Metiu 18:3 - Madak

³ la ga lok, “A tong tuturun i rinimi, tara do ixo leeng basinge laxakapmek teren la ixo lok ka luruptuvuk at laxamdak kakalik, neni xopmen na epovo do na vubeles at Linintoo no vana at laxalibet.

Metiu 18:3 Iomraidhean Croise

Sam 131:2

Ketla at kis atnaasan mi limila xeneng tarak. Ak lok ngan laxadede ik midi pilo ro at lukngen nenen, la no xeneng at labalak i xis saga.

Metiu 13:15

Lavasuun teren do levendoxoma at na limixin ira rebonot pam, la dira bong pe vam lenbaalung atdi la dira vam pe bok pam lengkatli atdi. Do kopmen, lengkatli atdi ba reven la lenbaalung atdi nang tonga la levendoxoma atdi na xasep la dina leeng la ana lox avukat nedi. Ais 6:9-10

Metiu 18:2

La ne Iesu ga ro ka lara lamdak, la ga vaxaru i ro melamgo atdi,

Metiu 18:4

Laradi do i lox asi i se luruptuvuk teren i lok ngan luruptuvuk at lamdak lixilik, mo laradi naba ruuna ka laasen i silok aleng at Linintoo no vana at laxalibet.

Metiu 19:14

La ne Iesu ga lok, “Mina ke laxamdak mi laxaalik kakalik dina vot pasa ia; la nemen mita sep pepe di, mila Linintoo no vana at laxalibet i epovo ridi na.”

Metiu 19:23

La ne Iesu ga lok ti luvuttadi loklok ka anasa ren, “A tong tuturun i rinimi. I lolos aleng do laradi nopnovos na vubeles at Linintoo no vana at laxalibet.

Metiu 5:18

A tong tuturun i rinimi. Laxalibet mi lavatbung menemen naba nemen at laxanaleng solo, la ap mo levenaleng kopmen tamangkot lixilik at levelinga keneng at Lenavolo naba xap asonao, i se ap mo laaleng levelinga ren naba sorun.

Metiu 5:20

A tong i rinimi. Mo do luruptuvuk atnimi noxo lox avukat ti luruptuvuk at luvuttadi loklox ase at Lenavolo la lubung Parisi, kopmen mi noxo vubeles at Linintoo, no vana at laxalibet.”

Metiu 6:16

La ne Iesu ga lok bok tidi, “La do mina mun an, nemen gat mita ven bukbulu, i ngan lavapen aala di mumu asu i. Dit pas saasaa ro xantubu at limixin kusu limixin diba reven lemeren di do nedi mo di mun an. A tong tuturun i rinimi do luunun atdi, dira lok ka axap pam i.

Metiu 6:2

Kuren la, do mina raba tavanga ri taradi banbalo, nemen mita tong asu i na ro melamgo at limixin axap kerekngan lavapen aala, dik lox i ro xeneng at laraugu singising la to at larangas. Dik lox i xusu limixin diba emi asu midi. A tong tuturun i rinimi do luunun atdi dira lok ka axap pam i.

Metiu 6:5

Do mina ngising, nemen mitak lok ngan luvuttadi vempen aala. Di vavara aleng i do dina tu la dina ngising to xeneng at laraugu lotu la to bok at larangas etang kusu limixin diba reven di. A tong tuturun i rinimi do dira lok ka axap pam luunun atdi.

Lagale Lavavang At Ne Iesu Karisito Mak Ga Malagan I 4:12

ni ga lox i xuren kusu, ‘Nedi di reven lugugu, ketla di noxo ven kibis i. Ding tonga mo levelinga, ketla di noxo xasep teren; do dina xasep, diba leeng la ne Moroa na doxoma xepe leveloklok kakapmek atdi.” Ais 6:9-10

Lagale Lavavang At Ne Iesu Karisito Luk Ga Malagan i 13:24

“Mina lolos kusu miba beles at lumusaragu lixilik at Linintoo at ne Moroa, mila buaang limixin diba lok tong i do dina beles ukeneng, ketla di noxo epovo.

Lagale Lavavang At Ne Iesu Karisito Luk Ga Malagan i 22:32

Ketla ara sing pam tu, ne Simon, kusu lunuunu ram noxo subu. La do una leeng basinge laxakapmek taram, una lox alolos luvutnetam.”

Lagale Lavavang At Ne Iesu Karisito Jon Ga Malagan I 1:51

La ni ga lok bok tidu, “A tong tuturun i rinumu do muba ven laxalibet na rem suang la muba ven lubung angelo at ne Moroa dinat pas si la dinat pas urut uto saparav ia Laradi Mevana.”

Lagale Lavavang At Ne Iesu Karisito Jon Ga Malagan I 3:3

Iesu ga vorang i rin keretna, “A tong tuturun i na ru; do tara noxo lok kaka livipisik amaxat, neni noxo vubeles at Linintoo at ne Moroa.”

Lagale Lavavang At Ne Iesu Karisito Jon Ga Malagan I 3:5

La ne Iesu ga vorang i rin, “A tong tuturun i na ru; do tara noxo lok kaka lesep susu la noxo lok kaka lorooro maxat boro at Loroonan Kaala, neni noxo beles at Linintoo at ne Moroa.

Leven Gugu 14:22

Duga lox alolos lunuunu at luvuttadi nuunu, la duga vaase alolos di xusu dina tu tuxuruxun at lunuunu atnedi. Duga lok, “Nedik ataba ekip tangarang mi laxanmumuat solo, la kerepmo ataba beles at Linintoo at ne Moroa.”

Leven Gugu 28:27

Mila levendoxoma atnedi na limixin ira rebonot pam, dira lok pe vam levenbaalung atnedi. La dira vampe vam levengkatli atdi. Naba lok kapmek do dina ven mi levengkatli atdi; la dina ronga mi levenbaalung atdi, la levendoxoma atdi nakleklen, la dina rem gili saparav ia, la nia ana lox avukat nedi.” Ais 6:9-10

Leven Gugu 3:19

Kuren la mina leeng basinge laxakapmek atnimi xusu ne Moroa naba doxoma xepe laxakapmek atnimi,

1 Korin 14:20

Luvutnetak mi luvurinuk, nemen levendoxoma atnemi na lok ngan loklok at laxamdak lixilik, ketla mina ke xepe laxakapmek kerekngan laxamdak lixilik. La mina doma mumu avukat na leventamtaba ngan limixin mukun.

1 Pita 2:2

Minak lok ngan laxamdak mumulum, no di vavara inin amisik levendan tus at loroonan, atla do mina inin amisix i, minaba vee mukun at lunuunu atnimi la mina roo suu.

2 Pita 1:11

Do mina mu asu na langas, lumusaragu naba rem suang tinotno xusu miba vubeles ukeneng at Linintoo ik lox amisik la neni Linintoo at Laradi Loklox Arooro atnedik, Leeme Silok ne Iesu Karisito.