Metiu 15:22 - Madak

²² Lara latkin me Kanan mo ga nemen ap mo lenep ga vosiga ne Iesu, la ga xup lolos tin keretna, “Leeme Silok! Livisik li at ne Devit. Una balamu ia la una lok mumu be loolik tarak. Lagas i suxuna i la i lox atpospa rino i.”

Metiu 15:22 Iomraidhean Croise

Sam 4:1

O Moroa, nenu lentupe rak! Una vaase porang ia do ana sing u. Dola nia aga ekip tangarang mi levenmumuat, nenu ga lok tooro ia. Mo nga una lox asuusu lebelemumu ram tia la una ronga lising tarak.

Sam 45:12

Limixin boro Taia dinaba raba u mi leventamtaba; limixin nopnovos bok dinaba lok tong i xusu dina sat lodoxoma ram, kusu una lok tooro di.

Sam 6:2

O Leeme Silok, lengkot tarak i molo axap; una balamu ia! Una lox alolos ia, nia na ara molos axap.

Metiu 1:1

Anai ni leretere ri levenasen at lavalabat at ne Iesu Karisito, neni livisik li at ne Devit, la ne Devit neni livisik li at ne Abaram.

Metiu 15:23

Ketla Iesu goxo tong tekolinga rin. La luvuttadi loklok ka anasa ren diga vosiga ne Iesu la diga lok tin, “Una riki aonon i! Ia mumu asu dik la irak lox avurupit amisik dik.”

Metiu 17:15

La ni ga lok, “Leeme Silok. Una balamu lamdak tarak. Ing kanovot amisik mi lobomet la i ekip tangarang aleng mi laxasongsongot. La im subu tup amisik at laxao la at ladan.

Metiu 4:24

Levelinga mumu ne Iesu ga epeseves keneng at lenep silok axap Siria. Kuren la limixin diga lok kaka nedi luvuttadi digak meres mi levenasen anmeres axap, la nedi bok diga suma levesongsongot silok, la nedi luvuttadi mi lubunggas ga suxuna di, la nedi diga ruuna lanmeres diga so asen i do lobomet, la nedi labantuxu atdi ga molo axap. La ne Iesu ga lox aroo nedi axap.

Metiu 9:27

La ne Iesu ga vas kaxat la at lavatpas teren, legepu radi levengkatli atdu ga main, duga mumu i la duga toro keretna, “Livisik li at ne Devit. Una balamu nama’.”

Lagale Lavavang At Ne Iesu Karisito Luk Ga Malagan i 17:13

la diga xup keretna, “Iesu, Leeme Silok! Una balamu nama!”

Lagale Lavavang At Ne Iesu Karisito Luk Ga Malagan i 18:13

Ketla laradi loklok ka pilas ga ru paxalom lixilik la neni xopmen goxo lox aurut lemeren uto vana at laxalibet, ketla neni ga sogotu at lobongobong teren la ga lok, ‘Moroa, una balamu ia, laradi xapmek.”

Lagale Lavavang At Ne Iesu Karisito Luk Ga Malagan i 6:18

Diga vot kusu dina ronga i la ni na lox aroo nedi basinge levenanmeres atdi. Nedi bok limixin, lubunggas ga lox asongot nedi, diga vot la ni ga riki asu lubunggas basinge di.