Metiu 20:20 - Madak

²⁰ Melemu latkin at ne Sebedi ga vot parap ne Iesu mi lumdak teren; la ni ga xis tiktikbu mi luvatgulom teren to melamgo at ne Iesu, la ga vara sing i mi tara tavanga.

Metiu 20:20 Iomraidhean Croise

Metiu 10:2

Ni levenasen atnedi na lasangaun legepura luvuttadi vavang; avot tinotno ne Simon (laasen bok teren ne Pita), la ne Endru neni neton; la ne Jems eburu mi neton laasen teren ne Jon, nedu lumdak at ne Sebedi;

Metiu 14:33

La luvuttadi loklok ka anasa ro xeneng at lesepang diga lok, “I ruturun aleng do nenu ne Nitna ne Moroa.” La diga lotu saparav i la diga emi asu min.

Metiu 15:25

Nom latkin ga ronga i na la ga xis tiktikbu mi luvatgulom teren la ga lok, “Leeme Silok. Una lok tooro ia.”

Metiu 2:11

Diga beles ukeneng la diga ven lamdak eburu mi ne Maria, nenen. Diga xis tiktikbu mi lempatgulom atdi la diga milik tiding si ukopok la diga lotu saparav i. La diga suang lengkontonom atdi la diga lok letaba rin mi logol, laxadan somavak, la laxadan mi luunun silok.

Metiu 27:56

Ne Maria Magdalene eburu mi ne Maria, nenen ne Jems mi ne Josep; la nenen bok at lumdak at ne Sebedi.

Metiu 28:17

La at loxonaleng diga ven i, diga lotu saparav i, ketla lentaba atdi levendoxoma atdi ga sixit ekarakat.

Metiu 4:21

Neni ga vas mu manga loloxon la ga ven manga lara lueton petpes, Jems mi ne Jon, lunitna ne Sebedi. Dugak lok go at lesepang eburu mi ne temen du ne Sebedi. Digak lox agagas li levengkatkat atdi. La ne Iesu ga ro xaka du.

Metiu 8:2

La lara laradi ga meres mi lanmeres gu ga vot posiga ne Iesu la ga xis tiktikbu mi luvatgulom teren la ga sing i, “Leeme Silok. Mo do u vara i, una lox aroo ia.”

Lagale Lavavang At Ne Iesu Karisito Mak Ga Malagan I 15:40

Lentaba lavakin mo diga tu ro vaxalom diga reven lanmet at ne Iesu. Levenasen atdi, Maria Magdalene, Maria nenen ne Jems kakalik mi ne Joses la ne Salomi.