Metiu 10:23 - Madak

²³ Do dina lox asongot nimi at tara temenemen, mina sixiro uto at tara temenemen petpes. A tong tuturun i rinimi do nenia, Laradi Mevana, anaba vot la kovisi mi noxo lok axap lugugu atnimi ap mo laramenemen at lenep silok Israel.

Metiu 10:23 Iomraidhean Croise

Metiu 16:27

Nenia, Laradi Mevana, mo anaba vot mi lisisixam silok at ne Tamak la eburu mi lubungangelo, la ap mo laaleng limixin axap dinaba lok kaka luunun i epovo mi leveloklok diga lox i.

Metiu 16:28

La a tong tuturun i rinimi do lentaba atdi di tu de, di noxo met avot ti lovotpot tarak at laaleng nenia, Laradi Mevana, anaba vot ngan Loorong Silok.”

Metiu 2:13

Se mo luvuttadi leklen diga vas kaxat pam, laangelo at Leeme Silok ne Moroa ga vot parap ne Josep keneng at loromtobo la ga lok, “Una xatu kaxat la una lok kaka lamdak eburu mi nenen la mina sixiro uto Isip, la mina nemen go se nenia aba tong i rinimi do mina on basinge mo lenep, mila ne Erodes mo naba reven pupuke ri lamdak kusu na sev amer i.”

Metiu 23:34

Kuren la aba riki lavaeme vapaase alii eburu mi luvuttadi leklen la luvuttadi loklox ase saparap nimi. Lentaba atdi miba vaxarem di at larakaba la mibap sev amet di. La lentaba atdi mibak pixis di ro xeneng at laraugu singising la miba xala su mi lentaba atdi basinge levenmenemen atdi la uto at levenmenemen petpes.

Metiu 23:36

Nia a tong tuturun i dola na loola di rooro lingina dinaba xip tutu mi na laxakapmek axap atnedi luvuttadi sepsep tadi.”

Metiu 24:27

mila nenia, Laradi Mevana, anaba vot soso ngan lavanga i mam to at levengkot axap, i tara koxorop lara takabu de vana at laxalibet.

Metiu 24:30

Ap mo laaleng loklok katling tarak, Laradi Mevana naba vot asuvos to vana at laxalibet, la limixin at levennep axap at na lavatbung menemen dinabak saxaanu. Dinaba ven ia, Laradi Mevana, anaba vot at loxontakabu mi langsangan lololos la lisisixam silok.

Metiu 24:34

Nia a tong tuturun i rinimi. Limixin at na loola di rooro lingina di noxo met se na lempanga na ravasu.

Metiu 24:48

Ket do nom laradi neni laradi xapmek la i lok, ‘Leeme silok tarak noxomlong soso.’

Metiu 25:13

La ne Iesu ga lok tidi, “Mina gagas avukat, mila mi xoklen laaleng kopla loxonatat aleng at lovotpot tarak, Leeme Silok atnimi.”

Metiu 26:64

La ne Iesu ga lok, “I ruturun, nenia vam. Ketla nia a tong i rinimi. Melemu minaba ven ia, Laradi Mevana, anabat kis saparap lekngen tino ne Moroa i lolos aleng, la anaba vot at loxontakabu boro vana at laxalibet.”

Metiu 4:12

Se ne Iesu ga ronga i do ne Jon mo diga lok li i at loxokoxo, neni ga vas kaxat bilong uto Galili.

Lagale Lavavang At Ne Iesu Karisito Mak Ga Malagan I 13:26

La ap mo levenaleng limixin dinaba ven ia, Laradi Mevana, to vana at loxontakabu. Nenia anaba rupot mi langsangan lololos la lisisixam silok.

Lagale Lavavang At Ne Iesu Karisito Luk Ga Malagan i 18:8

A tong i rinimi do, neni naba ronga linga atdi la soso mun na lox epovo i. Ket do Laradi Mevana nabamlong ude at lavatbung menemen, kereva, nenia anaba long lenget ka limixin di nuunu?”

Lagale Lavavang At Ne Iesu Karisito Luk Ga Malagan i 21:27

Ap mo levenaleng limixin diba ven ia, Laradi Mevana, anaba vot at loxontakabu mi langsangan lololos mi lisisixam.

Lagale Lavavang At Ne Iesu Karisito Jon Ga Malagan I 7:1

Melemu at nai, Iesu gat pas at levenmenemen to Galili; ni goxo vara i xusu nat pas to Judaia, mila luvuttadi amgomgo diga vara i xusu dina sev amer i.

Leven Gugu 17:10

Ap mo mene laxanimin luvuttadi nuunu diga riki ne Pol mi ne Sailas uto Beria. Duga rupot, la at laaleng kaala dugat pas uto at loogu singising at lubungmixin me Judaia.

Leven Gugu 17:14

La soso mun luvuttadi nuunu diga sak tiki ne Pol uto loxon, kusu na mu lavattaaxup; ketla Sailas mi ne Timoti duga nemen go Beria.

Leven Gugu 20:1

Melemu at leedak gara xap pam, Pol ga xup bubua ka luvuttadi nuunu, la ni ga vaase loklok tooro rinedi la diga xaduk aonon i. La ni ga on basinge nedi la gat pas uto Masadonia.

Leven Gugu 8:1

La ne Sol ga mulus ap mo laniu at ne Stiven. Ap mo mun laaleng luvuttadi nuunu ro Jerusalem diga vaxaru ka i xusu dina suma ka laxasongsongot silok. Luvuttadi nuunu diga epeseves at lengkot axap Judaia la Samaria, ketla luvuttadi vavang diga nemen to Jerusalem.