Metiu 13:44 - Madak

⁴⁴ La ne Iesu ga lok bok tidi, “Linintoo no vana at laxalibet i lok ngan lapnovos di lipe i ro at laxangka. La lara laradi i ven terek ka i la ni ia lipe manga i, la ni i lok momo aleng la ni ia sesep mi lempanga axap teren la neni imlong la ia un kaka mo lenep kangka axap la ia ruuna ka mo lapnovos.”

Metiu 13:44 Iomraidhean Croise

Metiu 13:24

Iesu ga tong bok lara lavapaase poovo ridi, ni ga lok, “Linintoo no vana at laxalibet i lok ngan laradi gatlotlo levenit piao avukat to at laraamang teren.

Metiu 13:46

La do ira vuse ka lara, langsangan luunun teren, neni it pas la ira sesep mi lempanga axap teren, la ni iramlong ba la ira un ka ba mo luat.”

Metiu 13:47

La ne Iesu ga lok bok tidi, “Linintoo no vana at laxalibet i lok ngan laxatkat; limixin sepsep mat di loloa min to at laras la dira sao ka laxanasen mat solo min.

Metiu 19:21

Iesu ga vorang i rin keretna, “Do u vara loklok taram nak mokso aleng, una sesep mi lempanga axap taram, la una raba lempilas at nom lempanga ri limixin banbalo la unaba ruuna ka lapnovos silok to vana at laxalibet. La una mumu asu ba ia.”

Metiu 19:27

La ne Pita ga lok tin, “Kereva ba nama, maga on basinge vam lempanga axap atnama kusu mana mumu asu u. Lempanga salai mo ne Moroa ba raba nama min?”

Metiu 19:29

La nedi axap diga on basinge laraugu atdi, luvutneton di, luvurinen di, luvuttemen di, luvutnen di, laxamdak mi laxaalik kakalik atdi, la leventaamang atdi kusu dina lok lugugu rak, nedi dinaba ruuna ka laxampanga solo la dinaba rooro amisik at lorooro melemu.

Metiu 6:21

Mina lox i xuren mila lebelen nimi nabaplivi mu mo lapnovos atnimi.”

Lagale Lavavang At Ne Iesu Karisito Luk Ga Malagan i 14:33

La ne Iesu ga lok, “Lavasuun at nai lempapaase poovo keretna; dola tara xopmen na ke xepe axap lempanga ren, neni kopmen na epovo xusu neni laradi loklok ka anasa rak.

Lagale Lavavang At Ne Iesu Karisito Jon Ga Malagan I 6:35

Iesu ga lok tidi, “Nenia lakde at lorooro. Mo do tara na vosiga ia, neni noxo roxo bok ba; la neni do i nuunu rak, neni noxo minu bok ba.

Lovoang At Ne Pol Ti Limixin Nunu to Rom 15:4

Levempanga axap ik lok at Lovoang Kaala, diga malagan i gano xusu ri lox ase nedik, kusu nedik ataba lok kaka lodoxoma voovo xeneng at Lovoang Kaala mo im taba dik mi loklox atnaasan la lavapaase tooro.

Kolosi 2:3

Neni mun lengki ti suang mo lodomdoma lipe, kusu limixin diba epovo dinaklen ka mo lodoxoma la lakleklen silok at ne Moroa.

Kolosi 3:16

La mina ke levelinga at ne Karisito na nemen atmatkun keneng at lorooro atnimi. Mina umsu min mo do mina lox ase la mina vaase axasep ela nimi mi lakleklen at ne Moroa. La minak pixan ti ne Moroa mi lengkompixan at ne Devit la lengkompixan at lotu la lengkompixan emi asu; la lorooro atnimi na umsu mi loklok ti tong avukat saparap ne Moroa.

Ibru 10:34

Miga balamu nedi digak lok at loogu xokoxo la miga lok momo mene nga do limixin diga sak paxat ka levempanga atnimi mila migaklen i do nemi xa miba ruuna lapnovos i lox avukat aleng no vana at laxalibet, mo lapnovos naba nemen amisik.

Lisilimet 3:18

Kuren la a tong lolos i na rinimi do mina un ka logol nunuan mede rak, ni logol laxao in tin pes levenbiva basinge i la imgames aleng; la kerepmo mibap novos aleng. Mina un ka bok levesingsigaara bunbun kusu miba etara pe lengkot mamangan atnimi min, kusu mi noxok lok beleben. Mina un ka bok levendan momonok kusu miba saba li i dom at lengkatli atnimi, kusu miba reven.