Lagale Lavavang At Ne Iesu Karisito Luk Ga Malagan i 4:40 - Madak

⁴⁰ Ga ukantinao laxangking ga lok do na lotup, mo limixin diga ruuna larapen tangas atdi, digak meres mi levenasen anmeres axap, diga lam ka di uto at ne Iesu; la ni ga lok li lukngen to mavana atnedi getgesara, la ga lox aroo nedi axap.

Lagale Lavavang At Ne Iesu Karisito Luk Ga Malagan i 4:40 Iomraidhean Croise

Metiu 11:5

Nedi limixin mi lengkatli main, mo di reven manga; nedi lengkangkedek atdi ga lok kapmek, mo dit pas avukat; la nedi dik meres mi lanmeres gu, di lox avukat pam; la nedi levenbaalung atdi i repe, ding tonga manga; la nedi diga met pam mo di roo xat amlong pam; la limixin banbalo, mo ding tonga Lagale Lavavang.

Metiu 14:13

Iesu ga ronga lanmet at ne Jon la neni xusuk mun ga mu lesepang uto at loxot mimila. La buaang limixin diga ronga levelinga mumu i na la diga mumu asu i uto loxon boro at levenmenemen atdi.

Lagale Lavavang At Ne Iesu Karisito Mak Ga Malagan I 3:10

Diga vot saparav i mila neni ga lox aroo buaang limixin. La limixin mi levenasen anmeres diga esi xakape ti long tu ren kusu levenanmeres atdi na xap.

Lagale Lavavang At Ne Iesu Karisito Mak Ga Malagan I 5:23

La ni ga sing lolos ne Iesu xeretna, “Loolik tarak i auret do na met. A vara i dola una vot pasa i la una lok li lukngam teren kusu una lox aroo i la neni noxo met.”

Lagale Lavavang At Ne Iesu Karisito Mak Ga Malagan I 6:5

La ne Iesu goxo epovo na lok lempanga sangsangu go, ketla neni ga lok li lukngen mavana at lentaba mun kusu na lox aroo di.

Leven Gugu 19:12

La limixin diga soe ka lengkontamon at labantuxu ren, la diga lok li at labantuxu at limixin mekmeres la levenanmeres atdi gara xap, la lubunggas diga ravasu basinge di.

Leven Gugu 5:15

Kuren la limixin diga lok kaka luvuttadi mekmeres mi levenora atdi uto at levengkonngas kusu do, ne Pita na vas polo, mo lamamau at lovoovo ren naba lok pavaa di.