Metiu 13:52 - Madak

⁵² La ni ga lok, “Kuren la nedi axap luvuttadi loklox ase at Lenavolo do dina mumu asu levelinga at Linintoo no vana at laxalibet, nedi di lok ngan laradi at loogu i xip asu lempanga maxat mi lempanga maut boro xeneng at loogu lili ren kusu na raba limixin min.”

Metiu 13:52 Iomraidhean Croise

Metiu 12:35

Laradi avukat ik lox asuusu lempanga nunuan ik lok at lorooro ren, ketla laradi xapmek ik lox asuusu mun lempanga xapmek ik lok at lorooro ren.

Metiu 13:51

Iesu ga sue di xeretna, “Mi xasep at na lempapaase poovo?” La diga vorang i rin keretna, “Laaba.”

Metiu 13:53

Ise ne Iesu ga vaase axap na lempapaase poovo, neni ga on basinge mo lenep,

Metiu 23:34

Kuren la aba riki lavaeme vapaase alii eburu mi luvuttadi leklen la luvuttadi loklox ase saparap nimi. Lentaba atdi miba vaxarem di at larakaba la mibap sev amet di. La lentaba atdi mibak pixis di ro xeneng at laraugu singising la miba xala su mi lentaba atdi basinge levenmenemen atdi la uto at levenmenemen petpes.

Metiu 28:19

Kuren la mina onon la mina lox ase limixin at lengkot axap kusu diba ravasu ngan luvuttadi loklok ka anasa rak; la mina sep susu di mi laasen at ne Temen dik la ne Nitna eburu bok mi Loroonan Kaala.

Lagale Lavavang At Ne Iesu Karisito Luk Ga Malagan i 11:49

Kuren la ne Moroa mi lakleklen silok teren ga lok, ‘Aba riki lavaeme vapaase alii la luvuttadi vavang, la lentaba atdi diba sev amet di la lentaba diba lox asongot di.’

Lagale Lavavang At Ne Iesu Karisito Jon Ga Malagan I 13:34

Levelinga maxat na ana raba nimi min; mina ebalamu ela xeneng atnemi xerekngan nia aga balamu nimi.

2 Korin 6:10

Keke i do ma suma lainbulu, ketla ma momo amisik mun teren; mat kis banbalo, ketla ma lox apnovos nedi limixin buaang; ma xis apkap, ketla ma rebeng kobot ka levempanga axap.

Epesas 3:4

La mo dola nemi mina us i, miba xasep at lodoxoma rak mumu mo levelinga lipe at ne Karisito.

Epesas 3:8

Nenia laradi lixilik tinedi axap limixin at ne Moroa, ketla neni ga lox asu letaba nabalamu ren tia kusu nenia ana vavang mi ne Karisito, ni i lok ngan lapnovos i silok aleng la kopmen tara i epovo na vuse ka tempanga silok kerekngan neni. La a vavang ti limixin kopmen di me Judaia,

Kolosi 1:7

Epapras ga anasa nimi mi nom letaba nabalamu; neni lagale laradi i gugu eburu minema’ la ni laradi ruturun i lok lugugu at ne Karisito ti lok tooro nimi.

Kolosi 3:16

La mina ke levelinga at ne Karisito na nemen atmatkun keneng at lorooro atnimi. Mina umsu min mo do mina lox ase la mina vaase axasep ela nimi mi lakleklen at ne Moroa. La minak pixan ti ne Moroa mi lengkompixan at ne Devit la lengkompixan at lotu la lengkompixan emi asu; la lorooro atnimi na umsu mi loklok ti tong avukat saparap ne Moroa.

1 Timoti 3:6

Laradi gomgo neni laradi mi lunuunu ren i xus pam; mila i lok kapmek do neni na lox asilox i la ni na subu beles at lebelemamao at ne Moroa, kerekngan ne Satan.

Taitas 1:9

Nedi dinam tebeng lolos levelinga ruturun at ne Iesu xerekngan nia aga lox ase vam di min. Dina nemen kuren kusu dina lox alolos lunuunu at limixin mi levelinga ik mokso, la kusu dina lox akmokso lodoxoma atnedi limixin nuunu di xopara levelinga at ne Iesu.