Metiu 23:13 - Madak

¹³ Naba lok kapmek aleng tinimi, luvuttadi loklox ase at Lenavolo eburu minemi lubung Parisi. Nemi lavapen aala. Mik soxoba pe lumusaragu ri Linintoo no vana at laxalibet kusu limixin kopmen dina epovo dina beles teren. Ketla nemi xa xopmen minoxo beles teren la mi tu pe mo lumusaragu ri limixin dik lok tong i xusu dina beles.

Metiu 23:13 Iomraidhean Croise

Metiu 23:16

Naba lok kapmek aleng mun tinimi, mila nemi limixin lengkatli atnimi i main la nemi xa xopmen mina epovo kusu mina lok tooro limixin. Mi tong i do lavangpangpe at tara i ngan lavanga gamasa, mo do i vangpe mi loogu laplavang; ket do ni i vangpe mi logol i nemen keneng at loogu laplavang, nemi miba doxoma atmatkun mo laxakaape ren.

Metiu 23:23

Naba lok kapmek aleng tinimi luvuttadi loklox ase at Lenavolo eburu minemi lubung Parisi. Nemi lavapen aala! Mim taba ne Moroa mi loxot i sev asangaun ap mo levempanga ik lok at laraamang, ketla mixo mumu asu leveloklok silok at Lenavolo, i ngan loklok mokmokso, lebelemumu, loklok nunuan ti lentaba vetpes, la loklok tuturun ti lentaba vetpes. Na leveloklok i epovo do mina lox asuusu i eburu mi mo loklok ti raba ne Moroa mi loxot i sev asangaun.

Metiu 23:25

Naba lok kapmek aleng tinimi luvuttadi loklox ase at Lenavolo eburu minemi lubung Parisi! Nemi lavapen aala. Mi sogos anunuan i no ma xamang at leveng kap la leventingtigon, ketla no ma xeneng i umsu aleng mi loklok ti sak paxat ka panga la loklok ti belegaao.

Metiu 23:27

Naba lok kapmek aleng tinimi luvuttadi loklox ase at Lenavolo eburu minemi lubung Parisi. Nemi lavapen aala. Mi ven ngan tinotno lempat maaut diga mo anbun i, i ven avukat to ma xamang, ketla no ma xeneng i umsu mi laxasi tongan la laxanorang.

Metiu 23:29

Naba lok kapmek aleng tinimi luvuttadi loklox ase at Lenavolo eburu minemi lubung Parisi. Nemi lavapen aala. Mira vaxaru ka vam levenmaaut avukat ti lavaeme vapaase alii; la mi sisinang avukat levenmaaut at limixin mokmokso;

Metiu 3:7

At loxonaleng ne Jon ga ven buaang nedi lubung Parisi mi lubung Sadiusi diga vosiga i kusu neni na sep susu nedi, neni ga lok tidi xeretna, “Nemi laxamdak at lempasii. Kereva, mi lok do mina sixiro at lebelemamao at ne Moroa mo naba vot saparap limixin kakapmek?

Lagale Lavavang At Ne Iesu Karisito Luk Ga Malagan i 11:52

Naba lok kapmek tinotno rinimi, luvuttadi loklox ase at Lenavolo! Nemi xa mi rebeng alis lolos levelinga at ne Moroa i tong asu langas ti ruuna ka lorooro; ketla nemi xa kopmen mina xasep teren, la mi lok pe nedi di lok do dina lok kaka i.”

Lagale Lavavang At Ne Iesu Karisito Jon Ga Malagan I 9:22

Temen mi nenen duga tong i na mila duga marat at luvuttadi amgomgo. Luvuttadi amgomgo diga tong li vam levelinga do tara na tong i do ne Iesu neni Lanarong, diba sep pepe i xusu neni noxo vubeles bok ba uto at loogu singising.

Lagale Lavavang At Ne Iesu Karisito Jon Ga Malagan I 9:24

Diga ro ka amu manga mo laradi, luxatli ren ga main la diga lok tin, “Una xaape de melamgo at ne Moroa do nenu una vaase ruturun. Maklen i do na laradi ga lox avukar u, ni laradi xapmek.”

Lagale Lavavang At Ne Iesu Karisito Jon Ga Malagan I 9:34

La diga lok tin keretna, “Nenu u umsu mi laxapmek ga ru ka i at nenam ga visix u, la kereva ba uk lok tong i do una lox ase nama?” Kuren la diga sep pepe i xusu neni noxo vubeles bok ba uto at loogu singising.

Leven Gugu 13:8

Ketla ne Ba-Iesu ga lolos kusu na ru pe levelinga atdu; laasen bok ap mo laradi sak ne Elimas (na laasen at lavapaase Grik). Ni ga lok tong pen i do na ru pe laradi gomgo xusu noxo nuunu at ne Iesu.

Leven Gugu 5:28

“Maga raba nemi mi levelinga lolos do nemen gat nemi mita anasa mi mo laasen at ne Iesu; ketla ming tonga xepe i. Mira vaase asu vam nom levenanasa at lengkot axap de xeneng Jerusalem, la nemi mi lox i xuren kusu do nema maba xip tutu mi lanmet teren.”

Leven Gugu 5:40

Luvuttadi amgomgo diga mu asu na lavapaase at ne Gamaliel. Diga ro abeles luvuttadi vavang ukeneng, la digak pixis nedi; la diga tong alolos i ridi do nemen gat nedi ta tong asu laasen at ne Iesu; la diga soxomus asu di.

Leven Gugu 8:1

La ne Sol ga mulus ap mo laniu at ne Stiven. Ap mo mun laaleng luvuttadi nuunu ro Jerusalem diga vaxaru ka i xusu dina suma ka laxasongsongot silok. Luvuttadi nuunu diga epeseves at lengkot axap Judaia la Samaria, ketla luvuttadi vavang diga nemen to Jerusalem.

2 Timoti 3:8

Gano ne Janes mi ne Jambris dugang tonga xepe levelinga at ne Moses la kerepmo bok nom luvuttadi xaxarang ding tonga xepe levelinga ruturun, limixin lodoxoma atdi xopmen na sixit nunuan la lunuunu atdi ira subu vam.

2 Timoti 4:15

Una lok tatao avukar u mila ne Aleksanda i tu pe alolos na Lagale Lavavang nedik ata paase asu i.