Lagale Lavavang At Ne Iesu Karisito Luk Ga Malagan i 9:41 - Madak

⁴¹ Iesu ga vorang i rin keretna, “Nemi limixin eburu mi luvuttadi loklok ka anasa, kopmen tunuunu atnimi! Lavanisa aleng tinotno nenia anaba xip tutu mi levenmumuat atnimi? Nemi mi lox amolo ia.” La neni ga lok ti mo laradi, “Ude mi nom lamdak.”

Lagale Lavavang At Ne Iesu Karisito Luk Ga Malagan i 9:41 Iomraidhean Croise

Sam 78:8

Dinoxok lok ngan lavalabat atnedi ua diga ganggang linga, la digang tonga xepe amisik teren; la lesepsep sogo atnedi ri ne Moroa goxo lolos la di goxo mumu asu amisix i.

Metiu 11:28

Nemi axap mik sak saaban mi laxanaknixip keneng at lorooro atnimi, mina vosiga ia, la aba raba nimi mi loklox amas.

Metiu 12:39

La ne Iesu ga lok tidi xeretna, “Limixin at na levenaleng nedi limixin kakapmek tinotno. Di sue ri tavanga sangsangu, ketla kopmen a noxo lok tara ridi, ketla diba doma mumu mun leretere at leeme vapaase alii, ne Jona.

Metiu 12:45

La neni bat pas la na lok ka bok lavanuti lubunggas, laxakapmek atdi i volo aleng i, la dibat pas la diba vubeles ap mo laradi. Kuren la mo laradi ba nemen kakapmek tino. Limixin kakapmek at na levenaleng dibak lok kuren.”

Metiu 16:4

Limixin kapmek mo di on basinge vam ne Moroa, di vara tavanga sangsangu, ketla nia noxo lox ase di mi tara, ketla mina doma mumu loklok katling at ne Jona, no ga nemen at lavantun aleng kangking la lavantun aleng kanimin to xeneng at lebelen leemat.” La ne Iesu ga vas kaxat basinge di.

Metiu 17:17

La ne Iesu ga lok, “Limixin at na levenaleng kopmen tunuunu atnimi la levendoxoma atnimi i onon soogong. Lavanisa aleng tinotno nenia aba xip tutu mi levenmumuat atnimi? Nemi mi lox amolo ia. Una lam ka lamdak ude.”

Metiu 23:36

Nia a tong tuturun i dola na loola di rooro lingina dinaba xip tutu mi na laxakapmek axap atnedi luvuttadi sepsep tadi.”

Metiu 3:7

At loxonaleng ne Jon ga ven buaang nedi lubung Parisi mi lubung Sadiusi diga vosiga i kusu neni na sep susu nedi, neni ga lok tidi xeretna, “Nemi laxamdak at lempasii. Kereva, mi lok do mina sixiro at lebelemamao at ne Moroa mo naba vot saparap limixin kakapmek?

Lagale Lavavang At Ne Iesu Karisito Mak Ga Malagan I 10:14

La ne Iesu ga ven i nom la ga vaase sok luvuttadi loklok ka anasa ren la ga lok tidi xeretna, “Mina ke laxamdak mi laxaalik kakalik dina vot pasa ia; la nemen mita sep pepe di, mila Linintoo at ne Moroa i epovo ridi na.

Lagale Lavavang At Ne Iesu Karisito Mak Ga Malagan I 10:49

La ne Iesu ga ru la ga lok, “Mina ro xaka i ude.” La diga ro ka mo laradi la diga lok tin keretna, “Una lok momo la u na xatu upana. Iesu no i toro ru.”

Lagale Lavavang At Ne Iesu Karisito Mak Ga Malagan I 9:19

La ne Iesu ga ronga nom levelinga la ni ga tong i ridi xeretna, “Nemi limixin at na levenaleng, kopmen tunuunu atnemi. Lavanisa aleng tinotno nenia aba xip tutu minemi? Nemi mi lox amolo ia. Mina lam ka lamdak ude.”

Lagale Lavavang At Ne Iesu Karisito Luk Ga Malagan i 8:25

La neni ga sue luvuttadi loklok ka anasa ren, “Kereva, kopmen tunuunu atnimi?” Ketla diga sangu aleng la diga lingun la diga sue nedi getgesara, “Laradi salai na? I vaase sok lamanman la lavatdan kis la dira ronga res teren!”

Lagale Lavavang At Ne Iesu Karisito Luk Ga Malagan i 9:40

A sing luvuttadi loklok ka anasa ram kusu dina riki xepe lagas uto, ketla kopmen dina epovo.”

Lagale Lavavang At Ne Iesu Karisito Luk Ga Malagan i 9:42

Se nom lamdak ga vas saparap ne Iesu, mo lagas ga sev asi i uto xopok at laxangka la ga sev adede lolos i. La ne Iesu ga vaase lolos ti nom lagas la lagas ga on basinge mo lamdak la lamdak ga lox avukat ta, la ne Iesu ga raba amlong nom lamdak ti ne temen.

Lagale Lavavang At Ne Iesu Karisito Jon Ga Malagan I 14:9

Iesu ga lok tin keretna, “Pilip, aga nemen amisik eburu minu la nu xovisi unaklen ia do? Do lara ira ven pam ia, neni ira ven pam ne Tamak. Ixo epovo do una tong i do, una lox ase nama mi ne Tamam.

Lagale Lavavang At Ne Iesu Karisito Jon Ga Malagan I 20:27

La ni ga lok ti ne Tomas, “Una long tu de, una ven lukngak. Una song asu mi lakngam la una long tu at labangbaangis tarak. Nemen lodoxoma ram na sixit ekarakat, ketla una nuunu rak.”

Leven Gugu 13:18

La ga at lavanuet sangaun maares ni gak lok tatao di ro at lamatbin.

Leven Gugu 2:40

Pita ga paase aronga di mi laxalinga solo la ni ga sing tinotno bok di xeretna, “Mina lok tatao avukat nemi xusu mi noxo suma langsangan losongsongot mo naba rupot saparap limixin kakapmek at na levenaleng.”

Lovoang At Ne Pol Ti Limixin Nunu to Rom 2:4

Kopla mi doma abalalak mene nom langsangan labalamu ren, mi loklok mulus teren la kopmen ni noxo ila mumu soso loklok atnimi. Tuturun miklen i do ne Moroa i lox avukat, atla ni i vara i do mina ven kisiv i nom la mina leeng.

Ibru 3:19

Kuren la nedik di ven i do buaang atnedi di goxo lox epovo i xusu dina vubeles mila di goxo nuunu at ne Moroa.

Ibru 4:11

Kuren la mina raba axap lodoxoma atnimi xusu mina vubeles ap mo loklok mamas la kopmen tara noxo subu kot la na mu asu lampoovo atnedi leme Israel, diga raba arulu ne Moroa.

Ibru 4:2

Nemi bok miga ronga Lagale Lavavang kerekngan nedi diga ronga i. Ketla mo lavavang diga ronga i, goxo lok tooro di mila di goxo nuunu ren.

Ibru 7:25

Kuren la neni i epovo na lox arooro rinotno nedi di vosiga ne Moroa, mo do dina nuunu sogo at ne Iesu; mila ne Iesu naba nemen amisik saparap ne Moroa la na ngising i xusu na lok tooro di.