Metiu 13:23 - Madak

²³ La ti levenit piao ga subu at laxangka nunuan, ni i ru katling nedi limixin di ronga levelinga at ne Moroa la di xasep teren, la di pisik lempeven una, lentaba di visik lempeven una i epovo at legesa sangaun kobot (100) la lentaba lavanna sangaun la lentaba lavantun sangaun.”

Metiu 13:23 Iomraidhean Croise

Metiu 12:33

Luuna avukat, ni i pisik larapeven una avukat. Luuna xapmek, ni i pisik mun larapeven una kapmek; limixin di ven kibis luuna at larapeven teren i pisik asu i.

Metiu 13:8

Ketla lentaba levenit piao ga subu ro at laxangka nunuan, la diga visik; lentaba ga visik legesa sangaun kobot (100), lentaba lavanna sangaun, la lentaba lavantun sangaun.”

Metiu 3:10

Moroa mo i gagas kusu ri tara asi larauna ro xa at laraixe atdi. Larauna do kopmen dina pisik asu lempeven una nunuan, neni naba ra asi di la na lu arup midi ro at laxao.”

Metiu 3:8

Minak lok lempanga i nunuan kusu naba lox asuusu i do mira leeng basinge vam leveloklok kakapmek atnimi.

Lagale Lavavang At Ne Iesu Karisito Mak Ga Malagan I 10:15

A tong tuturun i rinimi; do nege xopmen na siam kaka Linintoo at ne Moroa xerekngan lamdak kakalik, neni noxo beles teren.”

Lagale Lavavang At Ne Iesu Karisito Mak Ga Malagan I 4:20

La ti levennit piao ga subu at laxangka nunuan, ni i ru katling limixin di ronga levelinga at ne Moroa la di siam kaka i la lempanga avukat i ravasu at lorooro atdi. Lentaba di visik lempeven una i epovo at lavantun sangaun la lentaba lavanna sangaun la lentaba legesa sangaun kobot (100).”

Lagale Lavavang At Ne Iesu Karisito Luk Ga Malagan i 13:9

La mo do na luuna na visik tevempeven una pik at na lamaares mavana, naba lox avukat; mo do kopmen, una ra asi ba i!”

Lagale Lavavang At Ne Iesu Karisito Luk Ga Malagan i 8:15

Ti levenit no ga subu ro at loxongkangka avukat, i ru katling nedi di ronga levelinga la di lok li avukar i xeneng at lebelen di la i lox avukat, la ia nemen lolos se di visik levempeven avukat.”

Lagale Lavavang At Ne Iesu Karisito Luk Ga Malagan i 8:8

La lentaba levenit piao ga subu ro at laxangka avukat; la na levenit piao ga su xat la ga visik laxampeven piao solo.” La ne Iesu ga lox axap mo lavapaase poovo la ga lok tidi xeretna, “Do mi ruuna levenbaalung, mina ronga avukat na levelinga.”

Lagale Lavavang At Ne Iesu Karisito Jon Ga Malagan I 15:16

Nemi xopmen mi goxo soxolik ka ia; nenia xa aga soxolik ka nimi xusu mina lok lugugu rak la mina visik asu tevempeven una nunuan, nom lempeven una nunuan kopmen noxop sopso, ketla naba nemen amisik. Kuren la ne Tamak naba raba nimi mi tevempanga salai mina sing tin keneng at laasen tarak.

Lagale Lavavang At Ne Iesu Karisito Jon Ga Malagan I 8:47

Laradi i laa boro at ne Moroa, neni nang tonga levelinga at ne Moroa. Nemi xopmen boro at ne Moroa, mila kopmen minang tonga levelinga ren.”

Leven Gugu 16:14

Lara atdi mo digang tonga nama, laasen teren ne Lidia, neni boro Taiataira; neni ga sesep mi lempanga singsiga nunuan. Ni latkin ga lotu saparap ne Moroa; la Leeme Silok ga suang lebelen kusu ni na siam kaka mo lavapaase at ne Pol.

Leven Gugu 17:11

Limixin me go diga lox avukat aleng mila diga siam ka levelinga atdu; di goxo ronga xepe levelinga at ne Moroa kerekngan limixin to Tesalonia. Diga ronga mo levelinga mi langsangan lomomo, la at levenaleng axap diga utus avukat levelinga at Lovoang Kaala, kusu dina ven i do levelinga at ne Pol ga ruturun.

2 Korin 9:10

Moroa im taba levenit panga ritlotlo mi levengkongkide ri anan la kerepmo neni naba raba bok nimi mi levenit axap nemi mik pakes tin la na lox asuusu i xusu miba pisik asu leven gugu nunuan i buaang aleng.

Pilipai 1:11

la lorooro atnimi nabak mokso xusu minaba visik asu levempipisik nunuan, ne Iesu Karisito naba lox asuusu i at lorooro atnimi; kerepmo lisisixam eburu mi leemi asu nabat pas ti ne Moroa.

Pilipai 4:17

At lorooro rak nia axo doma solo ri ruuna ka leventamtaba, ketla a vara i do ana ven bok tuunun tinimi mavana ap mo luunun mo i ngangais nimi ro vana.

Kolosi 1:10

Ma lok levesingising keretnom kusu lorooro atnimi ba epovo mi lavavara at Leeme Silok la kusu mina lok lempanga naba lox amomo i. Nom lempanga i lok keretna, lorooro atnimi naba pisik asu leveloklok nunuan solo, la nemi minaba lok kaka lakleklen at ne Moroa,

Kolosi 1:6

Na Lagale Lavavang i ruuna laxampipisik solo la i sat kaka limixin at na lavatbung menemen axap kusu dina nuunu at ne Iesu Karisito la dina lok leveloklok i nunuan. La kerepmo bok Lagale Lavavang i pisik kantubu atnimi, ga ru ka i ap mo laaleng miga ronga i la miga ven kibis letaba nabalamu at ne Moroa, mo letaba nabalamu i ruturun tinotno.

1 Tesalonia 4:1

Nia ana lox axap levelinga rak. Luvutnetak mi luvurinuk. Maga lox ase vam nimi mi lavatpas at limixin di nuunu xusu mina rooro avukat la mina lok mo levempanga avukat ne Moroa i vara i. Mik lox i xerepmo, ketla ma sing nimi at lemeren Leeme Silok, ne Iesu keretna; mina lolos kusu lorooro atnimi naba lox avukat axap.

2 Tesalonia 2:10

La neni naba lok leveloklok i lok kapmek kusu na xarang arup limixin mo dinaba seeve, dinaba onon uto at lemenemen songsongot mila diba ronga xepe levelinga ruturun mo im taba limixin mi loklox arooro.

Ibru 4:2

Nemi bok miga ronga Lagale Lavavang kerekngan nedi diga ronga i. Ketla mo lavavang diga ronga i, goxo lok tooro di mila di goxo nuunu ren.

Ibru 6:7

Lavapaase poovo mumu i na loklok i lok keretna. Laxantaamang do larakabu it pot amisik teren la i lox asuusu levempipisik nunuan naba lok tooro nedi di gugu i, la mo laxantaamang naba ruuna ka loklox anarong at ne Moroa.

Ibru 8:10

Nenia ne Moroa, mina ronga na levelinga. Melemu nia anaba lok lekabus maxat mi limixin me Israel. Mo lekabus naba lok keretna; nia anaba lox adoxoma di mi levelinga rak, la anaba buradong levelinga rak keneng at lebelen di. Nia anabat kis esogo midi la anabak lok tatao di ngan limixin tarak.

2 Pita 3:18

Ketla minak lox epasum i xusu mina susu xeneng at letaba nabalamu la lakleklen at Leeme Silok atnedik la Laradi Loklox Arooro ne Iesu Karisito. La leemi asu xusuk tin, ningina la amisik! I ruturun.

1 Jon 5:20

Nedik ta xasep bok pam keretna, ne Nitna ne Moroa ga rupot la ga raba vam dik mi laxasep, kusu nedik tabakleklen ne Moroa, neni laradi ruturun. Nedik dik lok at ne Moroa i ruturun la at ne Nitna, Iesu Karisito. La ne Moroa neni lavasuun at lorooro avolo.