Metiu 17:12 - Madak

¹² Ketla a tong i rinimi do ne Elaisa ga vot pam la limixin di goxo ven kibis i, la diga lok lempanga xapmek tin kerekngan diga vara i. La kuren mun diba lox asongor ia, Laradi Mevana.”

Metiu 17:12 Iomraidhean Croise

Metiu 11:2

Ap mo levenaleng ne Jon laradi sep susu ga nemen at loxokoxo, neni ga ronga lempanga ne Karisito ga lox i, la neni ga riki lentaba luvuttadi loklok anasa ren uto saparap ne Iesu mi levelinga xeretna,

Metiu 16:21

Ga se ap mo laaleng ne Iesu ga ru ka i xusu na tong i ri luvuttadi loklok ka anasa ren do neni na onon uto Jerusalem; la mo go loxongkulao silok, lavamaasa silok la luvuttadi loklox ase at Lenavolo diba lox asongot aleng i la diba sev amer i la at laaleng sepsev avantun neni naba roo xat amlong.

Metiu 17:11

La ne Iesu ga vorang i ridi, “I ruturun tino. Elaisa ba rupot avot la ba lox amokso lempanga axap.

Metiu 17:13

La luvuttadi loklok ka anasa diga xasep ba do ne Iesu ga paase mumu ne Jon, laradi sep susu.

Metiu 17:22

Gase ne Iesu eburu mi luvuttadi loklok ka anasa diga vot eburu ro Galili, Iesu ga lok tidi, “I auret kusu limixin diba ranga alis ia, Laradi Mevana la diba song araba ia ri limixin esep.

Metiu 17:9

Diga si at lakaana la ne Iesu ga tong lolos i ridi do, “Nemen mita tong i na ri teta, se nenia, Laradi Mevana, anaba roo xat amlong basinge lanmet.”

Metiu 21:32

Lavasuun teren keretna; Jon, laradi sep susu, ga vosiga nimi la ga vavang tinimi mi loklok mokmokso kusu mina mumu i, ketla mi goxo nuunu ren; ketla luvuttadi loklok ka pilas mi lavakin ngarangat diga nuunu ren; miga ven nedi diga leeng, ketla nemi mi goxo leeng la mi gita nuunu ren.”

Metiu 8:20

La ne Iesu ga lok tin, “Lubungman sio di ruuna lengkot mikmidi atdi, la lavapixa di ruuna levempotpos atdi, ketla nenia, Laradi Mevana, axo ruuna temenemen kusu ria rik midi la na lok mamana ren.”

Lagale Lavavang At Ne Iesu Karisito Luk Ga Malagan i 7:33

La ne Jon laradi sep susu ga vot, la ni ga mun anan la kopmen goxo inin laxadan vaen, la nemi miga lok do, ‘Lagas mo i nemen teren!’

Lagale Lavavang At Ne Iesu Karisito Jon Ga Malagan I 1:11

Neni gat pas uto at lubungmixin teren, ketla limixin axa ren di goxo siam ka i.

Leven Gugu 2:23

Moroa xa ga lox agagas i la gaklen pam lavanga naba ravasu, kerekngan lodoxoma axa ren; la nemi miga sev amer i xeretna, miga siam taba luvuttadi xapmek do dina vaxarem i ro vana at laxaba.

Leven Gugu 4:10

Minaklen i la limixin axap bok me Israel minaklen i do na laradi na i tu melamgo atnimi, ni ita lox avukat at lolos at laasen at ne Iesu Karisito me Nasaret, no nemi miga vaxarem i at laxaba. Ketla ne Moroa ga lox axatu amlong i basinge lanmet.

Leven Gugu 7:52

Lavalabat atnimi diga lox asongot lavaeme vapaase alii axap. Digap sev amet luvuttadi at ne Moroa, no gano migomgo diga paase asu lovotpot at laradi mokmokso la lasaxaruki ren. Ketla nanga nemi miga song araba i ri limixin esep la miga sev amer i.