Lagale Lavavang At Ne Iesu Karisito Luk Ga Malagan i 6:21 - Madak

²¹ Luvukat tinemi limixin mo mik toxo, mila minaba ruuna epovo leveluxa. Luvukat tinemi limixin monga ming teng, mila minaba lok momo.

Lagale Lavavang At Ne Iesu Karisito Luk Ga Malagan i 6:21 Iomraidhean Croise

Sam 107:9

atla Leeme Silok im taba dan limixin dik minu, la im taba nedi dik toxo mi lempanga anan avukat.

Sam 119:136

Lengkabili dan ing pengkos su aleng at lamarak, mila limixin dixong tonga res at Lenavolo ram.

Sam 143:6

A song aurut mi lukngak tu keneng at lisingising tarak; la labalak ik minu ru ngan ta loxongkangka vatmang.

Sam 17:15

Ketla nia anaba ven lamaram atla nia goxo lok tibilinga; la dola ana aus, anaba umsu mi lososoro atla anaba nemen eburu minu.

Sam 28:7

Leeme Silok i kok nunuan ia, la i lok ngan lavatban tia. Labalak it kis saga ren, neni im taba ia mi loklok tooro, la ik lox amomo box ia. A tong avukat tin mi livikpixan momo.

Sam 65:4

Nedi nom una soxolik ka di, dina momo; u lok kaka nedi xusu dina nemen to at loogu xaala ram. Manabat kis mimila at levempanga nunuan keneng at loogu ram eburu mi leveloklok anarong at loogu laplavang taram i xaala. Mo naba lok epovo lavavara atnema.

Metiu 5:4

Luvukat mo ik lok tinedi mo dik lok bukbulu mila laxakapmek i umsu at na lavatbung menemen, ketla ne Moroa naba lox amenemen nedi!

Metiu 5:6

Luvukat mo ik lok tinedi di ngaongao ri loklok mokmokso, mila ne Moroa naba lox epovo mo lavavara atdi.

Lagale Lavavang At Ne Iesu Karisito Luk Ga Malagan i 1:53

I suxa umsu limixin dik pakes mi lempanga nunuan, la ik tiki limixin dip novos la dit pas la kopmen bok ba tempanga dina ruuna i.

Lagale Lavavang At Ne Iesu Karisito Luk Ga Malagan i 6:20

Iesu ga ven ti luvuttadi loklok ka anasa ren la ga lok, “Luvukat tinemi limixin banbalo, mila Linintoo at ne Moroa, neni atnimi!

Lagale Lavavang At Ne Iesu Karisito Luk Ga Malagan i 6:22

Luvukat tinemi, mo do limixin kapmek dina ven nimi mina mumu asu ia, Laradi Mevana, la dina musak nimi, la dina sok tixirixes nimi, la dina vaase kapmek tinimi, la dina lok tinimi do nemi limixin kapmek.

Lagale Lavavang At Ne Iesu Karisito Luk Ga Malagan i 6:25

Naba lok kapmek tinimi monga mi umsu mi laxampanga solo, atla mibak toxo! Naba lok kapmek tinimi monga mik lok momo, mila miba duudu la minang teng!

Lagale Lavavang At Ne Iesu Karisito Jon Ga Malagan I 11:35

La ne Iesu gang teng.

Lagale Lavavang At Ne Iesu Karisito Jon Ga Malagan I 4:10

La ne Iesu ga vorang i rin, “Do uklen laramtaba at ne Moroa la mo laradi i sing u ri toxondan, i epovo do una sing i ri laxadan too, la ni naba raba u min.”

Lagale Lavavang At Ne Iesu Karisito Jon Ga Malagan I 6:35

Iesu ga lok tidi, “Nenia lakde at lorooro. Mo do tara na vosiga ia, neni noxo roxo bok ba; la neni do i nuunu rak, neni noxo minu bok ba.

1 Korin 4:11

At na laxanaleng, nema luvuttadi vavang, maga roxo la maga minu; maga etara lenbantamon tekoxorop; la kopmen nom mene i, limixin digap sep bok nama la goxopmen temenemen aulis atnama rik lok mamas teren;

2 Korin 11:27

Aga nemen bok keneng at leven gugu ga lolos aleng, la a goxo lok ka tevenanunga avukat la agak toxo la agak minu la aga mun anan la agak mudut aleng la goxopmen tevesingsiga avukat tia.

2 Korin 12:10

Ti lox aru ne Karisito, a lok momo aleng ti lomolo rak, la levempapaase vupu la levenmumuat la levesongsongot la levenmumuat i lolos aleng, mila do nia a molo, aba suma xaka lololos silok.

2 Korin 6:10

Keke i do ma suma lainbulu, ketla ma momo amisik mun teren; mat kis banbalo, ketla ma lox apnovos nedi limixin buaang; ma xis apkap, ketla ma rebeng kobot ka levempanga axap.

Jems 1:12

I lox avukat aleng do laradi nuunu na tu tuxuruxun maxopok at leveloklok tong pen. Mo do laradi ira sak tup pam mi leveloklok tong pen, i lox avukat mila ne Moroa naba raba i mi lavatbungorong, i lok ngan luunun tin la neni lorooro avolo. Ganoxa ne Moroa ga paase alii i do ni naba raba i ri mo limixin di balamu i.

Lisilimet 21:3

La aga ronga luxupkup silok boro at loxonin orong at ne Moroa ga lok, “Mina ven ba i, lemenemen aulis at ne Moroa monga ira si vam la neni nak lok eburu mi limixin. La ne Moroa naba nemen eburu minedi, la nedi diba lok ngan limixin teren, la ni naba nemen ngan ne Moroa atdi.

Lisilimet 7:16

Di noxo roxo bok ba, la di noxo minu bok ba; la laxangking noxo soosoo lolos bok ba mavana atdi la liplivi at laxangking noxo sep polo ridi,