Metiu 11:11 - Madak

¹¹ La ne Iesu ga lok bok, “Nia a tong tuturun i rinimi, Jon laradi sep susu, neni i silok aleng tinedi limixin axap at na lavatbung menemen; ketla do tara i lok ngan laradi gamasa la neni lanat at Linintoo no vana at laxalibet, ni i silok ti ne Jon.

Metiu 11:11 Iomraidhean Croise

Sam 51:5

Nia aga xapmek, tu ka xa i at laaleng diga visix ia ren; kovisi ne naga ga visix ia nia agara xapmek pam.

Metiu 11:10

Jon neni laradi mo Lovoang Kaala ga paase mumu i. Moroa ga lok keretna, ‘Laradi vapaase rak, anaba riki amgo i ru kusu na lox agagas li langas tu.” Mal 3:1

Metiu 11:12

Ga ru ka i at laaleng ne Jon ga vavang kaxat, i se at na laaleng lingina, Linintoo no vana at laxalibet gat pot mi lololos, ketla i ekip tangarang mi limixin kapmek di lolos kusu dina ru pe i.

Metiu 3:1

Buaang levenmaares gara volo, la ne Jon, laradi sep susu ga ru asuvos to at lamatbin at lenep silok Judaia la ga ru ka lugugu teren.

Metiu 3:11

La ne Jon ga lok bok, “A sep susu nemi mi ladan kusu mina lox asuusu i do mira leeng pam basinge leveloklok kakapmek atnimi; ketla lara mo naba mumu bok ba rak. Neni naba sep susu nimi mi Loroonan Kaala la laxao ri limixin tongtonga xepe. Lololos teren i volo lololos tarak. Axo epovo kusu anap kip luvanga vatpas teren mila i silok aleng tia.

Metiu 5:19

Kuren la, do tara i los polo tamangkot lixilik at Lenavolo, la ia lox ase lentaba vetpes do dina los polo box i, neni naba lixilik tinotno at Linintoo no vana at laxalibet. Do tara i ronga res at Lenavolo, la ira lox ase bok lentaba vetpes kusu dina ronga res teren, neni naba silok to at Linintoo no vana at laxalibet.

Lagale Lavavang At Ne Iesu Karisito Luk Ga Malagan i 1:15

mila neni naba silok tinotno at lemeren ne Moroa. Nemen mo lamdak guta inin taxadan vaen la taxadan lolos. Ap mo laaleng nenen na visix i, neni naba umsu mi Loroonan Kaala.

Lagale Lavavang At Ne Iesu Karisito Luk Ga Malagan i 7:28

La ne Iesu ga lok bok, “A tong i rinimi do ne Jon neni i silok aleng tinedi limixin axap at na lavatbung menemen; ketla do tara i lok ngan laradi gamasa la neni lanat at Linintoo at ne Moroa, neni i silok aleng ti ne Jon.”

Lagale Lavavang At Ne Iesu Karisito Luk Ga Malagan i 9:48

la ga lok tidi “Do nege i lok loklok nunuan keneng at laasen tarak ti na lamdak kakalik, neni i lok loklok nunuan tia; la do nege i lok loklok nunuan tia, neni i lok loklok nunuan ti ne Moroa, neni ga riki ia. Mila do nege i lixilik tinotno xantubu atnemi axap, neni i silok tinotno.”

Lagale Lavavang At Ne Iesu Karisito Jon Ga Malagan I 1:15

Jon ga vavang min la ga xup lolos ti limixin keretna, “Neni na laradi nenia aga paase alii mumu i. Aga vaase xeretna, ‘Laradi mo naba vot melemu rak, neni i silok aleng tia, mila neni ga rooro avot tia.”

Lagale Lavavang At Ne Iesu Karisito Jon Ga Malagan I 1:27

Neni mo naba vot melemu rak, ketla nenia axo epovo xusu ana soxomus luvanga vatpas teren mila i silok aleng tia.”

Lagale Lavavang At Ne Iesu Karisito Jon Ga Malagan I 10:41

Buaang nedi limixin diga vot pasa i, la diga lok, “Jon goxo lok tevempanga sangsangu xeretna, ketla levelinga axap, ne Jon ga paase mumu na laradi min ga ruturun.”

Lagale Lavavang At Ne Iesu Karisito Jon Ga Malagan I 3:30

Neni naba silok aleng tia la nia aba lixilik tin.”

Lagale Lavavang At Ne Iesu Karisito Jon Ga Malagan I 5:35

Jon ga tong asu levelinga at ne Moroa la kerepmo ni ga lok ngan lababao i lox asu laxasep, la at leventaba leven gaaling miga lok momo ren.

Lagale Lavavang At Ne Iesu Karisito Jon Ga Malagan I 7:39

Iesu ga vaase i na mumu Loroonan Kaala. Nedi diga nuunu at ne Iesu, diga ruuna ka i. Ap mo levenaleng ne Moroa goxovisi raba Loroonan Kaala, mila ne Iesu goxovisi urut uto vana ri lixitkis orong teren.

1 Korin 15:9

La nenia a lok ngan laradi gamasa maxopok atnedi luvuttadi vavang. Kopmen ana epovo xusu limixin dina tong ia do laradi vavang, mila nia agap sev asongot limixin nuunu at ne Moroa.

1 Korin 6:4

Kuren la mina lok katling teventaba at lotu xusu dina ila mumu loklok atnimi mo do teven ekarakat na vot kantubu atnimi. I epovo do nedi luvuttadi mene xuren at lotu dina xip ka mo lugugu mila maxeneng at na diba lox avukat ti laradi maxamang at lotu.

Epesas 2:3

Nedik axap taga nemen kuren, taga lok lempanga kusu ri lox amomo mun lodoxoma la labantuxu atdik, mo ga umsu mi lavavara kapmek at lorooro maut. La nedik taga nemen maxopok at lebelemamao at ne Moroa kerekngan nedi.

Epesas 3:8

Nenia laradi lixilik tinedi axap limixin at ne Moroa, ketla neni ga lox asu letaba nabalamu ren tia kusu nenia ana vavang mi ne Karisito, ni i lok ngan lapnovos i silok aleng la kopmen tara i epovo na vuse ka tempanga silok kerekngan neni. La a vavang ti limixin kopmen di me Judaia,

2 Timoti 1:10

Ketla ne Iesu Karisito ga rupot pam de at na lavatbung menemen, la ga lox asuusu vam nom letaba nabalamu ren ngan Laradi Loklox Arooro atdik la ni ga lox axap lololos at lanmet. La at na levelinga at Lagale Lavavang ni ira lox asuusu vam lorooro avolo.

Ibru 11:40

Moroa ga lox agagas lekabus maxat kusu neni na lox adadat dik. La kerepmo bok neni ga lox adadat nedik eburu minedi na limixin digap kip laxasongsongot.

1 Pita 1:10

La luvuttadi vapaase alii diga terea mumu avukat tinotno levelinga mumu mun i na loklox arooro, nedi diga vaase alii mi letaba nabalamu no ne Moroa im taba nemi min.