lavaanat at Linintoo ren, la ata tu tuxuruxun at lunuunu atdik, do nedik ata ekip tangarang mi levesongsongot. Nenia agak lok at losoxan to Patimos, nia aga nemen go ngan laradi xokoxo mila nia aga tong asu Lagale Lavavang at ne Moroa mi levelinga ruturun at ne Iesu.

Lisilimet 19:10

Nia aga ronga i na la aga xis tiktikbu mi luvatgulom tarak to saparap luxangkedek teren kusu ana lotu parav i, ketla ni ga lok tia, “Nemen gat uta lotu parav ia. Nenia lasaxaruki mun at ne Moroa kerekngan nenu eburu mi luvutnetam, mo mim tebeng levelinga ruturun at ne Iesu. Una lotu parap ne Moroa. Mo levelinga ruturun ne Iesu ga tong asu i, ni lavasuun at levempavang at luvuttadi vapaase asu levelinga.”

Lisilimet 22:9

Ketla neni ga lok tia, “Nemen uta lotu parav ia. Nenia mun lasaxaruki at ne Moroa kerekngan u la luvutnetam, nedi lavaeme vapaase alii la nedi bok ding tonga res at levelinga at na lubuk. Una lotu parap kusuk ne Moroa.”