Metiu 12:25 - Madak

²⁵ Ketla ne Iesu gaklen levendoxoma atdi la ni ga tong lavapaase poovo ridi xeretna, “Dola tubungmixin di epes di ri lengkon binam tadi, la dia esep eburu minedi xa, letuna atdi kopmen noxo lok nunuan; la limixin at legese menemen kopla loxoetemen do di epes di kusu ri esep, dinabat kis epeseves.

Metiu 12:25 Iomraidhean Croise

Sam 139:2

Ukleklen axap mo lempanga nia ak lox i; uk lok paxalom tino, ketla ukleklen axap levendoxoma rak.

Metiu 9:4

Iesu gaklen levendoxoma atdi la ga lok tidi xeretna, “Tila levendoxoma atnimi i umsu mi laxapmek mumu na lavanga?

Lagale Lavavang At Ne Iesu Karisito Mak Ga Malagan I 2:8

La soso mun ne Iesu ga doxoma xisip nom levendoxoma atdi la ga lok tidi xeretna, “Tila nemi mi doxoma ekarakat mumu i na levelinga rak?

Lagale Lavavang At Ne Iesu Karisito Jon Ga Malagan I 21:17

La ne Iesu ga sue sev avantun box i xeretna, “Simon, lamdak at ne Jon. Kereva, u balamu ia?” La ne Pita ga lok tuntun mila ne Iesu ga sue sev avantun box i, ‘Kereva, u balamu ia?’. La ni ga lok ti ne Iesu, “Leeme Silok, ukleklen lempanga axap, uklen i do nia a balamu u.” La ne Iesu ga lok tin, “Una raba luxa levesipsip tarak.

1 Korin 2:11

At lorooro at laradi, loroonan axa ren ikleklen lempanga i nemen keneng at lorooro ren; la kerepmo Loroonan Kaala mun at ne Moroa ikleklen avukat ne Moroa.

Galesia 5:15

Ketla do minap tuvuk ngan lempanga mi lavanuet lengkangkedek atdi la minak lox asongot ela axa nemi, mina memek avukat, atla lavanga mina eso reles.

Ibru 4:13

Kopmen tevempanga at na lavatbung menemen axap i epovo na nemen alipe at lemeren ne Moroa. Neni ne Pen Axasep la i reven leveloklok axap at limixin dim doma i xopla dim suma i, la neni naba lok li limixin at lavapaase mumu mo leveloklok.

Lisilimet 16:19

La mo lemenemen silok ga epeseves ti lavantun levengkot la mo levenmenemen silok at na lavatbung menemen ga rem utut axap. La ne Moroa ga doma asu laxapmek at limixin to at lemenemen silok, Babilon, la neni ga lox asuusu lebelemamao silok teren ti mo limixin.

Lisilimet 2:23

La aba sev amet bok laxamdak teren. La limixin axap di nuunu dibaklen i do nenia ne Penasiak, aklen lorooro at limixin axap la aba vorang laxakapmek atnemi mi levesongsongot i epovo at loklok at legetgesa radi.