Metiu 20:22 - Madak

²² Ketla ne Iesu ga lok, “Mixoklen lai nemi mi sing tin.” La ni ga lok ti mo luradi loklok ka anasa ren, “Kereva, mu epovo do muna suma losongsongot silok eburu minia mo a gagas kusu aba xip tutu min?” La duga vorang i rin keretna, “Ma epovo.”

Metiu 20:22 Iomraidhean Croise

Sam 75:3

Keke i do levempanga axap di ruuna lorooro, dina dede mi lanmarat, la lavatbung menemen nang nengne, ketla anabak lox aru lolos laamkumkun at na lavatkangka.

Metiu 26:35

La ne Pita ga vaase lolos tin keretna, “Do dina lok do dina sev amer ia, nenia noxo sok tixirixes u.” La luvuttadi loklok ka anasa axap diga tong box i xuren.

Metiu 26:39

La ne Iesu ga vas silatla xakalik, la ni ga subu midi mi lumeren uto xopok at laxangka la ga sing ne Moroa xeretna, “Tamak. Kereva, i epovo do una lok pes na lumumuat basinge ia? Ketla nemen gat uta mumu asu lavavara rak, una mu asu lavavara ram.”

Metiu 26:42

La ne Iesu ga vas silatla xakalik ga sev agepura la ga sing, “Tamak. Do ixo epovo una lok pes na lumumuat basinge ia se nia ana lox epovo i, i lox avukat; ana mu asu mun lavavara ram.”

Metiu 26:56

Na levempanga i ravasu keretna xusu na lox asorun levenmamalagan at lavaeme vapaase alii.” La luvuttadi loklok ka anasa ren diga sixiro axap.

Lagale Lavavang At Ne Iesu Karisito Mak Ga Malagan I 14:36

Ni ga lok keretna, “Tamak, u epovo una lok lempanga axap. Kereva, i epovo do una lok pes na lumumuat basinge ia. Ketla nemen gat uta mumu asu lavavara rak, una mu asu mun lavavara ram.”

Lagale Lavavang At Ne Iesu Karisito Luk Ga Malagan i 12:50

A ruuna lara lumumuat kusu anap kiv i, la labalak i muat aleng kusu ana lok kaka i se ana lox epovo i!

Lagale Lavavang At Ne Iesu Karisito Luk Ga Malagan i 22:42

La ni ga lok, “Tamak, mo do u vara i, una lok pes na lumumuat basinge ia. Ketla nemen gat uta mumu asu lavavara rak, ketla una mu asu mun lavavara ram.”

Lagale Lavavang At Ne Iesu Karisito Jon Ga Malagan I 18:11

Iesu ga lok ti ne Pita, “Una ke xepe lavarise sepsep taram. Kereva? U doxoma i do nenia xopmen a noxo songot at langas ne Tamak gara raba vam ia min?”

Lovoang At Ne Pol Ti Limixin Nunu to Rom 8:26

Keneng at na lodoxoma voovo, Loroonan Kaala naba lok tooro nedik do nedik taxo ru lolos, atla dik taxoklen i do ataba sing kereva; la Loroonan axa i ngising tinedik saparap ne Moroa mi levelinga metmes nia axo epovo xusu ana mii poovo i mi tekolinga.

Jems 4:3

Do nemi mi ngising ne Moroa ri levempanga mi vavara rin, kopmen minak lok kaka i, atla lodoxoma atnimi kopmen nak mokso; atla mi vavara mun i xusu rik lox amomo labantuxu atnimi.