Metiu 22:13 - Madak

¹³ La loorong silok ga tong i ri luvuttadi gugu ren keretna, ‘Mina xoxo lukngen mi luxangkedek teren la mina lu asu min uto xamang kusu neni na vubeles at lamain bonot no limixin dibang teng boron la diba rungur ivivilis.”

Metiu 22:13 Iomraidhean Croise

Sam 112:10

La limixin kapmek diba ven i la dina musak, la dinabak milik angtungun tin; ketla levenasen silok atdi ba si aleng tino la mo levendoxoma agagas atdi kopmen noxo soorun.

Sam 37:12

Limixin kapmek di sevut li levelinga ti sev asi limixin avukat la dik milix angtungun tino rinedi.

Metiu 12:29

Do tara i vara na xip pilo xaka lempanga at loogu at taradi lolos, neni na xoxo alis be mo laradi la melemu na xip kaka ba mo lempanga ren.

Metiu 13:30

Keke lempiao eburu mi levempivilis kapmek dina susu eburu se at laaleng ti sep kin. Ap mo laaleng aba tong i ri luvuttadi gugu rak keretna; mina rep asu ka avot levempivilis kapmek la minap kos ka di la mina lu arup midi ro at laxao; la mina lok bubua ka lempiao la mina lok li di ro at loogu lili rak.”

Metiu 13:42

La lubungangelo diba lu arup midi ro at lemenemen songsongot; ap mo loxot dibang teng la dina rungur ivivilis.

Metiu 13:50

la diba lu midi ro at lemenemen songsongot. Mo go dibang teng la dina rungur ivivilis.”

Metiu 24:51

Nom leeme silok naba sev asongot aleng nom lasaxaruki ren la ni naba riki i uto at lemenemen songsongot kusu na nemen eburu minedi lavapen aala. Mo go dibang teng la dina rungur ivivilis.”

Metiu 25:30

La nia aba lu asu mi mo lasaxaruki molos uto at lamain bonot; limixin go dibak saxaanu la diba rungur ivivilis.”

Metiu 8:12

Ketla limixin me Judaia, avot be diga nemen ngan lavaanat at Linintoo, Moroa naba lu asu midi uto at lamain bonot la mo go dibang teng aleng la diba rungur ivivilis.”

Lagale Lavavang At Ne Iesu Karisito Luk Ga Malagan i 13:28

Miba lok lerengteng silok la miba rungur ivivilis ap mo laaleng miba ven ne Abaram, la ne Aisak, la ne Jakop la nedi lavaeme vapaase alii ro at Linintoo at ne Moroa, ketla nemi xa diba lu asu minimi.

Lagale Lavavang At Ne Iesu Karisito Jon Ga Malagan I 21:18

A tong tuturun i. Ga se nenu laau maxat mene, uga siga lempanga singsiga ram la ugat pas mu lavavara ram. Ketla do una sioxo, ubang song asu mi lukngam la tara vetpes nabak paxasiga u la dibam lam ka u uto at lengkot u noxopara unat pas uve.”

Leven Gugu 21:11

Ni ga vosiga nama, la ga lok ka labaane at ne Pol, la ni ga xoxo ka lukngen ne Pol mi luxangkedek teren la ga lok, “Loroonan Kaala i tong i do laradi at na labaane, limixin me Judaia diba xoxo i; diba lox i na ro Jerusalem, la diba song araba i ri limixin kopmen di me Judaia.

Leven Gugu 7:54

Mo luvuttadi amgomgo at loogu laplavang diga ronga i nom la diga musak aleng la diga atat etang levesangsa atdi ri ne Stiven mi lumukmusak.

2 Tesalonia 1:9

La Leeme Silok naba raba di mi lumumuat i silok aleng la dibap kip amisix i. Diba nemen amisik to vetpes basinge lemeren Leeme Silok la di noxo suma lololos avukat at ne Moroa.

2 Pita 2:17

Nedi na limixin di lok ngan laraasa mes, la di lok ngan bok lengkon takabu lamanman takabu it mas kepe i. Ne Moroa gara lok li agagas pam loxot tidi ro xeneng tinotno at lamain bonot.

2 Pita 2:4

Kerepmo ne Moroa goxo ke atnaasan lubungangelo diga lok laxapmek, ketla neni ga lu arup midi to at lemenemen songsongot, la dik lok keneng at loxokoxo at lamain, la diba nemen go se at laaleng ete.

Lovoang At Ne Jut 1:13

Nedi di lok ngan lovopaxanao silok boro at laras; la loklok mamangan atdi ik lox asuvos ngan lovopaxanao i repoposok. Nedi di lok ngan laxampenti ik sixit ekarakat to vana at laxalibet. Moroa ga lox agagas lamain bonot aleng tidi, la dinaba nemen amisik go.

Lovoang At Ne Jut 1:6

Mina doma avukat box i na; gano lentaba at lubungangelo diga ke xepe lixitkis silok atdi la diga onon tino basinge lemenemen atdi ro vana at laxalibet. Kuren la ne Moroa ga lok li di ro at lamain bonot la ga xoxo di mi lemparoos sen naba nemen amisik. La dinaba nemen go se at laaleng silok ne Moroa naba ronga linga at limixin axap; la ap mo laaleng ne Moroa ba lok li lumumuat atdi.

Lisilimet 21:27

Ketla kopmen tinotno taxakapmek naba beles keneng teren, nedi dik lok lengkot mamangan kopla di xaxarang, di noxo vubeles teren. Nedi xusuk mene levenasen atdi ik lok to at lubuk at lorooro at Lanasip diba beles keneng teren.