Lagale Lavavang At Ne Iesu Karisito Luk Ga Malagan i 6:42 - Madak

⁴² Miba tong i ri neton nimi xeretna, ‘Neton nama, una mulus tinama xusu mana lok pes nom levendon at laxatli ram,’ ketla nemi xa kopmen mina ven kibis lengkonuna ik lok pe lengkatli atnimi. Nemi lavapen aala. Mina lok pes avot nom lengkonuna ik lok pe lengkatli atnimi la melemu ba, miba lok epovo ba i xusu mina lok pes ba levendon no at laxatli at neton nimi.”

Lagale Lavavang At Ne Iesu Karisito Luk Ga Malagan i 6:42 Iomraidhean Croise

Metiu 26:75

La ne Pita ga doma su at levelinga at ne Iesu ga lok keretna, “Laxaxak kovisi noxo reng, la nenu uba sev apkap naba vantun do uxoklen ia.” La neni ga vas su ukamang la gang teng aleng.

Metiu 7:3

La ne Iesu ga paase poovo bok keretna, “Nemen mita reven ti nom levendon i nemen at laxatli at neton nimi, la nemi xa kopmen mina long lenget ka levengkonuna ik lok pe lengkatli atnimi.

Metiu 7:4

Miba tong i ri neton nimi keretna, ‘Netak, una mulus tia kusu ana lok pes nom levendon at laxatli ram,’ ketla nemi xa xopmen mina ven kibis levengkonuna ik lok pe lengkatli atnemi getgesara.

Lagale Lavavang At Ne Iesu Karisito Luk Ga Malagan i 13:15

La Leeme Silok ga vorang i rin keretna, “Nemi limixin mi xarang axa nimi. At levenaleng kaala axap mi sepmus levendongki mi levenbulumaxao ro at levengkot mikmidi la mim lam kaka di xusu dina inin.

Lagale Lavavang At Ne Iesu Karisito Luk Ga Malagan i 22:32

Ketla ara sing pam tu, ne Simon, kusu lunuunu ram noxo subu. La do una leeng basinge laxakapmek taram, una lox alolos luvutnetam.”

Lagale Lavavang At Ne Iesu Karisito Luk Ga Malagan i 6:41

La ne Iesu ga paase poovo bok keretna, “Nemen mita reven ti nom levendon i nemen at laxatli at neton nimi, la nemi xa kopmen mina long lenget ka loxonuna ik lok pe lengkatli atnimi.

Lagale Lavavang At Ne Iesu Karisito Luk Ga Malagan i 6:43

La ne Iesu ga paase poovo bok keretna, “Luuna nunuan kopmen na pisik larapeven una xapmek; kopla luuna xapmek kopmen na pisik tarapeven una avukat.

Leven Gugu 13:10

la ga lok tin, “Nu lamdak at ne Satan! Nenu u xopara ri leveloklox axap i lox avukat; buaang lempanga xaxarang la laxakapmek i umsu at lorooro ram. Nenu uk lox amisik do una baba gili levenanasa ruturun at Leeme Silok ne Moroa ri laxaxarang!

Leven Gugu 2:38

Pita ga lok tidi, “Nemi getgesara mina leeng basinge leveloklok kakapmek atnimi, la mina lok kaka lesep susu at laasen at ne Iesu Karisito kusu ne Moroa naba doxoma xepe leveloklok kakapmek atnimi la nemi minaba ruuna ka na laramtaba at Loroonan Kaala.

Leven Gugu 8:21

Nenu xopmen tekot taram at na lugugu atnama; mila labalam kopmen nak mokso at lemeren at ne Moroa.

Lovoang At Ne Pol Ti Limixin Nunu to Rom 2:1

Nemi limixin, ixo epovo do mina viila mumu loklok at leventaba vetpes mila nemi mixo sepsu ap mo leveloklok kakapmek kerekngan nedi di lox i. Dola mi ila mumu loklok atnedi, la do mi lok bok nom levempanga di lox i, mi lok li xa lumumuat atnimi.

2 Korin 5:18

Ana axav i boro at ne Moroa, la keneng at ne Karisito neni ga vaxat buru dik at lixitkis munepen atdik eburu min kusu nedik ateren; la ni ga raba nema mi lugugu ri vaxat buru limixin uto saparap ne Moroa.

2 Timoti 2:21

Lavasuun at nom keretna; do tara i lok kepe leveloklok kakapmek teren, neni naba lok ngan nom leventingtigon avukat di anan min at levenaleng silok, atla ni i lok lugugu avukat ti leeme silok teren la ni i gagas kusu na lok leven gugu nunuan.

2 Pita 1:9

Ketla nege do ixo ruuna i na leveloklok nunuan, neni i lok ngan laxatli main no ixo epovo xusu neni na reven la ira domampe nga i do Moroa gara gos adadat pam i basinge laxakapmek teren me gano.