Metiu 12:46 - Madak

⁴⁶ Iesu move ga paase ri limixin la nenen mi luvutneton diga tu ro xamang, diga vara i do dina epaase min.

Metiu 12:46 Iomraidhean Croise

Metiu 1:18

Anai ni leretere ri livipisik at ne Iesu Karisito. Maria, nenen ne Iesu diga ora ka i xusu latkin ti ne Josep, ketla kovisi du goxo epot, Maria ga long lenget ka i do neni mo ga balan madak mi lololos at Loroonan Kaala.

Metiu 12:47

[Lara laradi ga lok ti ne Iesu, “Nenam eburu mi luvutnetam no di tu xamang la di vara i do dina ven u.”]

Metiu 13:55

Neni mun lamdak at ne Josep laradi xipkip gu! La ne Maria neni nenen, la ne Jems, la ne Josep, la ne Simon, la ne Judas di mun luvutneton;

Metiu 2:11

Diga beles ukeneng la diga ven lamdak eburu mi ne Maria, nenen. Diga xis tiktikbu mi lempatgulom atdi la diga milik tiding si ukopok la diga lotu saparav i. La diga suang lengkontonom atdi la diga lok letaba rin mi logol, laxadan somavak, la laxadan mi luunun silok.

Metiu 2:20

La ga lok, “Una xatu kaxat, la una lok ka lamdak eburu mi nenen, la minamlong uto at lenep silok Israel; mila mo luvuttadi diga lok do dina sev amet nom lamdak, dira met pam.”

Lagale Lavavang At Ne Iesu Karisito Mak Ga Malagan I 2:21

La ne Iesu ga tong asu lavapaase poovo ridi xeretna, “Kopmen teta na balais ka loxontamon maxat kusu na sok gatgat pe lamamara at labantamon maut; mo do neni na lox i xuren, loxontamon maxat ira lok kapmek pam la kopmen na epovo bok ba kusu ata ba lok tavanga min; la nom loxontamon maxat noxo epovo kusu na lok pe avukat lamamara at loxontamon maut.”

Lagale Lavavang At Ne Iesu Karisito Mak Ga Malagan I 6:3

Neni laradi gugu gu mene la neni ne nitna ne Maria la neni neton ne Jems, ne Joses, ne Judas, la ne Simon, nedi di nemen de la luvurinen bok di nemen de at na lemenemen.” La kerepmo limixin diga raba arulu ne Iesu.

Lagale Lavavang At Ne Iesu Karisito Luk Ga Malagan i 1:43

Tila ba la nenen Leeme Silok ira vot pasa ia, nenia latkin gamasa mene?

Lagale Lavavang At Ne Iesu Karisito Luk Ga Malagan i 2:33

Temen mi nenen lamdak duga sangu aleng ap mo levelinga at ne Simion.

Lagale Lavavang At Ne Iesu Karisito Luk Ga Malagan i 2:34

Simion ga lox anarong di la ga lok ti ne Maria xeretna, “Ana lamdak ne Moroa ga soxolik ka i xusu naba lok nedi limixin buaang me Israel diba subu la buaang bok nedi diba xatu at levelinga ren. Neni naba lok ngan loklok katling boro vana at ne Moroa la buaang nedi diba sok tixirixes i;

Lagale Lavavang At Ne Iesu Karisito Luk Ga Malagan i 2:48

Nedu lenasun duga vuse ka i, duga rakdu aleng la nenen ga lok tin, “Nuruk, tila u lok nom loklok tinama’? Nema’ lenasun mara bulu aleng mu u.”

Lagale Lavavang At Ne Iesu Karisito Luk Ga Malagan i 2:51

La ne Iesu gamlong eburu midu uto Nasaret, la neni gang tonga res amisik atdu. La nenen gam doma amisik na levelinga at ne Iesu la goxo domampe i.

Lagale Lavavang At Ne Iesu Karisito Luk Ga Malagan i 8:10

La ne Iesu ga lok tidi, “Moroa ira raba vam nimi mi lakleklen at Linintoo ren, gano ga nemen alipe; ketla tinedi limixin petpes levelinga mumu Linintoo i lok ngan mun lavapaase poovo, kusu kopmen diba xasep teren; ngan levelinga i lox asorun Lovoang Kaala i lok keretna, ‘Diba ven lugugu, ketla di noxo ven kibis i; la dinang tonga mo levelinga, ketla di noxo xasep teren.” Ais 6:9

Lagale Lavavang At Ne Iesu Karisito Jon Ga Malagan I 19:25

Leventaba lavakin diga tu auret saparap laxaba at ne Iesu; nenen, la neton, la ne Maria, latkin at ne Kliopas, la ne Maria Magdalene.

Lagale Lavavang At Ne Iesu Karisito Jon Ga Malagan I 2:1

Melemu at lavantun levenaleng, limixin diga lok leluxa loklox epot to Kena at lenep silok Galili. Nenen ne Iesu bok mo gak lok,

Lagale Lavavang At Ne Iesu Karisito Jon Ga Malagan I 2:12

Melemu at nai, Iesu eburu mi nenen la luvutneton la luvuttadi loklok ka anasa ren digat pas uto Kaprenaum, la diga nemen lixilik go at lentaba levenaleng.

Lagale Lavavang At Ne Iesu Karisito Jon Ga Malagan I 2:5

Nenen ne Iesu ga lok ti mo luvuttadi gugu, “Mina mumu asu levempanga salai do neni na tong i rinimi.”

Lagale Lavavang At Ne Iesu Karisito Jon Ga Malagan I 7:10

Melemu at luvutneton digat pas uto at leluxa, Iesu bok gat pas. Kusuk mun neni goxot pas asuvos, ni gat pas epep mun kusu limixin di noxoklen i do neni mo gak lok ap mo leluxa.

Lagale Lavavang At Ne Iesu Karisito Jon Ga Malagan I 7:3

Luvutneton ne Iesu diga lok tin, “Una vas kaxat basinge na loxot, la unat pas uto Judaia ti mo leluxa, kusu luvuttadi loklok ka anasa ram diba ven levempanga sangsangu uba lox i.

Lagale Lavavang At Ne Iesu Karisito Jon Ga Malagan I 7:5

Diga tong asu i na mila kopmen tara atdi luvutneton ne Iesu ga nuunu ren.

Leven Gugu 1:14

Digat pot eburu amisik mi lentaba lavakin la ne Maria nenen ne Iesu mi luvutneton ngan loxonbinam tadi xusu dina ngising.

1 Korin 9:5

La kereva, i epovo do ana lok kaka tatkin nuunu eburu minia at levempatpas tarak, kerekngan mun lentaba luvuttadi vavang, la luvutneton ne Iesu, la ne Pita dik lox i?

Galesia 1:19

La nenia a goxo ven tu ap mo lentaba lavaun pavang bok, ketla ne Jems kusuk mene nga, neni neton Leeme Silok.