Metiu 13:21 - Madak

²¹ Ketla ixo vubeles ukeneng at lorooro atdi; la lunuunu atdi ixo nemen abao solo. Kuren la ise do levenmumuat i vot eburu mi levesongsongot mumu levelinga at ne Moroa, lunuunu atnedi i subu soso mun.

Metiu 13:21 Iomraidhean Croise

Sam 36:3

Lavapaase ren i lok kapmek la i umsu mi laxaxarang. I ke xepe lodoxoma avukat la leveloklok i nunuan.

Metiu 10:22

Limixin axap diba belemamao nimi mila mi mumu asu ia. Ketla lara do i tu lolos keneng at levesongsongot ise at laxavaxap ap mo levenaleng, ne Moroa naba lox arooro i.

Metiu 11:6

Luvukat ti neni laradi kopmen noxo subu basinge ia la lebelen ixo lok kapmek ti na lugugu rak.”

Metiu 13:20

Ti levenit piao ga subu ro at laxanuat, lengkongkangka lixilik gak lok teren, ni i ru katling nedi limixin di ronga levelinga la soso mun di siam ka i mi lomomo.

Metiu 13:57

Kerepmo la diga sok tixirixes kepe i. La ne Iesu ga lok tidi, “Leeme vapaase alii di lok ngangao ren at lengkot axap, ketla to at lemenemen teren, limixin eburu mi libibinat teren, kopmen dina lok ngangao ren.”

Metiu 13:6

Ga se laxangking ga los su upana, ga sev amolos axap nom lempiao, mila levenixe atdi goxo si aleng ukopok la nom lempiao susu diga met axap.

Metiu 24:13

ketla do tara na tu tuxuruxun at lunuunu ren se at laxavaxap ap mo levenmaares lolos, Moroa naba lox arooro i.

Metiu 26:31

Melemu ne Iesu ga lok tidi, “Lingina at laxanimin, nemi axap minaba subu basinge ia; i lok ngan Lovoang Kaala i tong i xeretna, ‘Nia ne Moroa, anaba sep laradi loklok tatao at levesipsip la levesipsip at loxonbinam sipsip dinaba epeseves.’ Sak 13:7

Metiu 26:33

La ne Pita ga lok tin, “Keke i do nedi axap dina subu basinge u, nenia xopmen tinotno noxo subu.”

Lagale Lavavang At Ne Iesu Karisito Mak Ga Malagan I 4:17

Ketla ixo vubeles ukeneng at lorooro atdi, la lunuunu atdi ixo nemen abao solo. Kuren la ise do levenmumuat i vot eburu mi levesongsongot mumu levelinga at ne Moroa, lunuunu atnedi i subu soso mun.

Lagale Lavavang At Ne Iesu Karisito Luk Ga Malagan i 8:13

Ti levenit no ga subu ro at loxot uat, i ru katling nedi di ronga levelinga la di momo xaka i, ketla kopmen na si aleng ukeneng at lorooro atdi. Di nuunu mun at loxonatat aleng la do loklok tong pen i vot, dira subu manga.

Lagale Lavavang At Ne Iesu Karisito Jon Ga Malagan I 6:26

Iesu ga vorang i ridi xeretna, “A tong tuturun i rinimi. Mi reven pupuse ria mila miga anan levengkongkide la nemi axap miga an mais teren, ketla kopmen do miga xasep avukat at lavasuun at levempanga sangsangu nenia aga lox i.

Lovoang At Ne Pol Ti Limixin Nunu to Rom 2:7

Leventaba at limixin dik lox amisik leveloklok i nunuan, kerepmo di puse ri lisisixam mi loklok ngangao la lorooro nunuan; ne Moroa naba raba di mi lorooro avolo.

Galesia 5:6

Do nema mak lox eburu mi ne Iesu Karisito, mo leveloklok ti rivit kepe lengkontuxu kopmen lavanga silok; ixo lok petpes tinotno xantubu at taradi diga vit kepe toxontuxu ren la tara di goxo vit kepe toxontuxu ren. Ketla legesa vanga mene nga i silok aleng, neni lunuunu la labalamu i ravasu ren.

Galesia 6:12

Nedi limixin dik lok tong pen i xusu dinak sok aruru parang nemi do ri rivit kepe lengkontuxu atnemi; nedi luvuttadi dim simi aurut nedi mumu lavatpas atdi keneng at Lenavolo. La dik lok mene nga i xusu di naba sepsu basinge losongsongot mumu laxaba at ne Karisito.

Galesia 6:15

Ixo lok petpes tinotno xantubu at taradi diga vit kepe toxontuxu ren, la tara di goxo vit kepe toxontuxu ren; mo loklok kopmen lavanga silok. Ketla lavanga mene nga i silok keretna, laradi i ba gili lorooro ren kusu na lok ka lorooro maxat.

Epesas 3:17

La at lunuunu atnemi, ne Karisito naba nemen to at lebelen nimi. La a sing ne Moroa do mina umsu mi labalamu kusu lunuunu atnimi na tu lolos, kerekngan levenixe at luuna ing tanga alis laxangka la luuna ira tu lolos;

Pilipai 1:6

Kuren la aklen tinotno i do ne Moroa, ni ga vaxaru ka i na lugugu nunuan keneng atnimi, neni naba lox epovo na lugugu nunuan keneng at lorooro atnimi at na levenaleng la naba se at laxavaxap at lugugu atdik at laaleng ete at ne Iesu Karisito.

2 Timoti 1:15

Uklen i do nedi axap limixin nuunu boro at lenep silok Asia eburu mi ne Pigalas la ne Eremogenes diga on basinge vam ia.

2 Timoti 4:10

mila ne Demas, ga vara lorooro at na lavatkangka la neni ga on basinge ia la gat pas uto Tesalonia. Kresen gat pas uto Galesia, Taitas ga onon uto Dalmatia.

Jems 3:2

Nedik axap tak sak kikixin at leventaangas buaang. Ket do laradi kopmen nak lok laxakapmek at lavapaase ren, neni laradi mokmokso rinotno la ni iklen bok ti lok tatao lorooro axap teren.

1 Pita 1:5

La ne Moroa ik lok li i rinemi limixin mi ruuna lunuunu la neni ik lok tatao nemi mi lololos teren kusu ri loklox arooro, mo ne Moroa naba lox asuvos i at laxavaxap at na lavatbung menemen.

Lisilimet 2:13

Akleklen i do mik lok at lemenemen, ne Satan i nemen keneng teren ngan loorong silok. Ketla laasen tarak mim tebeng alolos i. La nemi xopmen mi goxo soxepe lunuunu atnimi ap mo levenaleng ne Antipas ga uu ren; neni ga nemen ngan laradi ruturun la laradi vapaase asu levelinga rak. Limixin at ne Satan diga sev i dom kantubu at lemenemen silok atnimi, nom ne Satan i nemen teren.