Metiu 17:3 - Madak

³ La soso mun ne Moses la ne Elaisa duga rupot to melamgo atdi la duga epaase eburu mi ne Iesu.

Metiu 17:3 Iomraidhean Croise

Metiu 17:2

Ap mo loxot Moroa ga lox arepukus ne Iesu to melamgo at lavantun luvuttadi loklok ka anasa ren. Lemeren ga soosoo ngan laxangking la lempanga singsiga ren gan bun kerekngan lovottas i sovosok.

Metiu 17:4

La ne Pita ga lok ti ne Iesu, “Leeme Silok. I lox avukat tinotno do mak lok de. Do u vara i, nia anaba xip tavantun taraugu kukuxut, tara ru, tara ri ne Moses la tara ri ne Elaisa.”

Lagale Lavavang At Ne Iesu Karisito Mak Ga Malagan I 9:4

La soso mun ne Elaisa mi ne Moses duga rupot to melamgo atdi la duga epaase eburu mi ne Iesu.

Lagale Lavavang At Ne Iesu Karisito Luk Ga Malagan i 1:17

Neni nabamgo ri Leeme Silok, mi Loroonan Kaala la lololos, i ngan leeme vapaase alii ne Elaisa; neni naba vaxaxis etangas avukat luvuttemen eburu mi laxamdak atdi kusu luvuttemen dinaba balamu laxamdak atdi; neni naba ba gili levendoxoma at limixin tongtonga xepe kusu dina rebeng kaka lodoxoma mokmokso; neni naba lox agagas limixin at ne Moroa kusu dinaba gagas tangais Leeme Silok.”

Lagale Lavavang At Ne Iesu Karisito Luk Ga Malagan i 16:16

Lenavolo at ne Moses la levenmamalagan at lavaeme vapaase alii ga nemen se at levenaleng at ne Jon laradi sep susu. Ga ru ka i go Lagale Lavavang mumu Linintoo at ne Moroa ga lok kun i min, la buaang nedi limixin getgesara di lolos do ukeneng di.

Lagale Lavavang At Ne Iesu Karisito Luk Ga Malagan i 24:27

La ne Iesu ga soxomus levelinga at Lovoang Kaala ridu mumu i; ga ru ka i at levenbuk at ne Moses la levenmamalagan at lavaeme vapaase alii.

Lagale Lavavang At Ne Iesu Karisito Luk Ga Malagan i 24:44

La neni ga lok tidi, “Anai lempanga nia aga tong i rinimi ap mo levenaleng nenia aga nemen eburu minimi; lempanga axap diga malagan i mumu ia keneng at Lenavolo at ne Moses, la levenmamalagan at lavaeme vapaase alii, la levempikpixan mo ira sorun.”

Lagale Lavavang At Ne Iesu Karisito Luk Ga Malagan i 9:33

Se luradi duga lok do duna on basinge ne Iesu, Pita ga lok tin, “Leeme Silok, i lox avukat tinotno at loklok atnama nade. Ata lok tavantun taraugu xukuxut, tara ru, tara ri ne Moses, la tara ri ne Elaisa.” Ni goxoklen tinotno i do lai mo ni ga paase min.

Lagale Lavavang At Ne Iesu Karisito Jon Ga Malagan I 1:17

Moroa ga raba avolo ne Moses mi Lenavolo; ketla letaba nabalamu at ne Moroa mi levelinga ruturun ga ravasu at ne Iesu Karisito.