Metiu 18:10 - Madak

¹⁰ La ne Iesu ga lok bok tidi, “Nemen mita sok tixirixes kepe tara at na laxamdak kakalik mila lubung angelo atdi dit pot pasa amisik ne Tamak to vana at laxalibet. Nia a tong tuturun i.

Metiu 18:10 Iomraidhean Croise

Sam 15:4

Neni i rexes nedi no ne Moroa ik sok sisixe nedi. Ketla neni ip kiv aurut levenasen atnedi di mumu asu levelinga at Leeme Silok. Ik lox epovo amisik leveng kakaape ren, keke i do i lolos aleng tin, ni ixo epovo na ke xepe i.

Sam 17:15

Ketla nia anaba ven lamaram atla nia goxo lok tibilinga; la dola ana aus, anaba umsu mi lososoro atla anaba nemen eburu minu.

Sam 34:7

Laangelo at leeme Silok ik lok tatao nedi dik lok ngangao aleng teren, la ik lox asepsu nedi basinge levenaniu.

Sam 91:11

Moroa naba lok li lubungangelo ren kusu dinabak lok tatao nimi, la kusu dinaba kok nimi at levengkot axap minat pas teren.

Metiu 1:20

Josep gam doma mumu i na la at lara laxanimin laangelo at ne Moroa ga vot saparav i at loromtobo la ga lok, “Josep. Livisik li at ne Devit. Nemen gat uta marat kusu una lok ka ne Maria ngan latkin tu, mila mo labalan madak neni i ruuna i, neni at Loroonan Kaala.

Metiu 12:20

Neni noxo ru mi loboat tinedi limixin molobe kopla na lok kapmek nedi limixin pakpakes. Neni naba gugu se limixin diba siam kaka leveloklok ik mokso.

Metiu 18:14

La kuren mun ne Temen nimi no vana at laxalibet i xopara i do legesara atdi na laxamdak lixilik na soogong basinge i.”

Metiu 18:6

La ne Iesu ga lok bok, “Naba lok kapmek aleng ti tara do na lox asubu tara atdi na laxamdak kakalik di nuunu rak. Ba lox avukat tin do dina xoxo li tangsangan tuat to at laxaka ren la dina dong asi i min uto xopok at lisimaramain.

Metiu 2:13

Se mo luvuttadi leklen diga vas kaxat pam, laangelo at Leeme Silok ne Moroa ga vot parap ne Josep keneng at loromtobo la ga lok, “Una xatu kaxat la una lok kaka lamdak eburu mi nenen la mina sixiro uto Isip, la mina nemen go se nenia aba tong i rinimi do mina on basinge mo lenep, mila ne Erodes mo naba reven pupuke ri lamdak kusu na sev amer i.”

Metiu 2:19

Melemu at lanmet at ne Erodes, laangelo at Leeme Silok ne Moroa ga vot saparap ne Josep keneng at loromtobo to Isip.

Metiu 24:31

La lubung angelo diba ronga lerengteng at luru la nia aba riki di uto at lengkot axap kusu dina lam kaka lavaanat soxolik at ne Moroa boro at lavanuet laramesuluk at lavanuet laramera manman at na lavatbung menemen.”

Lagale Lavavang At Ne Iesu Karisito Luk Ga Malagan i 1:19

Laangelo ga lok tin, “Nenia ne Gabriel. A tu amisik to saparap ne Moroa, mo i sak tiki ia xusu ana vaase tu, la ana tong asu i na levelinga nunuan tu.

Lagale Lavavang At Ne Iesu Karisito Luk Ga Malagan i 10:16

La ne Iesu ga lok ti luvuttadi loklok ka anasa ren keretna, “Do nege ing tonga nimi, neni ing tonga ia; la do nege i sok tixirixes nimi, i sok tixirixes ia; la do nege i sok tixirixes ia, i sok tixirixes ne Moroa ga riki ia ude.”

Lagale Lavavang At Ne Iesu Karisito Luk Ga Malagan i 16:22

At lara laaleng laradi banbalo ga met la lubung angelo diga xip kaka i uto saparap ne Abaram, to vana at laxalibet; la nom laradi nopnovos bok ga met la digak mir i.

Leven Gugu 10:3

At lara laaleng at lavantun konaleng ga ukantinao, neni ga ven lisilimet la keneng ap mo lisilimet teren neni ga ven axasep avukat laangelo at ne Moroa ga vubeles ukeneng at loogu ren la ga lok tin, “Konilias!”

Leven Gugu 12:15

La diga lok tin, “U baulang!” Ketla ni ga tong amisix i do mo levelinga ren i ruturun. Kuren la diga lok, “Laangelo ren mo.”

Leven Gugu 12:23

Ap mo mene loxonaleng laangelo at ne Moroa ga sep ne Erodes mi lanmeres, neni goxo lok ngangao at ne Moroa. Laxangkolon ga anan labantuxu ren la ga met ta.

Leven Gugu 27:23

Nia aklen i na mila at laxanimin laangelo boro at ne Moroa no nenia ateren la a lotu saparav i, i vot pasa ia.

Leven Gugu 5:19

Ap mo laxanimin laangelo at ne Moroa ga suang lumusaragu ap mo loogu xokoxo la ni ga sat asu di ukamang la ga lok tidi,

Lovoang At Ne Pol Ti Limixin Nunu to Rom 14:10

Tila ba mi viila mumu leveloklok at luvutneton nimi? Tila la mi lox abulubun di? Nedik axap na tanaba ru ro melamgo at ne Moroa, la neni naba reven mumu loklok atnedik axap.

Lovoang At Ne Pol Ti Limixin Nunu to Rom 14:21

Langas avukat mene minaba lox i xeretna, mina xap ta at laanan levempanga lolos la liinin kadan lolos la teveloklok sala bok naba lok luvutneton nimi dina subu.

Lovoang At Ne Pol Ti Limixin Nunu to Rom 15:1

Nedik lunuunu atnedik i lolos, ata xip tooro nedi dixo lolos mi levenaknixip atnedi. La nemen gat dik guta doma xusuk mene nedik la ata lox amomo dik.

1 Korin 11:22

Kereva, kopmen taraugu atnimi getgesara ri anan la mina inin e? Nom loklok i lox asuusu i do mi lox abulubun lotu at ne Moroa la mira lox amangan bok limixin at lotu mo xopmen tempanga anan atdi. La kereva levelinga rak mumu i na? Mi nua i do nia anaba emi asu minimi? Kopmen tinotno.

1 Korin 16:11

Nemen gat tara na lox abulubun kepe i, ketla mina lok tooro i xusu ri lok mo lavatpas teren keneng at lenmila, kusu neni nabamlong bok ude saparav ia; la a doxoma i do neni nabamlong eburu midi luvuttadi nuunu.

1 Korin 9:22

Kantubu atnedi lunuunu atdi ixo lolos, ana nemen ngan bok di, kusu aba lok ka bok di la ana lox alolos lunuunu atdi. La kerepmo a lox ia ngan limixin axap, kusu aba sat ka bok tentaba atnedi uto xeneng at Linintoo at ne Moroa.

2 Korin 10:1

Nenia ne Pol; a sing nimi, mi mo loklok mumulus la loklox atnaasan at ne Iesu Karisito. Do nia a nemen eburu minimi, mi lok do nenia ne Pol ak lok mumulus mene; ket do a nemen paxalom basinge nimi, mi lok do nia a paase lolos tinimi.

2 Korin 10:10

mila leventaba di lok do, “Levempoang at ne Pol i lolos la i mumuat aleng. Ket do neni na nemen eburu midik, neni nabasko la levempapaase ren noxo mumuat solo.”

Galesia 6:1

Luvutnetak mi luvurinuk. Amo dola limixin nuunu dina long terek tara xantubu atdi do neni i lok tavanga i lok kapmek, nemi limixin tongtonga res at Loroonan Kaala, mina lox akmokso mo laradi; ketla mina lox i mi lumulus. La mina lok tatao avukat lorooro atnemi axa, kusu mo laxakapmek teren noxo lok tong pen nemi.

1 Tesalonia 4:8

Kuren la nedi mo di noxo ronga res at na levelinga atnama, dixo lok tavanga rinama, ketla di lox abulubun kepe levelinga at ne Moroa, mo ga raba nemi mi Loroonan Kaala ren.

1 Timoti 4:12

Nemen uta ke xepe tara na vas asi u ukopok atla nenu laau doxodok; ketla una lok ngan lampoovo ri limixin nuunu, at levempapaase ram, luruptuvuk taram, labalamu ram, lunuunu la loklok i dadat.

Ibru 1:14

Lubung angelo nedi leventoonan avukat mun, dik lok tooro ne Moroa; la neni ik sak tiki di rik lok tooro nedi limixin ne Moroa ga soxolik ka vam di xusu dinaba lok kaka loklox arooro.

Ibru 9:24

Karisito goxo lok lugugu ren to xeneng at loxot kaala limixin diga lox i; mo loxot ni lampoovo mun ap mo loxot tuturun no vana at laxalibet. Ketla neni ga vubeles to vana at laxalibet kusu na tu ro at lemeren ne Moroa la na ngising i ri lok tooro dik.

Lisilimet 8:2

La aga ven lavanuti lubungangelo mo di tu amisik to melamgo at ne Moroa, la diga lok ka lavanuti leventu.