Lagale Lavavang At Ne Iesu Karisito Luk Ga Malagan i 9:44 - Madak

⁴⁴ “Nemen mita domampe na levelinga ana tong i rinimi! Nenia Laradi Mevana, mo diba song araba ia uto ri lekngen di limixin kapmek.”

Lagale Lavavang At Ne Iesu Karisito Luk Ga Malagan i 9:44 Iomraidhean Croise

Metiu 16:21

Ga se ap mo laaleng ne Iesu ga ru ka i xusu na tong i ri luvuttadi loklok ka anasa ren do neni na onon uto Jerusalem; la mo go loxongkulao silok, lavamaasa silok la luvuttadi loklox ase at Lenavolo diba lox asongot aleng i la diba sev amer i la at laaleng sepsev avantun neni naba roo xat amlong.

Metiu 26:2

“Miklen i do legepu aleng move ik lok ti leluxa at Lovovolo Pe. Laaleng i auret do limixin diba song araba ia, Laradi Mevana, ri limixin esep kusu diba vaxarem ia at laxaba.”

Lagale Lavavang At Ne Iesu Karisito Mak Ga Malagan I 8:31

Melemu ne Iesu ga ru xaka levelinga ren keretna, “Nenia, Laradi Mevana, anaba xip levesongsongot silok. La loxongkulao silok at limixin me Judaia, lavamaasa silok, luvuttadi loklox ase at Lenavolo diba sok tixirixes kepe ia la diba sep amer ia la melemu at lavantun aleng nenia ba roo xat amlong.”

Lagale Lavavang At Ne Iesu Karisito Mak Ga Malagan I 9:31

mila neni ga anasa luvuttadi loklok ka anasa ren. La neni ga lok tidi xeretna, “Nenia Laradi Mevana la lara laradi naba song araba ia ri limixin kapmek kusu diba sev amer ia. La melemu at lavantun aleng anaba roo xat amlong.”

Lagale Lavavang At Ne Iesu Karisito Luk Ga Malagan i 1:66

Nedi axap getgesara diga ronga i na, la digam doma mumu i la diga esue xeretna, “Ana lamdak naba lok kereva?” Diga paase xerepmo mila digaklen i do lololos at ne Moroa ga nemen eburu min.

Lagale Lavavang At Ne Iesu Karisito Luk Ga Malagan i 18:31

Iesu ga lam kaka lasangaun mi legepura luvuttadi loklok ka anasa ren to vetpes basinge limixin la ga lok tidi, “Mina ronga i na! Atat pas uto Jerusalem la lempanga axap lavaeme vapaase alii diga malagan i mumu Laradi Mevana naba vot tuturun.

Lagale Lavavang At Ne Iesu Karisito Luk Ga Malagan i 2:19

Ketla ne Maria ga doxoma na levelinga, la gam doma mumu amisix i.

Lagale Lavavang At Ne Iesu Karisito Luk Ga Malagan i 2:51

La ne Iesu gamlong eburu midu uto Nasaret, la neni gang tonga res amisik atdu. La nenen gam doma amisik na levelinga at ne Iesu la goxo domampe i.

Lagale Lavavang At Ne Iesu Karisito Luk Ga Malagan i 24:44

La neni ga lok tidi, “Anai lempanga nia aga tong i rinimi ap mo levenaleng nenia aga nemen eburu minimi; lempanga axap diga malagan i mumu ia keneng at Lenavolo at ne Moses, la levenmamalagan at lavaeme vapaase alii, la levempikpixan mo ira sorun.”

Lagale Lavavang At Ne Iesu Karisito Luk Ga Malagan i 9:22

La ne Iesu ga lok, “Nenia Laradi Mevana, anaba xip losongsongot solo, la loxongkulao silok at limixin me Judaia, la lavamaasa silok la luvuttadi loklox ase at Lenavolo diba sok tixirixes kepe ia. Diba sev amer ia, la nenia anaba roo xat amlong at laaleng sepsev avantun.”

Lagale Lavavang At Ne Iesu Karisito Jon Ga Malagan I 16:31

La ne Iesu ga lok tidi xeretna, “Mi nuunu ba mo, do?

Lagale Lavavang At Ne Iesu Karisito Jon Ga Malagan I 16:4

La a tong pam i na rinimi, do levenaleng na vot kusu dina lok na levempanga, miba doxoma bilong ti na levelinga rak.” La ne Iesu ga lok bok tidi xeretna, “Agoxo vaase i na levempanga at lavakpaxaru kaxat at levenanasa rak tinimi, mila aga nemen eburu minimi.

Lagale Lavavang At Ne Iesu Karisito Jon Ga Malagan I 19:11

Iesu ga lok tin keretna, “U ruuna lololos mavana rak mila ne Moroa mun ga raba u min. Na lavanga u lox i ria i lok kapmek, ketla mo laradi ga song araba ia ru, laxakapmek teren i silok aleng.”

Leven Gugu 2:23

Moroa xa ga lox agagas i la gaklen pam lavanga naba ravasu, kerekngan lodoxoma axa ren; la nemi miga sev amer i xeretna, miga siam taba luvuttadi xapmek do dina vaxarem i ro vana at laxaba.

Ibru 2:1

Nitna ne Moroa ga raba dik mi loklox arooro, kuren la minam tebeng lolos lunuunu atnimi mumu mo levenanasa miga ronga ka vam i, kusu mi noxo soogong basinge mo lunuunu.