Metiu 13:39 - Madak

³⁹ La laradi munepen itlotlo lempivilis kapmek, neni ne Satan. Laaleng ti lok bubua limixin, i ru katling laaleng kavaxap at na lavatbung menemen; la luvuttadi gugu, nedi lubungangelo.

Metiu 13:39 Iomraidhean Croise

Metiu 12:32

La ne Moroa naba doxoma xepe tara i paase kapmek mumu ia, Laradi Mevana, ketla neni noxo doxoma xepe tara i paase kapmek mumu Loroonan Kaala, at na levenaleng la at lorooro melemu bok.

Metiu 13:22

Ti levenit piao ga subu ro at livin gagas, ni i ru katling nedi limixin di ronga levelinga, ketla dik bulu mu solo laxampanga at na lorooro, la nom labalamu atnedi ri lapnovos i itis nom levelinga la dixo pisik tempeven una.

Metiu 13:25

At laxanimin limixin axap diga unga, la lara lumunepen teren ga vot la gatlo lempivilis kapmek to xeneng at nom laraamang piao, la no nga i gara onon.

Metiu 13:28

La ni ga vorang i ridi, ‘Taradi i munepen minia ga lox i nom.’ La diga lok tin, ‘Kereva, u vara i do manat pas la mana xat kape i?’

Metiu 13:40

Lempivilis kapmek di lok bubua di la dira xotos di ro at laxao, naba lok mun kuren tinedi limixin kapmek at laaleng kavaxap at na lavatbung menemen.

Metiu 13:49

Naba lok mun kuren at laaleng kavaxap at na lavatbung menemen. Lubungangelo diba vot la dina lok ka limixin kapmek basinge limixin avukat;

Metiu 24:3

Melemu ne Iesu gat kis to at Lakaana Olip la luvuttadi loklok ka anasa xusuk teren diga vosiga i la diga sue i xeretna, “Una tong i rinama. Lingisa nom lempanga naba vot la loklok katling salai naba lok katling lovotpot taram eburu mi laxavaxap at na levenaleng?”

Metiu 25:31

La ne Iesu ga lok bok, “Do nenia, Laradi Mevana, ana vot mi lisisixam, eburu mi lubung angelo, nenia anabat kis at loxonin orong tarak mi lisisixam silok boro vana at laxalibet.

Metiu 28:20

La mina lox ase di xusu dinang tonga res at levelinga axap nenia agara tong pam i rinimi. La nenia anabak lox eburu amisik minemi naba se at laxavaxap at na lavatbung menemen.”

1 Korin 10:11

Anai levempanga ga vot saparap di i ngan lampoovo ridik ik lok at Lovoang Kaala, la i lok ngan levempapaase aronga ri nedik na, ta nemen ta at levenaleng i auret ti laxavaxap at na lavatbung menemen.

2 Korin 11:3

Ketla a marat do lavanga tara na sasar asoogong levendoxoma atnimi la mina ke xepe lunuunu lolos la lotu ruturun atnimi ri ne Karisito, kerekngan ne Iva; lisii ga xarang i mi lakleklen kapmek teren.

2 Korin 2:17

Nema maxo lok ngan nedi mo buaang lentaba di tong asu levelinga at ne Moroa xusu dina lok kaka lempilas. Ketla ma paase asu levelinga at ne Moroa mi luruturun, ma gugu at lemeren ne Moroa ngan lavaanat saxaruki at ne Karisito.

Epesas 2:2

mo ga umsu at lorooro atnimi ap mo levenaleng miga mumu asu leveloklok at na lavatkangka la levelinga at laradi gomgo, ne Satan, ik lok to vana at lamavangkap, la na loroonan kapmek i gugu keneng at limixin tongtonga xepe.

Ibru 1:2

Ketla at na levenaleng melemu at lovotpot at ne Iesu, Moroa ira paase nga ridik limixin nuunu at lungusno ne Nitna. Neni ga soxolik ka i xusu naba ruuna ka levempanga axap, la keneng at ne Iesu, ne Moroa ga rudum li levempanga axap.

Ibru 9:26

Do ne Karisito gita mumu mo loklok, neni gitaba suma amisik losongsongot, ga ru ka i at lavakpaxaru kaxat at na lavatbung menemen. Ketla at na levenaleng kavaxap, ne Karisito ga vot gesara mun kusu na raba lorooro ren ngan laplavang ti lok kepe laxakapmek la ti lox arooro dik basinge lololos at laxakapmek.

1 Pita 5:8

Mina lok tatao avukat lavatpas atnimi la mina reven avukat, atla laradi munepen atnemi neni ne Satan im booro saasaa ngan lavat laion mukmusak, la i puse ri tuvuttadi xusu neni nak lox epeseves nedi basinge ne Karisito.

Lovoang At Ne Jut 1:14

Enok ni laradi sepsev avanna melemu at ne Adam, la neni ga paase alii mumu nom luvuttadi kapmek. Ni ga lok keretna, “Mina reven avukat. Leeme Silok naba rupot eburu minedi buaang limixin dadat teren,

Lisilimet 12:9

La ne Mikael eburu mi lubungangelo ren diga lu asi mi mo lavattulaava eburu mi lubungangelo ren. Neni lavattulaava me gaxatnak, luasen teren ne Devel la ne Satan, mo i sasar asoogong limixin axap ti laxapmek; nedi diga lu asi midi ude xopok at na lavatbung menemen.

Lisilimet 13:14

La neni ga ruuna lololos ti lok levempanga sangsangu kusu na lox asilok lavatpanga sio avot, la kerepmo neni ga xarang arup limixin at na lavatbung menemen. Ni ga tong i ridi xusu dina lok lovoovo vanga ap mo lavatpanga sio avot, mo ga ruuna linin kooxing at lavarise sepsep, ketla kopmen goxo met teren.

Lisilimet 19:20

La nedi diga ranga alis lavatpanga sio eburu mi leeme vapaase alii xaxarang, mo gak lok lempanga sangsangu ri sar asoogong limixin kusu dina lox asilok laasen at lavatpanga sio. Ni ga lok mo lempanga sangsangu xusu na bala arup buaang nedi limixin la diga ruuna ka loklok katling at lavatpanga sio la diga lotu parap lavatpoovo vanga ren. La diga lu arup mi lavatpanga sio la leeme vapaase alii xaxarang, move duga rooro, ro at lemet kao, mo i tos amisik mi lasalpa.