Lagale Lavavang At Ne Iesu Karisito Luk Ga Malagan i 4:16 - Madak

¹⁶ At lara laaleng Iesu gat pas uto Nasaret, no lemenemen ni ga silok teren; la at laaleng kaala neni gat pas uto at loogu singising i ngan neni gak lok amisix i. Ni ga xatu upana kusu na us Lovoang Kaala.

Lagale Lavavang At Ne Iesu Karisito Luk Ga Malagan i 4:16 Iomraidhean Croise

Metiu 2:23

La diga nemen to Nasaret. La levelinga at lavaeme vapaase alii ga sorun. Mo levelinga ga lok keretna, ‘Diba so asen i do neni lanat me Nasaret.’

Lagale Lavavang At Ne Iesu Karisito Luk Ga Malagan i 2:39

Se ne Josep mi ne Maria duga lox axav i mo lempanga kerekngan Lenavolo at ne Moroa ga tong i, digamlong uto Nasaret lemenemen atdi gak lok at lenep silok Galili.

Lagale Lavavang At Ne Iesu Karisito Luk Ga Malagan i 2:42

Se ne Iesu ga lasangaun legepura laramaares teren, nedi loxoetemen digat pas uto ap mo leluxa kerekngan loklok at limixin me Israel.

Lagale Lavavang At Ne Iesu Karisito Luk Ga Malagan i 2:51

La ne Iesu gamlong eburu midu uto Nasaret, la neni gang tonga res amisik atdu. La nenen gam doma amisik na levelinga at ne Iesu la goxo domampe i.

Lagale Lavavang At Ne Iesu Karisito Luk Ga Malagan i 4:15

Neni ga anasa limixin to xeneng at laraugu singising la limixin axap diga emi asu aleng min.

Lagale Lavavang At Ne Iesu Karisito Luk Ga Malagan i 4:17

La laradi gomgo ap mo loogu singising ga raba i mi lugun linga at leeme vapaase alii, ne Aisaia. Ni ga valas i la ni ga long lenget ka loxot ga lok keretna;

Lagale Lavavang At Ne Iesu Karisito Luk Ga Malagan i 4:21

La ni ga lok tidi xeretna, “Ana levelinga at Lovoang Kaala ira sorun ta ningina, kerekngan tai mo mi ronga i.”

Lagale Lavavang At Ne Iesu Karisito Luk Ga Malagan i 4:23

Ni ga lok tidi, “A lok do miba tong asu i na lavapaase poovo ria, ‘Laradi sangsanga, una lox aroo xa u.’ La miba lok bok tia, ‘Una lok mo lempanga sangsangu nade at lemenemen taram i ngan ta ugak lox i ro Kaprenaum.”

Lagale Lavavang At Ne Iesu Karisito Jon Ga Malagan I 18:20

La ne Iesu ga lok, “Aga paase at lasaxaven ti limixin axap, la levenanasa rak aga lox i ro xeneng at laraugu singising la loogu laplavang; la limixin me Judaia digat pot buru amisik. A goxo vaase alipe tepanga.

Leven Gugu 17:2

Pol ga beles at loogu singising kerekngan ni gak lok amisix i. Mo go ni ga paase eburu mi limixin, la ga tong asu levelinga at Lovoang Kaala, at lavantun levenaleng kaala.