Metiu 22:10 - Madak

¹⁰ La lavasaxaruki ren diga epeseves uto at levenngas la diga ro xaka limixin axap diga ekip tangarang midi, nedi limixin avukat eburu mi limixin kapmek. La loogu ri loklok epot ga umsu mi mo limixin.

Metiu 22:10 Iomraidhean Croise

Metiu 13:38

Nom laraamang i ru katling na lavatbung menemen; levenit piao avukat, ni limixin dinaba vubeles ti Linintoo; la lempivilis kapmek, ni limixin di mumu asu ne Satan.

Metiu 22:9

Minat pas uto at levenngas la mina ro xaka limixin, mi ekip etangarang midi go kusu dina rupot ti leluxa rak.’

Metiu 25:10

La lovosono rangtangku digat pas kusu ri un kaka tengkondan soksox antos babao; la ise diga onon, laradi ga gagas ti epot ga vot, la nedi lavalimo lovosono leklen diga vubeles eburu min ukeneng at leluxa at loklox aepot, la lumusaragu ga repe nga.

Metiu 9:15

Iesu ga vorang i ridi mi lavapaase poovo xeretna, “At loklox anarong at leepot, lentaba at laradi epot di noxo bulu mila laradi epot move ik lox eburu midi. Ketla laaleng mo naba rupot la limixin petpes diba lam ka laradi epot basinge lentaba ren, la dina mun anan ba ap mo levenaleng.”

2 Korin 12:21

A marat do mo nia ana vot manga, ne Moroa rak naba lox abulu ia dom melamgo atnimi, la aba lok mamangan aleng mu buaang atnedi digara lok pam laxapmek gano, la kovisi di goxo leeng basinge laxapmek atdi diga lox i, ngan loklok ti elongka la loklok kakapmek maxamang at lixitkis epot la lengkot mamangan kerepmo.

1 Jon 2:19

Gano diga nemen eburu minedik ngan limixin at ne Iesu Karisito. Ketla nedi goxopmen limixin teren; kuren la diga on basinge dik. Nedi do gita nuunu at ne Iesu Karisito, nedi gitoxo on basinge dik. Ketla diga on basinge vam dik, kuren la dik ta xasep do nedi xopmen at ne Iesu Karisito.

Lisilimet 5:9

La nom lavanuet levempanga rooro eburu minedi loxongkulao amgomgo diga vixan lara loxompixan maxat, i lok keretna, ‘Nenu u epovo rinotno xusu una lok ka lugun linga la una ba kaxat kepe mo levelumlut teren mila limixin diga sev amer u; ketla uga roo xat amlong la at nom mun lada ram uga un ka amlong limixin ti ne Moroa. Nedi at levenabung mixin axap la boro bok at levempapaase vetpes, la boro bok at lenbantuxu vetpes, la boro bok at larabibinat petpes.

Lisilimet 7:9

Melemu at nai aga ven buaang nedi limixin, ixo epovo do tara na us nedi. Nedi boro at lengkot axap at na lavatbung menemen, la at larabibinat axap la at levenasen bantuxu axap la boro at lempapaase axap, diga tu ro melamgo at loxonin orong la to melamgo bok at Lanasip. Diga sigaara mi levempanga singsiga bunbun. La digam tebeng lempavaxan bisi at levengkikngen di.