Metiu 20:21 - Madak

²¹ La ne Iesu ga sue i, “U vara lavanga salai?” La ni ga lok, “Una siam do na lumdak tarak dubat kis saparav u at Linintoo ram, lara ro at latno la lara at liviang taram.”

Metiu 20:21 Iomraidhean Croise

Sam 110:1

Leeme Silok ne Moroa ga vaase ri leeme silok tarak keretna, “Unat kis de at lakngak tino, se ana lok li lavamunepen taram na ngan loxot burubut ti luxangkedek taram.

Sam 45:9

Kantubu at lavakin di ruuna levenasen silok, laxaalik at lavaorong mo di tu, la at lenep tino at loxot kitkis orong taram, loorong tixin mo i tu, diga sinang i mi levempanga diga lox i mi logol i nunuan aleng.

Metiu 18:1

Ap mo mene loxonaleng luvuttadi loklok ka anasa at ne Iesu diga vot pasa i la diga sue i, “Nege i silok at Linintoo boro vana at laxalibet?”

Metiu 19:28

La ne Iesu ga vorang i ridi, “Nia a tong tuturun i rinimi. At laaleng ne Moroa na lox amaxat lempanga axap, ap mo laaleng nenia, Laradi Mevana, anabat kis at loxonin orong tarak mi lisisixam silok tarak, la nemi mi mumu asu ia, mibat kis bok at lasangaun mi legepura lengkot kitkis orong la mibang tonga linga at lasangaun mi legepura levenbibinat at limixin me Israel.

Metiu 20:22

Ketla ne Iesu ga lok, “Mixoklen lai nemi mi sing tin.” La ni ga lok ti mo luradi loklok ka anasa ren, “Kereva, mu epovo do muna suma losongsongot silok eburu minia mo a gagas kusu aba xip tutu min?” La duga vorang i rin keretna, “Ma epovo.”

Metiu 20:32

La ne Iesu ga ru la ga ro xaka du la ga sue du, “Lavanga salai mu vara i do ana lox i rinumu?”

Lagale Lavavang At Ne Iesu Karisito Mak Ga Malagan I 10:51

La ne Iesu ga sue i xeretna, “U vara i do nenia na lok lavanga salai ru?” La nom laradi ga vorang i xeretna, “Rabai. A vara i do luxatli rak na xasep.”

Lagale Lavavang At Ne Iesu Karisito Mak Ga Malagan I 16:19

Se Leeme Silok ne Iesu ga vaase axap, Moroa ga lam ka i uto vana at laxalibet la neni ga xis taba ro at lenep at lekngen tino at ne Moroa.

Lagale Lavavang At Ne Iesu Karisito Mak Ga Malagan I 6:22

La lara loono maxat, neni loolik at ne Erodias ga tii, la ne Erodes eburu minedi diga anan diga lok momo ren la ne Erodes ga lok ti nom loono keretna, “Una tong asu lavavara ram ti tavanga la nia ba raba u min.”

Lagale Lavavang At Ne Iesu Karisito Luk Ga Malagan i 18:41

“Lavanga salai u vara i do ana lox i ru?” La ni ga lok, “Leeme Silok, a vara i do luxatli rak na xasep.”

Lagale Lavavang At Ne Iesu Karisito Luk Ga Malagan i 19:11

Limixin diga ronga vam na levelinga, la ne Iesu ga tong bok lara lavapaase poovo ridi, mila neni mo gat pas auret ta lemenemen Jerusalem, la nedi diga nua i do, Linintoo at ne Moroa mo naba vot asuvos ap mo loxonaleng.

Lagale Lavavang At Ne Iesu Karisito Luk Ga Malagan i 22:24

La leedak ga ravasu xantubu at luvuttadi loklok ka anasa, mumu ua lara atdi neni ga silok tidi.

Lagale Lavavang At Ne Iesu Karisito Jon Ga Malagan I 15:7

Do mina nemen tarak, la do minam tebeng lolos levelinga rak, mina sing ti levempanga salai mi vara rin, la miba ruuna ka i.

Leven Gugu 1:6

At lara laaleng luvuttadi vavang digak lox eburu mi ne Iesu la diga sue i, “Leeme Silok. Kereva, uba riki xepe bok luvuttadi amgomgo boro Rom, kusu nedik axa mede Israel ataba lok tatao nedik at na levenaleng?”

Lovoang At Ne Pol Ti Limixin Nunu to Rom 12:10

Mina balamu rinotno leventaba vetpes i ngan loxoeton tinotno xeneng at ne Karisito, la mina lolos amisik kusu ri lox asuusu loklok ngangao atnimi ti leventaba vetpes.

Lovoang At Ne Pol Ti Limixin Nunu to Rom 8:34

Nege naba epovo xusu na lok li dik at lavapaase? Kopmen tara, atla ne Iesu Karisito, mo neni ga met la ga roo xat amlong bok, monga it kis at lekngen tino ne Moroa. La i ngising ne Moroa xusu na lok tooro nedik!

Kolosi 3:1

Nemi miga lok kaka lorooro maxat, i lok ngan ta do miga roo xat amlong basinge lanmet eburu mi ne Karisito. Kuren la mina lok li lorooro atnimi at lempanga boro vana at laxalibet, no ne Karisito it kis ap mo loxot kitkis avolo teren saparap lekngen tino at ne Moroa.