Lagale Lavavang At Ne Iesu Karisito Luk Ga Malagan i 7:16 - Madak

¹⁶ Limixin axap diga lingun la diga emi asu mi ne Moroa, la diga lok, “Langsangan leeme vapaase alii ira vot pam kantubu atdik! La ne Moroa ira vot pam kusu na lox arooro limixin teren!”

Lagale Lavavang At Ne Iesu Karisito Luk Ga Malagan i 7:16 Iomraidhean Croise

Sam 65:9

Nenu uk lox asuusu loklok tatao ram ti laxangka, uk lox asi larabet tik lox ababaum laxangka kusu larauna na pisik avukat. Nenu uk suxa aumsu laradan sen mi levengkadan la um taba lavatbung menemen mi levempanga anan. Uk lox i xeretna;

Metiu 15:31

Limixin diga sangu aleng atla diga ven lenbaalung baa diga paase; la luvuttadi mi levengkikngen di mi lengkangkedek ga lok kapmek, diga lox avukat; la nedi di goxot pas gano, digat pas ta; la lengkatli main, diga reven; la diga emi asu aleng mi ne Moroa me Israel.

Metiu 21:11

La mo buaang limixin diga emu mi ne Iesu diga vorang i ridi xeretna, “Na ne Iesu, leeme vapaase alii boro Galili at lemenemen Nasaret.”

Metiu 28:8

Kuren la duga vas kaxat soso basinge lamaaut la duga umsu mi lanmarat, ketla duga umsu bok mi lomomo. Duga sixit soso ri tong i ri luvuttadi loklok ka anasa at ne Iesu.

Metiu 9:8

Se mo limixin axap diga ven i na, diga lingun, la diga emi asu mi ne Moroa, mo ga raba lololos kerepmo ti limixin.

Lagale Lavavang At Ne Iesu Karisito Luk Ga Malagan i 1:65

La mo limixin diga nemen saparav i diga sangu aleng, la lavapaase mumu i na lavanga ga epeseves keneng at lengkot axap at lempatkaana at lenep silok Judaia.

Lagale Lavavang At Ne Iesu Karisito Luk Ga Malagan i 1:68

“Ata emi asu mi ne Moroa, Leeme Silok me Israel! Ga vot ti soxomus asu limixin me Israel at loxokoxo at ne Satan.

Lagale Lavavang At Ne Iesu Karisito Luk Ga Malagan i 19:44

Diba lok kapmek tinotno nimi eburu mi laxamdak mi laxaalik atnimi dik lok maxeneng at langas uat; la kopmen tinotno tegesa xonuat diba ke i at toxot teren, mila mi goxo ven kibis i do ne Moroa ga vot kusu na lox arooro nimi!”

Lagale Lavavang At Ne Iesu Karisito Luk Ga Malagan i 2:20

Luvuttadi loklok tatao sipsip digamlong, diga emi asu mi ne Moroa ti nom lempanga diga ronga i la diga ven pam i, kerekngan laangelo ga vaase di min.

Lagale Lavavang At Ne Iesu Karisito Luk Ga Malagan i 24:19

La ne Iesu ga sue du xeretna, “Lempanga salai?” La duga vorang i rin keretna, “Mo lempanga ga rupot saparap ne Iesu boro Nasaret, anai laradi neni leeme vapaase alii la neni ga lok lempanga sangsangu la levelinga bok teren ga mumuat aleng at lemeren ne Moroa la limixin.

Lagale Lavavang At Ne Iesu Karisito Luk Ga Malagan i 5:26

Nedi axap diga sangu. La diga lingun, diga emi asu mi ne Moroa, la diga lok, “Lavanga vetpes dik dira ven i lingina!”

Lagale Lavavang At Ne Iesu Karisito Luk Ga Malagan i 5:8

Simon Pita eburu mi larapen tangas teren, diga sangu aleng at laxanmat diga loloa xaka i. Lumdak bok at ne Sebedi, Jems mi ne Jon duga sangu aleng. Se ne Simon Pita ga ven na lavanga ga vot, neni ga xis tiktikbu mi luvatgulom teren to melamgo at ne Iesu la ga lok, “Leeme Silok, uto u basinge ia! Nia laradi xapmek!” Iesu ga lok ti ne Simon, “Nemen uta marat. I ru ka i lingina uba loloa ka limixin!”

Lagale Lavavang At Ne Iesu Karisito Luk Ga Malagan i 7:15

Laradi no ga met ga xis upana la ni ga vaase la ne Iesu ga lok ka i la ga raba amlong nenen min.

Lagale Lavavang At Ne Iesu Karisito Luk Ga Malagan i 7:39

Nom laradi no ga sat kaka ne Iesu ga ven i na, la neni ga doma i xeretna, “Mo do na laradi neni leeme vapaase alii ruturun, neni gi baklen i do latkin salai mo i long tu ren la lorooro bilinga mo i nemen teren!”

Lagale Lavavang At Ne Iesu Karisito Luk Ga Malagan i 8:37

La nom limixin ap mo lenep Gerasa diga sing ne Iesu kusu na onon ta, mila diga marat aleng. La ne Iesu ga los kas at lesepang la lesepang ga sen kaxat.

Lagale Lavavang At Ne Iesu Karisito Luk Ga Malagan i 9:19

Diga vorang i rin keretna, “Lentaba di lok do nenu ne Jon laradi sep susu; lentaba di tong i do nenu ne Elaisa; la lentaba di tong i do lara leeme vapaase alii me gano mo i roo xat amlong.”

Lagale Lavavang At Ne Iesu Karisito Jon Ga Malagan I 1:21

La diga sue manga i, “Nenu nege? Kereva, nenu mo leeme vapaase alii megano, ne Elaisa?” Jon ga vorang i ridi xeretna, “Nenia xopmen.” La diga sue manga i xeretna, “Kereva, nenu leeme vapaase alii, ne Moroa ga xaape min at levelinga at ne Moses?” La ni ga vorang i ridi xeretna, “Kopmen.”

Lagale Lavavang At Ne Iesu Karisito Jon Ga Malagan I 1:25

Diga sue i xeretna, “Do nenu xopmen Lanarong, kopla ne Elaisa, kopla mo leeme vapaase alii, la tila u sep susu limixin?”

Lagale Lavavang At Ne Iesu Karisito Jon Ga Malagan I 4:19

Latkin ga lok, “Leeme Silok, a ven kisip ba i do nenu leeme vapaase alii.

Lagale Lavavang At Ne Iesu Karisito Jon Ga Malagan I 6:14

Mo limixin go diga ven mo lavanga sangsangu ne Iesu ga lox i, la diga lok, “I ruturun aleng; neni mo leeme vapaase alii diga tong i do naba vot at na lavatbung menemen!”

Lagale Lavavang At Ne Iesu Karisito Jon Ga Malagan I 9:17

La lubung Parisi diga sue amu manga mo laradi, “U lok do neni i lox avukat luxatli ram. Kereva lodoxoma ram tin?” La neni ga vorang i ridi xeretna, “Neni leeme vapaase alii.”

Leven Gugu 5:5

Ananias ga ronga i na la ga subu si ukopok la ga met; la nedi axap diga ronga i na, la diga marat aleng.

Leven Gugu 7:37

Moses neni laradi ga paase ri limixin me Israel do ‘Moroa naba riki taradi vapaase alii xerekngan neni ga riki ia; la neni at tara xa atnimi.’

Galesia 1:24

Kuren la diga xip aurut laasen at ne Moroa la diga emi asu min mumu mo levempanga ga ravasu at lorooro rak.