Lagale Lavavang At Ne Iesu Karisito Luk Ga Malagan i 6:13 - Madak

¹³ Se at laxangking ga los su ga maxantamak suubu, neni ga ro bubua ka luvuttadi loklok ka anasa ren saparav i la ga soxolik ka lasangaun legepura atnedi, mo ni ga so asen di do luvuttadi vavang.

Lagale Lavavang At Ne Iesu Karisito Luk Ga Malagan i 6:13 Iomraidhean Croise

Metiu 10:2

Ni levenasen atnedi na lasangaun legepura luvuttadi vavang; avot tinotno ne Simon (laasen bok teren ne Pita), la ne Endru neni neton; la ne Jems eburu mi neton laasen teren ne Jon, nedu lumdak at ne Sebedi;

Metiu 19:28

La ne Iesu ga vorang i ridi, “Nia a tong tuturun i rinimi. At laaleng ne Moroa na lox amaxat lempanga axap, ap mo laaleng nenia, Laradi Mevana, anabat kis at loxonin orong tarak mi lisisixam silok tarak, la nemi mi mumu asu ia, mibat kis bok at lasangaun mi legepura lengkot kitkis orong la mibang tonga linga at lasangaun mi legepura levenbibinat at limixin me Israel.

Metiu 9:36

Kuren la ne Iesu ga ven nedi buaang limixin la ga balamu di mila diga baava mi levenaknixip la digak pakes aleng, kerekngan levesipsip kopmen taradi loklok tatao atdi.

Lagale Lavavang At Ne Iesu Karisito Mak Ga Malagan I 6:30

La luvuttadi vavang at ne Iesu digamlong ta la diga tong asu lempanga axap diga lox i la levelinga diga anasa limixin min.

Lagale Lavavang At Ne Iesu Karisito Mak Ga Malagan I 6:7

La ne Iesu ga ro xaka lasangaun mi legepura luvuttadi loklok ka anasa ren la neni ga riki gepgepura di uto at levenmenemen petpes. La neni ga raba di mi lololos kusu dina riki xepe lubunggas basinge limixin.

Lagale Lavavang At Ne Iesu Karisito Luk Ga Malagan i 11:49

Kuren la ne Moroa mi lakleklen silok teren ga lok, ‘Aba riki lavaeme vapaase alii la luvuttadi vavang, la lentaba atdi diba sev amet di la lentaba diba lox asongot di.’

Lagale Lavavang At Ne Iesu Karisito Luk Ga Malagan i 22:30

Kuren la miba anan la mina inin to at loxot kitkis tarak to xeneng at Linintoo rak, la mibat kis at liinin orong la miba ronga linga at lasangaun legepura larabibinat boro Israel.”

Lagale Lavavang At Ne Iesu Karisito Luk Ga Malagan i 6:14

Simon (ni ga so asen i do ne Pita) la neton laasen teren ne Endru; Jems, la ne Jon, Pilip la ne Batolomiu,

Lagale Lavavang At Ne Iesu Karisito Jon Ga Malagan I 4:33

La luvuttadi loklok ka anasa ren diga esue xantubu atdi xeretna, “Kereva, tentaba go di raba i mi teveluxa?”

Leven Gugu 1:13

Diga vubeles uto xeneng at lemenemen silok Jerusalem la diga vubeles uto vana at loogu diga nemen teren; Pita, Jon, Jems la ne Endru, Pilip la ne Tomas, Batolomiu la ne Metiu, Jems nitna ne Alpias, Simon neni at lubungmixin me Selot; la ne Judas nitna ne Jems.

Epesas 2:20

Nom loogu luvuttadi vavang mi lavaeme vapaase alii diga vaxaru i, la keneng ap mo loogu, ne Iesu Karisito ni luat kis teren.

Epesas 4:11

Neni vam ga raba leventamtaba ri limixin teren. Ni ga soxolik ka lentaba ri gugu ngan luvuttadi vavang la lentaba ri gugu ngan luvuttadi vapaase alii. Lentaba diga lok ka lugugu ngan luvuttadi vapaase asu levelinga at ne Moroa, la lentaba ri gugu ngan luvuttadi loklok tatao lotu la lentaba ti lox ase limixin mi levelinga at ne Moroa.

Ibru 3:1

Luvutnetak mi luvurinuk. Nemi bok lavaanat soxolik at ne Moroa mo ga ro ka vam nimi ngan limixin teren. Kuren la mo levempanga ne Iesu gak lox i, ni na veve mam pixan amisik tidik. Iesu, neni Luun Pavang la Lamaasa Gomgo. La na nedik dira nuunu ren.

2 Pita 3:2

A vara i xusu anak lox adoxoma aklen nimi mi levelinga me gano at luvuttadi vapaase alii at ne Moroa la levelinga at Leeme Silok atnedik la Laradi Loklox Arooro; la ni na levelinga, luvuttadi vavang diga paase nemi min.

Lisilimet 12:1

Lara loklok katling silok ga ravasu to vana at lamavangkap. Lara latkin ga rupot, laxangking ga itis i ngan lisingsigaara ren, la lagaaling gak lok to maxopok at luxangkedek teren, la ni ga siga lasangaun mi legepura larapenti ro at lavatlak teren ngan lavatbungorong.

Lisilimet 18:20

La lara laxaka linga ga lok bok, “Nemi axap mik lok to vana at laxalibet, mina momo. Nemi limixin at ne Moroa, la luvuttadi vavang la lavaeme vapaase alii, mina sosoro aleng, mila ne Moroa ira vorang taba vam i mi langsangan losongsongot mumu lempanga xapmek neni ga lox i rinimi.” Jer 51:48

Lisilimet 21:14

La mo langas uat gat kis mavana ap mo lasangaun legepura larauat kis, la levenasen atnedi lasangaun mi legepura luvuttadi vavang at Lanasip gak lok teren.