Metiu 16:27 - Madak

²⁷ Nenia, Laradi Mevana, mo anaba vot mi lisisixam silok at ne Tamak la eburu mi lubungangelo, la ap mo laaleng limixin axap dinaba lok kaka luunun i epovo mi leveloklok diga lox i.

Metiu 16:27 Iomraidhean Croise

Sam 62:12

la labalamu ren i tu amisik. O Leeme Silok, nenu xusuk mun, um taba luunun ti legetgesa radi i epovo xa at leven gugu mi leveloklok teren.

Metiu 13:41

Nenia, Laradi Mevana, anaba riki asu lubungangelo tarak ti lok ka nedi di lox asubu limixin eburu mi limixin kapmek uto basinge limixin nuunu.

Metiu 13:49

Naba lok mun kuren at laaleng kavaxap at na lavatbung menemen. Lubungangelo diba vot la dina lok ka limixin kapmek basinge limixin avukat;

Metiu 24:30

Ap mo laaleng loklok katling tarak, Laradi Mevana naba vot asuvos to vana at laxalibet, la limixin at levennep axap at na lavatbung menemen dinabak saxaanu. Dinaba ven ia, Laradi Mevana, anaba vot at loxontakabu mi langsangan lololos la lisisixam silok.

Metiu 25:31

La ne Iesu ga lok bok, “Do nenia, Laradi Mevana, ana vot mi lisisixam, eburu mi lubung angelo, nenia anabat kis at loxonin orong tarak mi lisisixam silok boro vana at laxalibet.

Metiu 26:64

La ne Iesu ga lok, “I ruturun, nenia vam. Ketla nia a tong i rinimi. Melemu minaba ven ia, Laradi Mevana, anabat kis saparap lekngen tino ne Moroa i lolos aleng, la anaba vot at loxontakabu boro vana at laxalibet.”

Metiu 8:20

La ne Iesu ga lok tin, “Lubungman sio di ruuna lengkot mikmidi atdi, la lavapixa di ruuna levempotpos atdi, ketla nenia, Laradi Mevana, axo ruuna temenemen kusu ria rik midi la na lok mamana ren.”

Lagale Lavavang At Ne Iesu Karisito Mak Ga Malagan I 14:62

La ne Iesu ga vorang i rin keretna, “Nenia vam. La nemi minaba ven ia, Laradi Mevana, anabat kis saparap lekngen tino at ne Moroa i lolos aleng la anaba vot eburu mi lenbantakabu boro vana at laxalibet.”

Lagale Lavavang At Ne Iesu Karisito Mak Ga Malagan I 8:38

Mo do taradi na lok mamangan kepe ia eburu mi levelinga rak kantubu at limixin at na loola, nenia, Laradi Mevana, anaba sok tixirixes i ap mo laaleng nenia ana si ukopok mi lisisixam silok at ne Tamak la at lubungangelo ren.”

Lagale Lavavang At Ne Iesu Karisito Luk Ga Malagan i 21:27

Ap mo levenaleng limixin diba ven ia, Laradi Mevana, anaba vot at loxontakabu mi langsangan lololos mi lisisixam.

Lagale Lavavang At Ne Iesu Karisito Luk Ga Malagan i 22:69

Ketla i ru ka nga i mo lingina, nenia, Laradi Mevana, anabat kis to saparap lekngen tino at ne Moroa i lolos aleng.”

Lagale Lavavang At Ne Iesu Karisito Luk Ga Malagan i 9:26

Mo do taradi na lok mamangan kepe ia eburu mi levelinga rak, nenia, Laradi Mevana, anaba sok tixirixes xepe i ap mo laaleng nenia ana si ukopok mi lisisixam silok tarak la lisisixam silok at ne Tamak la at lubung angelo ren.

Lagale Lavavang At Ne Iesu Karisito Jon Ga Malagan I 21:22

Iesu ga vorang i rin keretna, “Do nenia a vara i do neni na rooro se at lomlong tarak, nemen uta doma solo i nom. Nenu una mumu asu ia.”

Lagale Lavavang At Ne Iesu Karisito Jon Ga Malagan I 21:23

Luvuttadi loklok ka anasa diga ronga na levelinga la diga tong i ri lavanga do mo laradi loklok ka anasa noxo met. Ketla ne Iesu goxo tong i xuren, neni ga lok mun keretna, “Do nenia a vara i do neni na rooro se at lomlong tarak, nemen uta doma solo i nom.”

Leven Gugu 1:11

La duga lok, “Luvuttadi me Galili, lai mo mi tu mu i la mia reven upana at lamavangkap? Na ne Iesu, ne Moroa i lam kaka i basinge nimi uto vana, ni nabamlong bok kerekngan tai mo nemi mi ven i, i urut uto vana at laxalibet.”

Lovoang At Ne Pol Ti Limixin Nunu to Rom 14:12

Kuren la nedik axap ataba raba lavapaase axasep ti ne Moroa mumu lorooro atdik.

Lovoang At Ne Pol Ti Limixin Nunu to Rom 2:6

“Moroa naba raba unun ti legetgesara mumu xa levempanga ni ga lox i.” Sam 62:12

1 Korin 15:23

Ketla nedi getgesara dinaba roo xat amlong at levengkonaleng axa atdi. Avot tinotno ne Karisito ga xatu kaxat amlong, la at laaleng neni namlong ude xopok, nedi ba mo limixin digara met pam mi lunuunu atdi xeneng at ne Karisito, dinaba roo xat amlong.

1 Korin 3:13

At laaleng ete, ne Moroa naba lox asuvos ba luruturun at leven gugu at limixin getgesara, i lok ngan ta di lok tong pen leven gol at laxao, la kerepmo ne Moroa naba lok tong pen bok lugugu at limixin getgesara, do kereva i lox avukat kopla xopmen.

1 Korin 8:8

Leveluxa axap limixin nuunu di anan i, kopmen noxo lox axis buru di mi ne Moroa. Do nedik ata anan mo leveluxa limixin diplavang min saparap laxampoovo moroa, lixitkis etangas atdik mi ne Moroa noxo rekorop, la luruburu atdik mi ne Moroa noxo xap.

2 Korin 5:10

mila nedik getgesara ataba ru asuvos to melamgo at lenep tongtonga linga at ne Karisito; kusu nedik getgesara ataba lok ka luunun, i nunuan kopla i lok kapmek; la neni ba raba i na i epovo at loklok atnedik at na lorooro at labantuxu.

Epesas 6:8

mila miklen i do Leeme Silok naba raba luunun tinedi axap dik lok luvukat, keke i do neni lasaxaruki xopla xopmen.

Kolosi 3:25

La limixin bilinga axap naba lok ka luunun naba epovo mi leveloklok kakapmek digak lox i, mila ne Moroa i viila limixin axap mi legesampoovo mene nga.

1 Tesalonia 1:10

La di tong i do nemi mit kis tangais ne Nitna, mo naba ravasi boro vana at laxalibet. Moroa ga lox arooro amlong ne Iesu basinge lanmet, la ni naba lox arooro bok dik basinge lebelemamao at ne Moroa, mo naba rupot.

1 Tesalonia 4:16

Ap mo laaleng limixin dinaba ronga luxupkup lolos la laangelo gomgo naba toro, la luru at ne Moroa nabang teng, la Leeme Silok naba si ukopok boro vana at laxalibet. La nedi limixin nuunu diga met pam, dinaba roo xat amlong la dinaba urut avot.

Jems 5:7

Luvutnetak mi luvurinuk. Mina ngangais mi lomomo se Leeme Silok nabamlong. Mina doma mumu laradi loklok tatao at laraamang; i tu tuxuruxun, la ia ngangais se laxangka na lox asuusu lempanga. Neni i nemen kangais bok ti larakabu mo na vot at leven gaaling teren.

1 Pita 1:17

La minaklen i do ne Temen nemi no vana at laxalibet, no nemi mi ngising tin, neni i viila mumu luruptuvuk at limixin la i viila mumu loklok atdi mi legesampoovo mun; kuren la mina raba axap lorooro atnemi at na lavatbung menemen eburu mi loklok ngangao saparav i.

1 Jon 2:28

Luvutnuruk orong. Minat kis esogo amisik mi ne Iesu kusu at lovotpot teren mi noxo marat la mi noxo mangan.

Lovoang At Ne Jut 1:14

Enok ni laradi sepsev avanna melemu at ne Adam, la neni ga paase alii mumu nom luvuttadi kapmek. Ni ga lok keretna, “Mina reven avukat. Leeme Silok naba rupot eburu minedi buaang limixin dadat teren,

Lisilimet 1:7

Mina ven avukat tin. Neni mo naba vot eburu mi loxontakabu, la larabung mixin axap eburu minedi diga vaxarem i at laxaba, dinaba ven i. La limixin axap at na lavatbung menemen dinaba saxaanu mu bok ba i. La nai naba ravasu ruturun kuren. I ruturun.

Lisilimet 2:23

La aba sev amet bok laxamdak teren. La limixin axap di nuunu dibaklen i do nenia ne Penasiak, aklen lorooro at limixin axap la aba vorang laxakapmek atnemi mi levesongsongot i epovo at loklok at legetgesa radi.

Lisilimet 20:12

La aga ven nedi diga met pam, limixin silok la limixin gamasa, diga tu ro melamgo at loxonin orong at ne Moroa. Lentaba lempatbuk mo ga repalas. La lara lubuk ap mo levenbuk diga suang i, ni lubuk at lorooro. La ne Moroa ga ila mumu loklok atnedi limixin, la mo leveloklok atdi gak lok ap mo levenbuk.