Metiu 22:11 - Madak

¹¹ Ketla loorong silok ga vubeles ti ven mo limixin, la ni ga ven lara laradi goxopmen tevempanga singsiga ren ti loklox epot.

Metiu 22:11 Iomraidhean Croise

Metiu 13:30

Keke lempiao eburu mi levempivilis kapmek dina susu eburu se at laaleng ti sep kin. Ap mo laaleng aba tong i ri luvuttadi gugu rak keretna; mina rep asu ka avot levempivilis kapmek la minap kos ka di la mina lu arup midi ro at laxao; la mina lok bubua ka lempiao la mina lok li di ro at loogu lili rak.”

Metiu 22:10

La lavasaxaruki ren diga epeseves uto at levenngas la diga ro xaka limixin axap diga ekip tangarang midi, nedi limixin avukat eburu mi limixin kapmek. La loogu ri loklok epot ga umsu mi mo limixin.

Metiu 3:12

Neni naba ronga linga at limixin axap, la naba lok pes mun limixin avukat basinge limixin kapmek, kerekngan laradi loklok tatao laraamang i epes lenbolo avukat basinge lenbolo i gu; limixin avukat, neni naba lox arooro di uto vana at laxalibet i ngan lenbolo avukat; la limixin kapmek, neni naba lok li di at lemenemen songsongot, i ngan lenbolo gu di tara kutkut di.”

Lovoang At Ne Pol Ti Limixin Nunu to Rom 13:14

Ketla mina lok ka levempanga esep at Leeme Silok ne Iesu Karisito, la mina doxoma xepe leveloklok kakapmek ngan lavavara at labantuxu mun.

Lovoang At Ne Pol Ti Limixin Nunu to Rom 3:22

Ketla ne Moroa ik lok li akmokso limixin mumu lunuunu atnedi saparap ne Iesu Karisito. La ne Moroa ik lox i na rinedi axap di nuunu at ne Karisito. Kopmen tevereven petpes atnedi leme Judaia la limixin kopmen me Judaia,

1 Korin 4:5

Kuren la nemen mita ila mumu avot tara ri mo laaleng do naba vot. Laaleng ti ila mumu loklok at limixin noxo vot se Leeme Silok nabamlong; la neni naba lok li lempanga mo nga ik lok at lamain bonot ti laxasep, la naba lox asaxaven levendoxoma i nemen alipe ro xeneng at lorooro at limixin. Ap mo laaleng Moroa naba lox asuusu leemi asu ri limixin.

2 Korin 5:3

Do nedik ata siga i, ne Moroa noxo long lenget ka dik atak lok beleben.

Galesia 3:27

Nemi miga sep susu ukeneng at laasen at ne Karisito, la amo nga Moroa ga lok nimi xusu mina vee ngan ne Karisito.

Epesas 4:24

La miga lox ase kusu mina lox ekun nom lorooro maut mi lorooro maxat, mo i lok ngan lampoovo at ne Moroa la i umsu mi loklok mokmokso i ruturun la loklok i dadat.

Lisilimet 16:15

La ne Iesu ga lok keretna, “Nia aba vot ngan laradi xipkip pilo. Luvukat ti mo lara i gagas amisik la ik lok gagas nunuan lisingsigaara ren kusu neni noxo lok beleben la noxo lok mamangan.”

Lisilimet 19:8

La ni ira lok ka vam labantamon avukat in bun aleng, in tanan la im games aleng.” Na labantamon bunbun i ru katling leveloklok nunuan at limixin at ne Moroa.

Lisilimet 2:23

La aba sev amet bok laxamdak teren. La limixin axap di nuunu dibaklen i do nenia ne Penasiak, aklen lorooro at limixin axap la aba vorang laxakapmek atnemi mi levesongsongot i epovo at loklok at legetgesa radi.

Lisilimet 3:18

Kuren la a tong lolos i na rinimi do mina un ka logol nunuan mede rak, ni logol laxao in tin pes levenbiva basinge i la imgames aleng; la kerepmo mibap novos aleng. Mina un ka bok levesingsigaara bunbun kusu miba etara pe lengkot mamangan atnimi min, kusu mi noxok lok beleben. Mina un ka bok levendan momonok kusu miba saba li i dom at lengkatli atnimi, kusu miba reven.