Metiu 13:33 - Madak

³³ Melemu ne Iesu ga vaase bok di mi lara lavapaase poovo xeretna, “Linintoo no vana at laxalibet i ngan laiis. Latkin i lok ka i la i lox eburu i mi loxompalava solo kusu na lok lengkongkide min. Laiis i vubeles axap uto xeneng at loxompalava xusu na so xat.”

Metiu 13:33 Iomraidhean Croise

Metiu 13:24

Iesu ga tong bok lara lavapaase poovo ridi, ni ga lok, “Linintoo no vana at laxalibet i lok ngan laradi gatlotlo levenit piao avukat to at laraamang teren.

Lagale Lavavang At Ne Iesu Karisito Mak Ga Malagan I 13:20

La mo levenaleng ti mo levenmumuat do ne Moroa noxo lox atmur i, kopmen teta naba roo suu; ketla ne Moroa ba lox asuusu labalamu ren ti mo limixin neni gara soxolik ka vam di, la ni naba lox atmut mo levenaleng.

Lagale Lavavang At Ne Iesu Karisito Luk Ga Malagan i 13:21

I lok ngan laiis latkin i lok kaka i la ia lox eburu i mi loxompalava ise nom axap loxompalava i so xat.”

Lagale Lavavang At Ne Iesu Karisito Jon Ga Malagan I 15:2

Neni i tara xepe mo lengkakan una rak, do kopmen dina pisik. La ip sep susudun mo lengkakan una do di pisik avukat, kusu dinaba pisik aleng.

Galesia 5:9

La lere avolo i lok keretna, “Tegesa radi mene atnemi naba lok nemi la mina ekip kaxat ti langas petpes.”

Pilipai 1:6

Kuren la aklen tinotno i do ne Moroa, ni ga vaxaru ka i na lugugu nunuan keneng atnimi, neni naba lox epovo na lugugu nunuan keneng at lorooro atnimi at na levenaleng la naba se at laxavaxap at lugugu atdik at laaleng ete at ne Iesu Karisito.

Pilipai 1:9

Lisingising tarak saparap ne Moroa i lok keretna. Nenia a ngising do labalamu atnimi na sisilok, eburu mi lakleklen tuturun, la lodoxoma nunuan,

2 Pita 3:18

Ketla minak lox epasum i xusu mina susu xeneng at letaba nabalamu la lakleklen at Leeme Silok atnedik la Laradi Loklox Arooro ne Iesu Karisito. La leemi asu xusuk tin, ningina la amisik! I ruturun.