Metiu 11:28 - Madak

²⁸ Nemi axap mik sak saaban mi laxanaknixip keneng at lorooro atnimi, mina vosiga ia, la aba raba nimi mi loklox amas.

Metiu 11:28 Iomraidhean Croise

Sam 116:7

Labalak, una nuunu saga at Leeme Silok, mila Leeme Silok irak lok pam lempanga nunuan tia;

Sam 32:4

At levenaleng kangking la kanimin, nenu Leeme Silok ugap sev aleeng ia; kuren la lolos tarak gara ravasu axap pam, ik lok ngan laxangking at lamaares ik lox avatmang laxangka.

Sam 38:4

Laxakapmek tarak i umsu ngan ladan kam la i epovo ana xong keneng teren; i lok ngan laknixip silok i mumuat aleng tia rip kiv i.

Sam 94:13

Uk lox amamana i basinge levenaleng at levenmumuat, ise at laaleng di xe lavatmet tik lixo luvuttadi dik lok laxapmek.

Metiu 11:29

Mina siam ka loklok tarak la mina ronga ka levenanasa rak; mila lorooro rak i umsu mi loklok mulus mene, kuren la miba lok ka loklox amas ti labaroonan atnimi.

Metiu 23:4

Dim taba limixin mi laxantaangas solo, i lok ngan di koxo li lara aknixip doxodok at limixin, la i mumuat aleng kusu dinap kiv i, ketla nedi xa kopmen dinak lok tooro limixin kusu rip kip mo levenaknixip.

Lagale Lavavang At Ne Iesu Karisito Jon Ga Malagan I 6:37

Nedi axap ne Tamak i raba ia midi, dinaba vosiga ia. La do tara na vosiga ia, nenia noxo sok tixirixes i.

Lagale Lavavang At Ne Iesu Karisito Jon Ga Malagan I 7:37

At laaleng kavaxap ap mo leluxa ni laaleng silok. At mo laaleng, ne Iesu ga ru upana la ga xup lolos keretna, “Do tara go i minu, neni na vosiga ia la na inin.

Leven Gugu 15:10

Kuren la nemen dik ta lok tong pen ne Moroa la nemen dik ta raba limixin nuunu mi na lumumuat ti rivit kepe lengkontuxu kusu dina lox epovo Lenavolo at ne Moses; mila no migo lavalabat atdik la nedik ta goxo epovo ri lox epovo na Lenavolo.

Leven Gugu 20:35

At lempanga axap nia aga lox i, aga lox ase nimi do mina lolos kusu mina lok tooro mo limixin banbalo. Mina lox i xuren mila ne Iesu ga lok keretna, ‘I lox avukat do tara i lok kaka levempanga, ketla i lox avukat aleng do tara na raba levempanga ri laradi vetpes.”

Galesia 5:1

Nedik di sepmus tinotno, mila ne Karisito gara lox asepmus pam nedik basinge leveloklok la leventaangas at Lenavolo. Kuren la mina tu lolos at lunuunu atnimi, la mi guta ke xepe bok ba lorooro atnemi la nak lok ngan manga lavaanat saxaruki at Lenavolo.

2 Tesalonia 1:7

La neni naba lok kepe levesongsongot basinge nimi la atnema bok ap mo laaleng Leeme Silok, ne Iesu naba si ukopok boro vana at laxalibet. Neni ba vot eburu mi lubungangelo lolos teren la lisisixam silok, naba soosoo ngan laxao bokbolot.

Ibru 4:1

Lumusaragu move i rem suang kusu ri pubeles ti mo loxot loklok mamas teren; kuren la mina lok tatao avukat nimi xusu teventaba atnimi di noxo subu kot ti mo loklok mamas.

Lisilimet 22:17

Loroonan Kaala eburu mi latkin epot maxat du lok keretna, ‘Ude nimi.’ La nedi di ronga i na, dina lok bok keretna, ‘Ude nimi.’ Do nege i minu, i epovo do neni na rupot, la nege i vara ladan tooro, neni na lok ka i, mila kopmen tuunun teren.”