Lagale Lavavang At Ne Iesu Karisito Luk Ga Malagan i 9:12 - Madak

¹² Ga ukantinao luvuttadi loklok ka anasa diga vosiga i la diga lok, “Una riki aonon limixin uto xusu dibat pas uto at levenmenemen la at lengkot petpes bok la dina puse ka tempanga anan la tengkot mikmidi bok tidi, mila na loxot i mimila rino.”

Lagale Lavavang At Ne Iesu Karisito Luk Ga Malagan i 9:12 Iomraidhean Croise

Metiu 14:13

Iesu ga ronga lanmet at ne Jon la neni xusuk mun ga mu lesepang uto at loxot mimila. La buaang limixin diga ronga levelinga mumu i na la diga mumu asu i uto loxon boro at levenmenemen atdi.

Metiu 15:23

Ketla Iesu goxo tong tekolinga rin. La luvuttadi loklok ka anasa ren diga vosiga ne Iesu la diga lok tin, “Una riki aonon i! Ia mumu asu dik la irak lox avurupit amisik dik.”

Metiu 15:32

Iesu ga ro xaka luvuttadi loklok ka anasa ren saparav i la ga lok, “A balamu aleng na limixin, mila ira vantun ta levenaleng nedi dik lox eburu minia, la kopmen ta tempanga anan kusu ridi ri anan. Axo para i do ana riki aonon gamasa nedi mi lantoxo atdi; lavanga dina meroxon mu langas uto at laramenemen atnedi.”

Lagale Lavavang At Ne Iesu Karisito Luk Ga Malagan i 9:11

Se limixin diga ronga i na, diga mumu asu i. La neni ga siam ka di mi lomomo, la ga paase ridi mumu Linintoo at ne Moroa, la neni ga lox aroo nedi, diga meres.

Lagale Lavavang At Ne Iesu Karisito Luk Ga Malagan i 9:13

Ketla ne Iesu ga lok tidi, “Nemi xa mina raba nedi mi teveluxa kusu ri anan.” La diga vorang i xeretna, “Ma ruuna mun lavalimo lengkongkide la legepu venmat. Kereva, u vara i do manat pas la mana un kaka teveluxa tinedi na limixin?”

Lagale Lavavang At Ne Iesu Karisito Jon Ga Malagan I 6:1

Melemu at nai Iesu gamlong polo manga at lavatdan kis Galili. (Laasen bok teren Tiberias.)

Pilipai 1:19

La a lok momo bok mila aklen i do at levesingising atnimi la loklok tooro at Loroonan Kaala at ne Iesu Karisito, dinaba soxomus asu ia basinge na loogu xokoxo.