Metiu 17:20 - Madak

²⁰ La ne Iesu ga vorang i ridi xeretna, “Lunuunu atnimi i lixilik aleng. Do mi ruuna lunuunu i xakalik kerekngan liit mastet, nemi miba epovo na lok ti na lakaana, ‘Una vas kaxat mede la uto at toxot petpes,’ la ni ba ronga res. La miba epovo na lok lempanga axap bok.

Metiu 17:20 Iomraidhean Croise

Metiu 13:31

Iesu ga vaase bok tidi mi lara lavapaase poovo xeretna, “Linintoo no vana at laxalibet i lok ngan lara laradi ga lok ka levenit mastet la gatlotlo i ro xataamang teren.

Metiu 14:29

La ne Iesu ga vorang i rin keretna, “Ude u.” Kuren la ne Pita ga xatu kaxat boro at lesepang la gat pas to mavana at lavatdan kis uto at ne Iesu.

Metiu 17:17

La ne Iesu ga lok, “Limixin at na levenaleng kopmen tunuunu atnimi la levendoxoma atnimi i onon soogong. Lavanisa aleng tinotno nenia aba xip tutu mi levenmumuat atnimi? Nemi mi lox amolo ia. Una lam ka lamdak ude.”

Metiu 17:19

Melemu luvuttadi loklok ka anasa xusuk mun diga vosiga ne Iesu la diga sue i, “Ua lavasuun teren la nema ma xo epovo xusu mana riki kepe nom lagas?”

Metiu 17:9

Diga si at lakaana la ne Iesu ga tong lolos i ridi do, “Nemen mita tong i na ri teta, se nenia, Laradi Mevana, anaba roo xat amlong basinge lanmet.”

Metiu 21:21

La ne Iesu ga lok tidi, “A tong tuturun i rinimi; mo do mina nuunu ruturun at ne Moroa la kopmen lodoxoma atnimi na sixit ekarakat at levelinga ren, miba epovo do mina lok mun lempanga xerekngan nia a lox i ri na luuna pik. La kopmen na xusuk mun i, ketla miba epovo bok do miba vaase lolos ti na lakaana, la ni na xatu kaxat la na subu tup ti laras.

Metiu 8:26

La ni ga lok tidi, “Kereva, kopmen tunuunu atnimi? Mi marat tila?” La ni ga xatu kaxat la ga vaase lolos pe lamanman mi lavatdan kis la duga lox atnaasan la langsangan lenmila ga men ta.

Lagale Lavavang At Ne Iesu Karisito Mak Ga Malagan I 11:22

La ne Iesu ga lok tidi xeretna, “Mina nuunu at ne Moroa.

Lagale Lavavang At Ne Iesu Karisito Mak Ga Malagan I 11:23

A tong tuturun i rinimi; do tara na tong i ri na lavatkaana xeretna, ‘Una onon la una subu tup tou at laras,’ la do neni i nuunu ruturun keneng at lebelen la lodoxoma ren kopmen na sixit ekarakat, Moroa naba lox i xerepmo.

Lagale Lavavang At Ne Iesu Karisito Mak Ga Malagan I 4:31

Linintoo at ne Moroa i lok ngan lara laradi ga lok ka levennit mastet la gatlotlo i ro xataamang teren. Nom levennit i xakalik tinotno ti levenit axap at na lavatbung menemen.

Lagale Lavavang At Ne Iesu Karisito Mak Ga Malagan I 9:23

La ne Iesu ga lok tin, “Nemen uta vaase mi na levelinga dola u epovo xeretnom. Moroa ba lok lempanga axap tu, mo do u nuunu ren.”

Lagale Lavavang At Ne Iesu Karisito Luk Ga Malagan i 1:37

Kopmen tempanga na lolos saparap ne Moroa kusu ni na lox i.”

Lagale Lavavang At Ne Iesu Karisito Luk Ga Malagan i 17:6

La Leeme Silok ga vorang i ridi xeretna, “Mo do mina ruuna lunuunu i xakalik ngan liit at lamastet, mi epovo xusu mina tong i ri na luuna do, ‘Una remsup eburu mi levenixe ram la una tu tou at laras!’ La ni ba ronga res atnimi.”

Lagale Lavavang At Ne Iesu Karisito Luk Ga Malagan i 18:27

La ne Iesu ga vorang di xeretna, “I lolos aleng do laradi nopnovos na vubeles at Linintoo at ne Moroa, ketla kopmen na lolos do ne Moroa na lox arooro i.”

Lagale Lavavang At Ne Iesu Karisito Jon Ga Malagan I 11:40

Iesu ga lok tin, “Kereva, nenia agoxo tong box i ru do uba ven lololos at ne Moroa mo do una nuunu?”

1 Korin 12:9

La ti lara manga na Loroonan Kaala mun i raba i mi lunuunu i lolos aleng. La ti lara manga i raba i mi lololos kusu ri lox avukat limixin mekmeres.

1 Korin 13:2

La do a ruuna laramtaba at ne Moroa xusu ri vavang alii, la anaklen pipis levempanga axap, la anaklen avukat bok levendoxoma alipe at ne Moroa; la lunuunu rak ti ne Moroa i lolos aleng la a epovo xusu ana riki pes levempatkaana; ketla mo do kopmen tabalamu na nemen tarak, nenia mun lavanga gamasa.

Ibru 3:19

Kuren la nedik di ven i do buaang atnedi di goxo lox epovo i xusu dina vubeles mila di goxo nuunu at ne Moroa.