Lagale Lavavang At Ne Iesu Karisito Luk Ga Malagan i 8:13 - Madak

¹³ Ti levenit no ga subu ro at loxot uat, i ru katling nedi di ronga levelinga la di momo xaka i, ketla kopmen na si aleng ukeneng at lorooro atdi. Di nuunu mun at loxonatat aleng la do loklok tong pen i vot, dira subu manga.

Lagale Lavavang At Ne Iesu Karisito Luk Ga Malagan i 8:13 Iomraidhean Croise

Lagale Lavavang At Ne Iesu Karisito Mak Ga Malagan I 6:20

mila ne Erodes ga marat at ne Jon la ga lok tata i. Erodes gaklen i do ne Jon lagale laradi mokmokso la gang tonga levelinga ren. Neni ga doma solo mumu i nom levelinga at ne Jon, ketla ni ga lok momo ring tonga i.

Lagale Lavavang At Ne Iesu Karisito Luk Ga Malagan i 8:12

Ti levenit ga subu ro at langas, i ru katling nedi ding tonga mo levelinga; ketla ne Satan i tupot la ik lok kepe nom levelinga basinge lebelen di, kusu ri lok pes lunuunu atdi la di noxo lok kaka lorooro.

Lagale Lavavang At Ne Iesu Karisito Luk Ga Malagan i 8:14

Ti levenit ga subu to at loxongkangka mi laxan gagas, i ru katling nedi di ronga mo levelinga, ketla levenainbulu la lapnovos la lomomo at na lorooro i umsu xeneng atdi la gira itis lorooro atdi, la kerepmo kopmen dina visik levempanga nunuan at lorooro atdi.

Lagale Lavavang At Ne Iesu Karisito Jon Ga Malagan I 15:2

Neni i tara xepe mo lengkakan una rak, do kopmen dina pisik. La ip sep susudun mo lengkakan una do di pisik avukat, kusu dinaba pisik aleng.

Lagale Lavavang At Ne Iesu Karisito Jon Ga Malagan I 15:6

Do nege xopmen na nemen tarak, neni i lok ngan laxakan una dinaba ra korop pes i la dina lu asu min kusu na mang, la dina sigi bubua li i la dina xotos kepe i at laxao.

Lagale Lavavang At Ne Iesu Karisito Jon Ga Malagan I 5:35

Jon ga tong asu levelinga at ne Moroa la kerepmo ni ga lok ngan lababao i lox asu laxasep, la at leventaba leven gaaling miga lok momo ren.

1 Korin 13:2

La do a ruuna laramtaba at ne Moroa xusu ri vavang alii, la anaklen pipis levempanga axap, la anaklen avukat bok levendoxoma alipe at ne Moroa; la lunuunu rak ti ne Moroa i lolos aleng la a epovo xusu ana riki pes levempatkaana; ketla mo do kopmen tabalamu na nemen tarak, nenia mun lavanga gamasa.

1 Korin 15:2

Mo do lunuunu atnimi natmatkun teren, miba lok ka lorooro ren. Ket do kopmen mina nuunu at levelinga xerekngan nia aga vavang min, lunuunu atnimi naba lok ngan lavanga gamasa.

Galesia 3:1

Laxampanga rangtangku nemi leme Galesia. Nege rinotno ga sar asoogong lodoxoma atnemi basinge lunuunu ruturun, kusu mina mumu asu Lenavolo? Gano migara ven axasep pam lavasuun at lanmet at ne Iesu Karisito ro vana at laxaba.

Galesia 3:4

Migarap kip levesongsongot mumu lunuunu atnemi. Kereva, migang songot gamasa mun?

Epesas 3:17

La at lunuunu atnemi, ne Karisito naba nemen to at lebelen nimi. La a sing ne Moroa do mina umsu mi labalamu kusu lunuunu atnimi na tu lolos, kerekngan levenixe at luuna ing tanga alis laxangka la luuna ira tu lolos;

Kolosi 1:23

Naba lok kuren mo do mina tu tuxuruxun at lunuunu atnimi la kopmen tara na sat kaka nimi basinge lunuunu atnimi saparap Lagale Lavavang. At nom mun Lagale Lavavang la nia ne Pol a tong asu i ngan lasaxaruki at ne Moroa, la na Lagale Lavavang mo di vavang min ti limixin axap at na lavatbung menemen, ni levelinga nemi miga ronga i.

Kolosi 2:7

Minam tebeng lolos teren la lunuunu atnimi na tu tuxuruxun teren kerekngan mo diga lox ase nimi min kuren. La mina umsu mi loklok ti tong loklox avukat ti ne Moroa.

1 Tesalonia 3:5

Kuren la nenia a goxo epovo do ana ngangais gamasa, la aga riki ne Timoti saparap nimi xusu neni naklen ka be lunuunu atnimi, do i ruturun ne Satan ga lok tong pen nimi la miga subu vam, la mo lugugu maga lox i xantubu atnimi ga ravasu ngan lavanga gamasa.

1 Timoti 1:19

la ubam tebeng lolos lunuunu la u noxo suma loklok mamangan at lorooro ram. Leventaba luvuttadi diga ronga xepe na levelinga, la diga lok kapmek pam lunuunu atdi.

Ibru 10:39

Ketla nedik kopmen na lok ngan nedi di raba arulu ne Moroa la dira seeve, ketla nedik ta lok ngan nedi di nuunu at ne Moroa la dira ruuna ka vam lorooro avolo.

Jems 2:26

Kuren la mina xasep keretna, labantuxu kopmen toroonan teren, ni ira met pam; la kerepmo bok lunuunu kopmen teven gugu nunuan teren, ni ira met pam.

2 Pita 2:20

Amo dola limixin digara sixiro vam at laxapmek at lavatbung menemen mumu lakleklen atnedi xeneng at Leeme Silok atnedik, la Laradi Loklox Arooro ne Iesu Karisito; la melemu, nedi diramlong mu manga loklok me gano. Nedi na limixin dik lok keretna, dik lok tinotno xeneng at loxot kapmek aleng la i lok kapmek tinotno ri no lorooro xapmek avot nedi digak lok teren.

2 Pita 2:22

La lavanga nedi dik lox i, i lox asorun leventetere avolo, i lok keretna, “Laman imlomlong kusu na anan laxan biromto ren.” Ler 26:11 La bok, “Lobo do ira susu avukat pam, irat pas bok la ira soe i ro xeneng at lapke.”

1 Jon 2:19

Gano diga nemen eburu minedik ngan limixin at ne Iesu Karisito. Ketla nedi goxopmen limixin teren; kuren la diga on basinge dik. Nedi do gita nuunu at ne Iesu Karisito, nedi gitoxo on basinge dik. Ketla diga on basinge vam dik, kuren la dik ta xasep do nedi xopmen at ne Iesu Karisito.

Lovoang At Ne Jut 1:12

Nedi dit kis eburu minimi mo do mi anan leveluxa at Leeme Silok. Nedi di lok ngan lempanga ik token kantubu atnemi la kopmen dinak lok mamangan. Nedi dixo doma bok ba teta, ketla di doma xusuk mun di. Nedi di lok ngan lempotakabu, lamanman it mas aonon di, ketla kopmen tarakabu atdi. Nedi di lok ngan levenuna kopmen na pisik at laaleng pipisik teren la di xe su min la ira met tino.