Lagale Lavavang At Ne Iesu Karisito Luk Ga Malagan i 21:8 - Madak

⁸ La ne Iesu ga lok, “Mina lok tatao avukat nimi; lavanga tara na xarang nimi mumu na lempanga, mila buaang nedi luvuttadi dibat pas mi laasen tarak la diba lok, ‘Nenia Lanarong!’ La diba lok bok, ‘Laaleng at lovotpot at Leeme Silok mo ia vot auret ta.’ Ketla nemen mita mumu asu di.

Lagale Lavavang At Ne Iesu Karisito Luk Ga Malagan i 21:8 Iomraidhean Croise

Metiu 24:11

la buaang lavaeme vapaase alii xaxarang dinaba vot la diba sar asoogong buaang limixin.

Metiu 3:2

Neni ga vavang keretna, “Mina leeng basinge leveloklok kakapmek atnimi, mila langas ti Linintoo no vana at laxalibet mo nga ira auret!”

Metiu 4:17

Ga ru ka i ap mo levenaleng ne Iesu ga vavang ti limixin keretna, “Mina leeng basinge leveloklok kakapmek atnimi, mila langas ti Linintoo no vana at laxalibet mo nga ira auret!”

Lagale Lavavang At Ne Iesu Karisito Luk Ga Malagan i 17:23

La lentaba diba lok tinimi, ‘Mina ven ba i no!’ Kopla, ‘Mina ven i nade!’ Ketla nemen mita vas su xusu mina ven tia,

Lagale Lavavang At Ne Iesu Karisito Luk Ga Malagan i 21:7

La diga sue ne Iesu xeretna, “Leeme loklox ase, lingisa nom lempanga naba vot? La loklok katling salai naba ravasu do na lempanga na vot?”

Lagale Lavavang At Ne Iesu Karisito Luk Ga Malagan i 21:9

Nemen mita marat mo do mina ronga laraesep; lempanga xerepmo naba vot avot, ketla laxavaxap at na lavatbung menemen kopmen noxo vot soso.”

Lagale Lavavang At Ne Iesu Karisito Jon Ga Malagan I 5:43

Agara vot eburu vam mi lololos at ne Tamak, ketla kopmen mina siam ka ia. Do tara na paase mi lololos axa ren, nemi miba siam ka i.

Lagale Lavavang At Ne Iesu Karisito Jon Ga Malagan I 8:24

Kuren la a tong i rinimi do nemi miba seeve mumu laxakapmek atnimi. Do mixo nuunu do nenia mo a tong pam i rinimi, miba seeve mumu laxakapmek atnimi.”

Lagale Lavavang At Ne Iesu Karisito Jon Ga Malagan I 8:28

Kuren la ne Iesu ga lok tidi, “Se do mina xip aurur ia, Laradi Mevana, ro vana at laxaba, mibaklen ba i do nenia nege la mibaklen ba i do nenia axo lok levempanga mi lavavara axa rak, ketla a vaase mun mo levelinga ne Tamak ga raba ia min.

1 Korin 6:9

Mi xasep pam do limixin kapmek di noxo ruuna ka toxot to xeneng at Linintoo at ne Moroa. La mina xasep nunuan at na levelinga; limixin di lok loklok kakapmek maxamang at lixitkis epot, la di lotu saparap laxampoovo moroa, la di elongka, kopla lavatlok axa di velongka.

Epesas 5:6

Nemen tara na bala arup nimi ri laxakapmek mi levelinga gamasa mila, do tara na lok nom lempanga la na ronga xepe levelinga at ne Moroa, lebelemamao ren ba vot saparap nom laradi.

2 Tesalonia 2:3

Mi guta ke avolo tara na xarang nimi kerepmo, mila lekarakat silok naba rupot avot ti lovotpot at Leeme Silok. Ap mo levenaleng mumuat, buaang limixin dinaba lox abulubun kepe ne Moroa. La lara laradi kapmek naba ru asuvos. Ketla ne Moroa naba lok kapmex i ro at lemenemen songsongot.

2 Timoti 3:13

Ketla nedi limixin kapmek mi limixin pereven ka dinaba lok kapmek aleng, la diba xarang limixin la limixin petpes diba xarang nedi.

1 Jon 4:1

Larapen tangas orong tarak. Nemen gat mita rebeng alis soso levenanasa atnedi di tong i do di ruuna Loroonan Kaala; ketla mina viila mumu avot be levenanasa atdi do i sixit epovo mi levenanasa at ne Moroa. Mina lox i xuren atla buaang lavaeme vapaase xaxarang dit pas tangtagap at lengkot axap.

2 Jon 1:7

Buaang nedi luvuttadi sosolo arup diga vas epeseves su uto at na lavatbung menemen. Mo limixin kopmen na tong asu i dola Iesu Karisito ga vot ngan laradi ruturun. Luvuttadi xerepmo nedi lavaanat sosolo arup, la di munepen mi ne Karisito.

Lisilimet 1:3

Luvukat ti mo laradi do na us na levempapaase alii, la luvukat bok tinedi di ronga na levelinga, la di mu asu levelinga ik lok keneng at na lovoang; mila levenaleng ira auret pam ti na lempanga naba vot.

Lisilimet 12:9

La ne Mikael eburu mi lubungangelo ren diga lu asi mi mo lavattulaava eburu mi lubungangelo ren. Neni lavattulaava me gaxatnak, luasen teren ne Devel la ne Satan, mo i sasar asoogong limixin axap ti laxapmek; nedi diga lu asi midi ude xopok at na lavatbung menemen.