Lagale Lavavang At Ne Iesu Karisito Luk Ga Malagan i 4:34 - Madak

³⁴ “Aa! Iesu boro Nasaret, lavanga salai u vara i atnama? Kereva, u vot de xusu una lok kapmek nama? Aklen i do nenu nege; nenu Lanarong at ne Moroa!”

Lagale Lavavang At Ne Iesu Karisito Luk Ga Malagan i 4:34 Iomraidhean Croise

Sam 16:10

atla uk lok tatao ia basinge lolos at lanmet lexen. Ara mumu asu u mi luruturun tinotno, kuren la u noxo ke xepe ia xusu anat pas uto at lemenemen at labarongan.

Metiu 8:29

La duga xup ti ne Iesu xeretna, “Nitna ne Moroa. Lavanga salai u vara na lox i rinama? Kereva, u vot de xusu una lox asongot nama avot ti laaleng ete?”

Lagale Lavavang At Ne Iesu Karisito Mak Ga Malagan I 1:24

“Iesu me Nasaret, unaba lok lavanga salai rinama? Uga rupot kusu unaba sep kepe axap nema, do? Aklen u. Nenu ne Nitna ne Moroa.”

Lagale Lavavang At Ne Iesu Karisito Mak Ga Malagan I 1:34

La ne Iesu ga lox aroo limixin mekmeres la ga riki xepe lubunggas basinge limixin; lubunggas digaklen i do ne Iesu nitna ne Moroa, ketla ne Iesu goxo siam do dina tong asu i ri limixin.

Lagale Lavavang At Ne Iesu Karisito Mak Ga Malagan I 5:7

La ne Iesu ga lok tin keretna, “Mina on basinge na laradi, nenu lagas kapmek.” La nom laradi gap kup lolos ti ne Iesu xeretna, “Iesu, Nitna ne Moroa i silok aleng. U rupot de ri lok lavanga sala ria? Una xaape ri ne Moroa dola u noxo sev asongor ia.”

Lagale Lavavang At Ne Iesu Karisito Luk Ga Malagan i 1:35

Laangelo ga lok tin, “Loroonan Kaala naba vot saparav u, la lololos at ne Moroa naba los kis taram; kuren la nom lamdak dadat diba so asen i do lamdak at ne Moroa.

Lagale Lavavang At Ne Iesu Karisito Luk Ga Malagan i 4:33

Lara laradi go xeneng at loogu singising, lagas ga suxuna i; ga xup lolos aleng la ga lok,

Lagale Lavavang At Ne Iesu Karisito Luk Ga Malagan i 4:41

Iesu ga paase ri lubunggas la lubunggas bok diga vas su basinge buaang nedi limixin, la lubunggas digap kup keretna, “Nenu nitna ne Moroa!” La ne Iesu ga vaase lolos tidi la ni xopmen goxo ke xepe tara atdi gita vaase, mila digaklen i do neni Lanarong.

Lagale Lavavang At Ne Iesu Karisito Luk Ga Malagan i 8:28

Se neni ga ven ne Iesu, ni ga xup lolos la ga xis tiktikbu mi luvatgulom teren to melamgo ren, la ga vaase lolos ti ne Iesu, “Iesu, Nitna ne Moroa i silok aleng! Lavanga salai u vara i do una lox i ria? A sing u do nemen uta lox asongot aleng ia!”

Lagale Lavavang At Ne Iesu Karisito Luk Ga Malagan i 8:37

La nom limixin ap mo lenep Gerasa diga sing ne Iesu kusu na onon ta, mila diga marat aleng. La ne Iesu ga los kas at lesepang la lesepang ga sen kaxat.

Leven Gugu 16:39

Kuren la digat pas la diga vaase loklok bukbulu ridu; la diga lam asu du basinge loogu xokoxo la diga sing du do duna vas kaxat basinge mo lemenemen.

Leven Gugu 2:27

mila nenu, ne Moroa noxo ke xepe loroonan tarak keneng at lolos at lanmet. La u noxo ke xepe Lanarong taram la labantuxu ren napso.

Leven Gugu 3:14

Neni laradi dadat la mokmokso; ketla nemi miga lok abulubun kepe i, la miga sing ne Paelat kusu na soxomus asu laradi sepsev amet tadi.

Leven Gugu 4:27

Kerepmo ne Erodes mi ne Pontias Paelat diga rupot eburu at na lemenemen silok eburu minedi limixin me Judaia la limixin kopmen di me Judaia; kusu dina lox abulubun kepe ne Iesu, neni lasaxaruki dadat taram, mo nu ga lok li i do Lanarong.

Ibru 2:14

I ruturun do nedi luvuttadi mun, la kerepmo ne Iesu ga vee radi xusu at lanmet teren neni naba sele utut kepe lololos at ne Satan, mo ik lok limixin kusu dinak marat at lanmet.

Jems 2:19

I lox avukat do una nuunu do legesa Moroa xusuk mun. I ruturun, ketla lubunggas bok di nuunu xuren la dik marat aleng.

1 Jon 3:8

Do tara ik lox amisik laxakapmek, neni at ne Satan, mila ne Satan ga lok laxakapmek, ga ru ka i ganoxa at lereot. Lavasuun at lovotpot at ne Nitna ne Moroa do neni na sele utut kepe lugugu at ne Satan.

Lisilimet 20:2

La mo laangelo ga ranga alis lavattulaava la ga xoxo i kusu na nemen kuren at legesa abin sangsangaun kobot (1000) levenmaares. Mo lavattulaava ga nemen ganoxa, neni ne Devel la laasen bok teren ne Satan.

Lisilimet 3:7

Leeme Silok ga lok bok tia, “Una malagan na levelinga ti laangelo ik lok tatao limixin lotu dik lok ro Piladelpia. ‘Ana levelinga neni boro at laradi i melemelengan la i ruturun. La neni im tebeng lengki at ne Devit, loorong silok me gano; mo lengki i susuang lumusaragu at Linintoo at ne Moroa. Mo lumusaragu neni i susuang i, kopmen tara na epovo xusu na vi pe i, la mo lumusaragu neni i vi pe i, ixo epovo do tara na suang i.