Metiu 10:2 - Madak

² Ni levenasen atnedi na lasangaun legepura luvuttadi vavang; avot tinotno ne Simon (laasen bok teren ne Pita), la ne Endru neni neton; la ne Jems eburu mi neton laasen teren ne Jon, nedu lumdak at ne Sebedi;

Metiu 10:2 Iomraidhean Croise

Metiu 17:1

Melemu at lavanna levenaleng Iesu ga sat kaka ne Pita, Jems du lueton mi ne Jon, la diga urut uto vana xasep at lakaana. Nedi lavanuet kusuk mun digak lok.

Metiu 20:20

Melemu latkin at ne Sebedi ga vot parap ne Iesu mi lumdak teren; la ni ga xis tiktikbu mi luvatgulom teren to melamgo at ne Iesu, la ga vara sing i mi tara tavanga.

Metiu 26:37

La ni ga lam ka ne Pita mi lumdak at ne Sebedi, la lainbulu silok ga suxuna lorooro ren.

Metiu 4:18

At lara laaleng Iesu gat pas saparap lavatdan kis Galili, neni ga ven lueton; nedu luradi sepsep mat, Simon (laasen bok teren ne Pita) la neton laasen teren ne Endru; duga loloa mi laxatkat to at lavatdan kis.

Metiu 4:21

Neni ga vas mu manga loloxon la ga ven manga lara lueton petpes, Jems mi ne Jon, lunitna ne Sebedi. Dugak lok go at lesepang eburu mi ne temen du ne Sebedi. Digak lox agagas li levengkatkat atdi. La ne Iesu ga ro xaka du.

Lagale Lavavang At Ne Iesu Karisito Mak Ga Malagan I 1:29

La ne Iesu ga vas su at loogu singising la soso mun nedi mi ne Jems la ne Jon diga vubeles at loogu at ne Simon la ne Endru.

Lagale Lavavang At Ne Iesu Karisito Mak Ga Malagan I 13:3

La melemu ni gat kis eburu mi luvuttadi loklok ka anasa ren to at Lakaana Olip. Diga reven loogu laplavang ga tu ro at lakaana vetpes. Pita la ne Jems la ne Jon la ne Endru, nedi xusuk digak lok mi ne Iesu la diga sue ne Iesu xeretna,

Lagale Lavavang At Ne Iesu Karisito Mak Ga Malagan I 6:30

La luvuttadi vavang at ne Iesu digamlong ta la diga tong asu lempanga axap diga lox i la levelinga diga anasa limixin min.

Lagale Lavavang At Ne Iesu Karisito Luk Ga Malagan i 11:49

Kuren la ne Moroa mi lakleklen silok teren ga lok, ‘Aba riki lavaeme vapaase alii la luvuttadi vavang, la lentaba atdi diba sev amet di la lentaba diba lox asongot di.’

Lagale Lavavang At Ne Iesu Karisito Luk Ga Malagan i 22:14

Se at loxonaleng ti anan, Iesu ga xis eburu mi luvuttadi loklok ka anasa ren.

Lagale Lavavang At Ne Iesu Karisito Luk Ga Malagan i 22:8

La ne Iesu ga riki ne Pita mi ne Jon mi levelinga xeretna, “Munat pas la muna lox agagas li leveluxa ri Lovovolo Pe xusu ridik ti anan.”

Lagale Lavavang At Ne Iesu Karisito Luk Ga Malagan i 9:10

Luvuttadi vavang digamlong la diga tong i ri ne Iesu leven gugu axap diga lox i. Neni ga sat kaka di eburu min la nedi xusuk mun diga vas kaxat uto at lara lemenemen, laasen teren Betsaida.

Lagale Lavavang At Ne Iesu Karisito Jon Ga Malagan I 12:22

Pilip gat pas la ga tong i ri ne Endru, la nedu buru dugat pas la duga tong i ri ne Iesu.

Lagale Lavavang At Ne Iesu Karisito Jon Ga Malagan I 13:23

La lara atdi, no ne Iesu ga vavara aleng tino i, gat kis saparap tinotno ne Iesu.

Lagale Lavavang At Ne Iesu Karisito Jon Ga Malagan I 20:2

Ni ga sixit kaxat la ga vosiga ne Simon Pita la lara laradi loklok ka anasa bok, ne Iesu ga vavara aleng tin, la ga lok tidu xeretna, “Dira lok ka vam Leeme Silok boro at lamaaut la dik dixoklen i do di lok li i ua.”

Lagale Lavavang At Ne Iesu Karisito Jon Ga Malagan I 21:2

At lara laaleng ne Simon Pita, la ne Tomas, laasen bok teren ne Didimas, la ne Natanael boro Kena at lenep silok Galili, la lumdak at ne Sebedi, la lara laradi loklok ka anasa bok digak lox eburu.

Lagale Lavavang At Ne Iesu Karisito Jon Ga Malagan I 21:20

Pita ga rem gili la ga ven i do mo laradi loklok ka anasa ne Iesu ga vavara aleng i, ga mumu asu du. Neni mo lara ga sep sogo at lobongobong at ne Iesu at laanan kaala la ga lok tin, “Leeme Silok, nege ba song araba u ri limixin kapmek?”

Lagale Lavavang At Ne Iesu Karisito Jon Ga Malagan I 21:24

Mo laradi loklok ka anasa ga ven na lempanga la ga malagan levelinga at na lubuk, la maklen i do levelinga ren i ruturun.

Lagale Lavavang At Ne Iesu Karisito Jon Ga Malagan I 6:67

La ne Iesu ga sue lasangaun mi legepura luvuttadi loklok ka anasa ren keretna, “La nemi bok mi vara i do minamlong?”

Lagale Lavavang At Ne Iesu Karisito Jon Ga Malagan I 6:70

Iesu ga lok tidi, “Nia aga soxolik ka nemi lasangaun mi legepura ngan luvuttadi loklok ka anasa rak. Ketla legesara atnimi ni lamdak at ne Satan.”

Lagale Lavavang At Ne Iesu Karisito Jon Ga Malagan I 6:71

Iesu ga tong asu i na mumu ne Judas, lamdak at ne Simon Iskariot; Judas neni lara atnedi lasangaun mi legepura luvuttadi loklok ka anasa, la ga song araba ne Iesu ri limixin kapmek.

Lagale Lavavang At Ne Iesu Karisito Jon Ga Malagan I 6:8

Laradi loklok ka anasa at ne Iesu, laasen teren ne Endru, neton ne Simon Pita ga lok,

Leven Gugu 1:13

Diga vubeles uto xeneng at lemenemen silok Jerusalem la diga vubeles uto vana at loogu diga nemen teren; Pita, Jon, Jems la ne Endru, Pilip la ne Tomas, Batolomiu la ne Metiu, Jems nitna ne Alpias, Simon neni at lubungmixin me Selot; la ne Judas nitna ne Jems.

Leven Gugu 1:26

La diga ekampoovo mi levenuat la mo luat at ne Matatias ga subu avot to at laxangka, kuren la ni ga vubeles eburu minedi lasangaun legesara xusu rip kip mo lugugu.

Leven Gugu 12:2

Neni ga ra korop laxaka at ne Jems, neton ne Jon mi lavarise sepsep.

Leven Gugu 3:1

At lara laaleng Pita mi ne Jon dugat pas uto vana at loogu laplavang kusu duna lok lising at lavantun konaleng ukantinao, i ngan leme Judaia digak lox amisix i.

1 Korin 15:7

La melemu neni ga ru asuvos ti ne Jems la tinedi bok luvuttadi vavang axap.

Epesas 4:11

Neni vam ga raba leventamtaba ri limixin teren. Ni ga soxolik ka lentaba ri gugu ngan luvuttadi vavang la lentaba ri gugu ngan luvuttadi vapaase alii. Lentaba diga lok ka lugugu ngan luvuttadi vapaase asu levelinga at ne Moroa, la lentaba ri gugu ngan luvuttadi loklok tatao lotu la lentaba ti lox ase limixin mi levelinga at ne Moroa.

Ibru 3:1

Luvutnetak mi luvurinuk. Nemi bok lavaanat soxolik at ne Moroa mo ga ro ka vam nimi ngan limixin teren. Kuren la mo levempanga ne Iesu gak lox i, ni na veve mam pixan amisik tidik. Iesu, neni Luun Pavang la Lamaasa Gomgo. La na nedik dira nuunu ren.

1 Pita 1:1

Nenia ne Pita luun pavang at ne Iesu Karisito. Nia a malagan na lovoang tinemi limixin soksoxolik at ne Moroa; mi lok ngan limixin kadiong ti na lavatbung menemen la mik lox epeseves to at levennep taba ro Pontas, Galesia, Kapadosia, Asia, la Bitinia.

2 Pita 1:1

Nenia ne Simon Pita, lasaxaruki la luun pavang at ne Iesu Karisito. La a malagan i na levelinga rinemi limixin miga ruuna xaka lunuunu xeneng at lomokmokso at ne Moroa atnedik, neni Laradi Loklox Arooro ne Iesu Karisito; la mo lunuunu i lox avukat ngan lunuunu atnama.

2 Jon 1:1

Nenia lamgomgo at lotu. A malagan na levelinga ru, latkin soksoxolik at ne Moroa la ti laxaalik mi laxamdak taram. Nia a balamu ruturun nimi. Kopmen nenia xusuk mun, ketla nedi axap diklen levelinga ruturun at ne Moroa di balamu bok nimi,

3 Jon 1:1

Nenia lamgomgo at lotu. A malagan na lovoang ti lentangas orong tarak, ne Gaius. Nenia a balamu ruturun u.

Lisilimet 1:1

Ana lovoang, ni lisilimet boro at ne Iesu Karisito, ne Moroa ga raba i min, kusu na lox ase lavasaxaruki ren mi lempanga salai mo naba vot soso mun. La ne Iesu ga riki laangelo ren kusu na vaase axasev i ri ne Jon, lasaxaruki ren,

Lisilimet 1:9

Nenia ne Jon, neton nemi limixin mi nuunu at ne Iesu. La nenia na ap kip levesongsongot eburu minimi, la nedik eburu lavaanat at Linintoo ren, la ata tu tuxuruxun at lunuunu atdik, do nedik ata ekip tangarang mi levesongsongot. Nenia agak lok at losoxan to Patimos, nia aga nemen go ngan laradi xokoxo mila nia aga tong asu Lagale Lavavang at ne Moroa mi levelinga ruturun at ne Iesu.

Lisilimet 18:20

La lara laxaka linga ga lok bok, “Nemi axap mik lok to vana at laxalibet, mina momo. Nemi limixin at ne Moroa, la luvuttadi vavang la lavaeme vapaase alii, mina sosoro aleng, mila ne Moroa ira vorang taba vam i mi langsangan losongsongot mumu lempanga xapmek neni ga lox i rinimi.” Jer 51:48

Lisilimet 22:8

Nenia ne Jon; aga ronga na levelinga la aga ven na lempanga, la aga xis tiktikbu mi luvatgulom tarak ti lotu parap laangelo mo ga lox ase ia mi na lempanga.