Metiu 11:23 - Madak

²³ La nemi limixin me Kaprenaum. Mi vavara i do mina silok ti limixin axap, ketla ne Moroa ba sok gingin asi minimi uto at lemenemen songsongot. Mo lempanga sangsangu, aga lox i dom kantubu atnimi, mo do nia gita lox i ro Sodom, nedi gitaba leeng basinge laxakapmek atdi la ne Moroa gitoxo sele utut kape mo lemenemen.

Metiu 11:23 Iomraidhean Croise

Metiu 10:15

A tong tuturun i rinimi do at laaleng ete, ne Moroa naba lox asuusu lumumuat ti limixin boro Sodom la Gomora, ketla neni naba lox asuusu lumumuat silok tinotno ri limixin ap mo lemenemen tongtonga xepe!”

Metiu 16:18

Nia a tong i ru do, nenu ne Pita la nenu Luat Kis la nia aba vaxaru ka lotu rak to mavana ram, la limixin lolos at ne Satan diba lok tong i kusu dina sele utut kepe i, ketla di noxo epovo.

Metiu 17:24

Iesu eburu mi luvuttadi loklok ka anasa ren diga rupot to Kaprenaum, la luvuttadi loklok ka pilas diga vosiga ne Pita la diga sue i, “Kereva, laradi loklox ase ram i kepe pilas bok ti loogu laplavang?”

Metiu 4:13

Neni goxo nemen to Nasaret, ketla gat pas la ga nemen to Kaprenaum, lemenemen gak lok saparap lavatdan kis Galili at lapdopdo at lunep kangka Sebulon la Napitali.

Metiu 8:5

Iesu ga vubeles at lemenemen Kaprenaum, la lara laasesep at limixin esep boro Rom ga vot posiga i la ga sing i ri loklok tooro xeretna,

Lagale Lavavang At Ne Iesu Karisito Luk Ga Malagan i 10:15

La nemi limixin to Kaprenaum! Mi vavara i do mina silok ti limixin axap, ketla ne Moroa ba sok gingin asi minimi uto at lemenemen songsongot!”

Lagale Lavavang At Ne Iesu Karisito Luk Ga Malagan i 14:11

Lavasuun at na lavapaase poovo i lok keretna; do nege i lox asilox i, ne Moroa ba lox alixilix i, la do nege i lox alixilix i, ne Moroa ba lox asilox i.”

Lagale Lavavang At Ne Iesu Karisito Luk Ga Malagan i 16:23

Neni ga suma aleng langsangan losongsongot to Edesa, la ni ga milik aurut la ga ven ne Abaram gak lok paxalom tinotno, eburu mi ne Lasaro go saparav i.

Lagale Lavavang At Ne Iesu Karisito Luk Ga Malagan i 4:23

Ni ga lok tidi, “A lok do miba tong asu i na lavapaase poovo ria, ‘Laradi sangsanga, una lox aroo xa u.’ La miba lok bok tia, ‘Una lok mo lempanga sangsangu nade at lemenemen taram i ngan ta ugak lox i ro Kaprenaum.”

Leven Gugu 2:27

mila nenu, ne Moroa noxo ke xepe loroonan tarak keneng at lolos at lanmet. La u noxo ke xepe Lanarong taram la labantuxu ren napso.

Leven Gugu 2:31

Devit ga ven pam umelamgo ri lavanga salai ne Moroa naba lox i; kuren la ni ga paase mumu laxakatu kaxat amlong at Lanarong. Ni ga lok, ‘Loroonan teren noxo nemen to at lemenemen at labarongan; la labantuxu ren noxopso.’

Lovoang At Ne Jut 1:7

La kerepmo bok limixin diga nemen to at lumenemen Sodom la Gomora la to bok at levenmenemen gak lox auret ti mo lumenemen. Diga lok laxakapmek maxamang at lixitkis epot la lengkot mamangan kerepmo. Monga nedi di nemen keneng at laxao bokbolot naba nemen amisik, la anai neni lavapaase aronga ri limixin axap.

Lisilimet 1:18

Nenia mun lorooro. Aga met pam, ketla na nga a ruuna ka lorooro kopmen taxavaxap teren. La a ruuna bok lololos mavana at lanmet kusu ana suang lumusaragu at lanmet, la a ruuna lololos mavana at lanmet la a lok tatao lumusaragu ro Edesa.

Lisilimet 11:8

La lubantuxu atdu nabak midi ro at langas ap mo lemenemen silok, ap mo mun loxot Leeme Silok atdu ga met at laxaba ve. Luasen poovo ap mo lemenemen ne Sodom la ne Isip.

Lisilimet 20:13

La nedi limixin diga met to at laras la nedi bok limixin diga met la diga nemen to Edesa, la limixin axap diga met, diga tu ro melamgo at ne Moroa la neni ga ila mumu loklok atdi la diga lok ka luunun ga epovo mi leveloklok digara lok pam i.

Lisilimet 6:8

La nia aga milik kaxat, la aga ven lara lavaros ga ngangan la mo laradi gat kis teren, laasen teren ne Lanmet; la lara ga mumu ro melemu, laasen teren ne Edesa. La duga lok ka lololos mavana at lenep i sepsev avanuet at limixin axap at na lavatbung menemen, kusu duna sev amet di keneng at levenesep silok; la loroxo la levenanmeres silok la levempanga mi lavanuet kangkedek atdi diba sev amet bok limixin.