Metiu 16:24 - Madak

²⁴ La ne Iesu ga lok ti luvuttadi loklok ka anasa ren, “Mo do tara i vara i do na emu eburu minia, neni na domampe lorooro axap teren, la na gagas li i xusu nap kip losongsongot at levenaleng axap, la neni na mumu asu ba ia.

Metiu 16:24 Iomraidhean Croise

Metiu 10:38

Do nege i xopara na xip ka levenmumuat, i lok ngan laradi na solok ka laxaba ren la ira mumu asu ia, neni xopmen na epovo do na nemen ngan laradi rak.

Metiu 27:32

Luvuttadi esep mi ne Iesu diga sixisu ap mo loogu la diga ekip tangarang mi lara laradi boro Sairini, laasen teren ne Simon, la luvuttadi esep diga sox aruru parang i xusu na xip ka laxaba at ne Iesu.

Lagale Lavavang At Ne Iesu Karisito Mak Ga Malagan I 10:21

La ne Iesu ga ven tooro i la ga balamu i la ga lok tin keretna, “Nenu move uk pakes ti legesa vanga. Una sesep mi lempanga axap taram la una raba lempilas ti limixin banbalo la unaba ruuna ka lapnovos silok to vana at laxalibet. La melemu una mumu asu ba ia.”

Lagale Lavavang At Ne Iesu Karisito Mak Ga Malagan I 15:21

La lara laradi, laasen teren ne Simon me Sairini, neni temen ne Aleksanda mi ne Rupas, la neni gat pas boro at lemenemen petpes la luvuttadi esep diga sox aruru parang i xusu na xip ka laxaba at ne Iesu.

Lagale Lavavang At Ne Iesu Karisito Mak Ga Malagan I 8:34

La ni ga ro xaka limixin mi luvuttadi loklok ka anasa ren la ga lok tidi, “Mo do tara i vara na emu eburu minia, neni na domampe lorooro axap teren la na gagas li i xusu nap kip losongsongot at levenaleng axap la na mumu asu ba ia.

Lagale Lavavang At Ne Iesu Karisito Luk Ga Malagan i 14:27

Do nege xopmen na mulus kusu nap kip levenmumuat silok aleng la na mumu asu ia, neni xopmen na epovo xusu neni laradi loklok ka anasa rak.

Lagale Lavavang At Ne Iesu Karisito Luk Ga Malagan i 23:26

Diga lam kaka ne Iesu boro at loogu at ne Paelat la diga vas kaxat min uto at loxot diba sev amer i ren. At lavatpas atdi diga ekip tangarang mi lara laradi laasen teren ne Simon, boro Sairini, mo gat pas uto xeneng at lemenemen silok; ga laa boro at loxot petpes. Diga ranga alis i, la diga sox aruru parang i xusu nap kip mu asu ne Iesu mi laxaba.

Lagale Lavavang At Ne Iesu Karisito Jon Ga Malagan I 19:17

La ne Iesu ga vas su la ga sosolok laxaba ren la gat pas uto at loxot, laasen teren, “Lavatlak Tongan.” At lavapaase Ibru, laasen teren do Golgata.

Lagale Lavavang At Ne Iesu Karisito Jon Ga Malagan I 21:19

Iesu ga tong i na xusu na lox ase ne Pita mi lanmet salai ni ba met teren kusu na lox aurut laasen at ne Moroa. La ni ga lok ti ne Pita, “Una mumu asu ia.”

Lagale Lavavang At Ne Iesu Karisito Jon Ga Malagan I 21:22

Iesu ga vorang i rin keretna, “Do nenia a vara i do neni na rooro se at lomlong tarak, nemen uta doma solo i nom. Nenu una mumu asu ia.”

Leven Gugu 14:22

Duga lox alolos lunuunu at luvuttadi nuunu, la duga vaase alolos di xusu dina tu tuxuruxun at lunuunu atnedi. Duga lok, “Nedik ataba ekip tangarang mi laxanmumuat solo, la kerepmo ataba beles at Linintoo at ne Moroa.”

Kolosi 1:24

La na nga nia a lok momo mumu levesongsongot tarak nia ap kiv i ti lok tooro nimi; la kerepmo a lox epovo levesongsongot no ne Moroa ga lok katling i ria kusu na lok tooro limixin at lotu min, mo i lok ngan labantuxu at ne Karisito.

1 Tesalonia 3:3

mila nemi mip kip levesongsongot la ma xopara i do tara atnimi na subu at lunuunu ren. Miklen i do ne Moroa ga soxolik ka nedik, kusu atap kip levesongsongot.

2 Timoti 3:12

Nedi axap di vara i xusu dina nemen mokmokso at lunuunu atdi saparap ne Iesu Karisito, dinabap kip levesongsongot.

1 Pita 2:21

La ne Moroa ga ro xaka nemi mumu i na langas at losongsongot, mila ne Karisito axa ga suma losongsongot tinemi la ga lok taba nemi mi na langas, kusu minaba mumu asu lenaim teren.