Metiu 20:8 - Madak

⁸ Ukantinao at lavanna konaleng temen laraamang vaen ga lok ti laradi loklok tatao at luvuttadi gugu, ‘Una xup kaka luvuttadi gugu la una un nedi mi luunun atnedi; una ru ka i atnedi nia a lok ka nedi ri lugugu na ukantinao at lavalimo konaleng la naba xap atnedi, nia a xup ka avot di maxantamak suubu.’

Metiu 20:8 Iomraidhean Croise

Metiu 20:7

La diga lok tin, ‘Kopmen tara na lok kaka nama ri gugu.’ La ni ga lok, ‘Minat pas la mina gugu bok to at laraamang vaen tarak.’

Metiu 20:9

Luvuttadi diga gugu kaxat at lavalimo konaleng diga lok ka legesa denarias ti legetgesa radi.

Metiu 25:19

Melemu at lentaba leven gaaling ga volo, leeme silok ap mo lavasaxaruki gamlong la ga xup kaka di kusu dina paase mumu lempilas digara lok ka vam i.

Metiu 25:31

La ne Iesu ga lok bok, “Do nenia, Laradi Mevana, ana vot mi lisisixam, eburu mi lubung angelo, nenia anabat kis at loxonin orong tarak mi lisisixam silok boro vana at laxalibet.

Lagale Lavavang At Ne Iesu Karisito Luk Ga Malagan i 10:7

Mina nemen at nom leges ogu mene nga; i lox avukat do mina anan la mina inin lempanga salai dina raba nimi min, mila laradi gugu i epovo xusu na lok kaka luunun teren. Nemi mina nemen at leges ogu mene nga ap mo lemenemen.

Lagale Lavavang At Ne Iesu Karisito Luk Ga Malagan i 12:42

Leeme Silok ga vorang i rin keretna, “Nege mo laradi ruturun la lasaxaruki avukat? Neni mo laradi, leeme silok teren naba lok li i xusu nak lok tatao loogu ren la na raba lavasaxaruki mi lempanga anan tidi at lengkonaleng mokmokso.

Lagale Lavavang At Ne Iesu Karisito Luk Ga Malagan i 8:3

Joana, latkin at ne Kusa, laradi gomgo gak lok tatao at loogu at ne Erodes; la ne Susana, la nedi buaang bok lavakin diga lok tooro ne Iesu eburu mi luvuttadi loklok ka anasa ren mi levempilas nedi digak pakes tin.

2 Korin 5:10

mila nedik getgesara ataba ru asuvos to melamgo at lenep tongtonga linga at ne Karisito; kusu nedik getgesara ataba lok ka luunun, i nunuan kopla i lok kapmek; la neni ba raba i na i epovo at loklok atnedik at na lorooro at labantuxu.

Taitas 1:7

Nedi nom luvuttadi amgomgo dina lok tatao lugugu at ne Moroa maxeneng at lotu ren; kuren la lorooro atdi nak mokso aleng at lemeren limixin. Di noxo paase xuxurung. Nemen di tak musak soso, di noxo inin tangtangku mi lengkadan lolos. Nemen di ta vesep. Nemen di ta vavara pilas solo.

Ibru 9:28

La kerepmo ne Karisito ga met gesara mun ngan laplavang kusu na lox adadat buaang limixin basinge laxakapmek atdi; la neni nabamlong bok sev agepura, kopmen ti met nop loklok atdik, ketla neni naba lox arooro rino nedi dit kis tangais i.

1 Pita 4:10

Nemi getgesara mi ruuna lugugu at loklok tatao levenasen tamtaba at ne Moroa, kuren la mina gugu avukat mi nom leventamtaba axap no ne Moroa ga raba nemi min, ti lok tooro leventaba vetpes.