Metiu 20:19 - Madak

¹⁹ La diba song araba ia ri limixin esep boro Rom kusu dina lok sese kapmex ia la dibak pixis ia la diba vaxarem ia at laxaba. Melemu at laaleng sepsev avantun nenia anaba roo xat amlong.”

Metiu 20:19 Iomraidhean Croise

Sam 35:16

Diga lok ngan limixin di lok sese laradi luxangkedek teren i molo, la diga reven angtungun bok tia.

Metiu 12:40

Jona ga nemen to xeneng at lebelen lavatmat silok at lavantun aleng kangking la lavantun aleng kanimin, la kerepmo nenia, Laradi Mevana, aba nemen to xeneng tubu at lavatkangka at lavantun aleng kangking la lavantun aleng kanimin.

Metiu 16:21

Ga se ap mo laaleng ne Iesu ga ru ka i xusu na tong i ri luvuttadi loklok ka anasa ren do neni na onon uto Jerusalem; la mo go loxongkulao silok, lavamaasa silok la luvuttadi loklox ase at Lenavolo diba lox asongot aleng i la diba sev amer i la at laaleng sepsev avantun neni naba roo xat amlong.

Metiu 17:23

La diba sev amer ia; ketla melemu nenia anaba roo xat amlong bok at laaleng sepsev avantun.” La luvuttadi loklok ka anasa diga bulu aleng.

Metiu 27:26

La ne Paelat ga soxomus asu ne Barabas tidi. Ketla neni ga raba ne Iesu ri luvuttadi esep kusu dinak pixis i la dina vaxarem i at laxaba.

Metiu 27:63

La diga lok tin keretna, “Leeme Silok, nema ma doma mumu levelinga ap mo laradi xaxarang at laaleng neni move ga rooro la ga lok keretna, ‘Anaba roo xat amlong basinge lanmet melemu at lavantun aleng.’

Lagale Lavavang At Ne Iesu Karisito Mak Ga Malagan I 14:65

La diga vubis lemeren la diga lok pe luxatli ren la diga tir i, la diga lok tin keretna, “Una tong kibis i do nege ip sev u?” La luvuttadi esep diga lam kaka i la diga pasa box i.

Lagale Lavavang At Ne Iesu Karisito Mak Ga Malagan I 15:1

Ga maxantamak suubu lavamaasa silok mi loxongkulao silok la luvuttadi loklox ase at Lenavolo, nedi lavaeme silok axap diga rupot eburu la diga epaase mumu ne Iesu. La diga xoxo alis lukngen la diga lam taba ne Paelat min.

Lagale Lavavang At Ne Iesu Karisito Mak Ga Malagan I 15:15

Kuren la ne Paelat ga mu asu lavavara atdi la ga lox asu raba di mi ne Barabas. Ketla neni ga raba ne Iesu ti luvuttadi esep kusu dinak pixis i la dina vaxarem i at laxaba.

Lagale Lavavang At Ne Iesu Karisito Luk Ga Malagan i 18:32

Limixin kapmek diba song araba i ri limixin kopmen di me Judaia la dibak lok kalise i, la dina paase kapmek tin, la diba vubis sanga i.

Lagale Lavavang At Ne Iesu Karisito Luk Ga Malagan i 23:11

La ne Erodes eburu mi limixin esep teren diga saba xangka rino ne Iesu la diga vaxasiga i mi lavanga singsigaara at loorong silok kusu dina lok kalise i, la diga riki amlong i uto at ne Paelat.

Lagale Lavavang At Ne Iesu Karisito Luk Ga Malagan i 24:46

La ni ga lok tidi, “Diga malagan i at Lovoang Kaala xeretna; Lanarong naba xip losongsongot la at laaleng sepsev avantun neni naba roo xat amlong.

Leven Gugu 2:23

Moroa xa ga lox agagas i la gaklen pam lavanga naba ravasu, kerekngan lodoxoma axa ren; la nemi miga sev amer i xeretna, miga siam taba luvuttadi xapmek do dina vaxarem i ro vana at laxaba.

Leven Gugu 21:11

Ni ga vosiga nama, la ga lok ka labaane at ne Pol, la ni ga xoxo ka lukngen ne Pol mi luxangkedek teren la ga lok, “Loroonan Kaala i tong i do laradi at na labaane, limixin me Judaia diba xoxo i; diba lox i na ro Jerusalem, la diba song araba i ri limixin kopmen di me Judaia.

Leven Gugu 4:27

Kerepmo ne Erodes mi ne Pontias Paelat diga rupot eburu at na lemenemen silok eburu minedi limixin me Judaia la limixin kopmen di me Judaia; kusu dina lox abulubun kepe ne Iesu, neni lasaxaruki dadat taram, mo nu ga lok li i do Lanarong.