Metiu 18:9 - Madak

⁹ La do laxatli ram na lox u la lunuunu ram na subu, una lik gogo su min la una lu xepe min. I lox avukat do una beles at Linintoo mi tegesa xatli mun; lavanga ne Moroa na lu arup minu ro at laxao mo do u ruuna legepu xatli.”

Metiu 18:9 Iomraidhean Croise

Metiu 16:26

I lok kapmek do taradi na ruuna ka lempanga axap at na lavatbung menemen, ketla neni i subu basinge lorooro at ne Moroa. Laradi ixo epovo na un ka lorooro avolo.

Metiu 18:8

Mo do lakngam mi laxangkedek taram na lox asubu lunuunu ram, una ra korop pes i la una lu xepe min. I lox avukat do una beles at lorooro avolo mi tenep mene at luxangkedek mi lukngam; lavanga ne Moroa na lu arup minu at laxao at lemenemen songsongot i nemen amisik.

Metiu 19:17

La ne Iesu ga vorang i xeretna, “Ua lavasuun teren la u sue ia mi lavanga salai i lox avukat? Legesara mun i lok avukat la neni ne Moroa. Do u vara na vubeles ti lorooro, una ronga res at lasangaun lenavolo.”

Metiu 5:22

Ketla mo nga ana tong i rinimi do, nege i musak mene neton, neni naba tu at lavapaase ro melamgo at laradi rongtonga linga; la do nege i tong i ri neton do ‘Nenu laradi pis,’ neni naba tu at lavapaase ro melamgo at lixitkis buru at lavanuti sangaun nedi loxongkulao silok at limixin me Israel; la do nege i lok ti neton do ‘nenu lavanga baulang’, i auret do ne Moroa naba riki i uto xeneng at laxao at lemenemen songsongot.

Metiu 5:29

Do laxatli tino ram na lox u la una subu, una lik gogo su min. I lox avukat tu do una lok pes tenep at labantuxu ram; lavanga labantuxu axap taram nat pas ti lemenemen songsongot.

Lagale Lavavang At Ne Iesu Karisito Mak Ga Malagan I 9:47

Mo do legesa xatli ram na lox asubu lunuunu ram, una lik gogo su min la una lu xepe min. I lox avukat una vubeles to at Linintoo at ne Moroa mi legesa xatli mene nga. Lavanga ne Moroa na lu arup minu eburu mi luxatli ram uto xeneng at lemenemen songsongot.

Leven Gugu 14:22

Duga lox alolos lunuunu at luvuttadi nuunu, la duga vaase alolos di xusu dina tu tuxuruxun at lunuunu atnedi. Duga lok, “Nedik ataba ekip tangarang mi laxanmumuat solo, la kerepmo ataba beles at Linintoo at ne Moroa.”

Ibru 4:11

Kuren la mina raba axap lodoxoma atnimi xusu mina vubeles ap mo loklok mamas la kopmen tara noxo subu kot la na mu asu lampoovo atnedi leme Israel, diga raba arulu ne Moroa.

Lisilimet 21:27

Ketla kopmen tinotno taxakapmek naba beles keneng teren, nedi dik lok lengkot mamangan kopla di xaxarang, di noxo vubeles teren. Nedi xusuk mene levenasen atdi ik lok to at lubuk at lorooro at Lanasip diba beles keneng teren.